SOTK – Guð, peningar og þú

Matteusarguðspjall 7:11-12

Fyrst þér, sem eruð vondir, hafið vit á að gefa börnum yðar góðar gjafir, hve miklu fremur mun þá faðir yðar á himnum gefa þeim góðar gjafir, sem biðja hann? -12- Allt sem þér viljið, að aðrir menn gjöri yður, það skuluð þér og þeim gjöra. Þetta er lögmálið og spámennirnir.

Ég fæ fleiri spurningar um fjármál en um nokkuð annað og ég hef komist að því að margir kristnir menn hafa ekki réttan grunn þegar kemur að auði.

Fólk hefur margar öfgakenndar skoðanir þegar þetta efni ber á góma og vegna þess hættir mörgum til að kasta barninu út með baðvatninu. Við þurfum að vera rótfest í heilbrigðum og jafnvægisstilltum, biblíulegum skilningi á þessu mjög svo mikilvæga málefni.

Ritningin er mjög skýr varðandi þá staðreynd að Guð vill blessa okkur fjárhagslega, en margir skilja þó ekki þau skilyrði sem Guð krefst af okkur til að það geti gerst.

Guð hefur ákvarðað að ríki hans skuli stjórnað af lögmálum

Rómverjabréfið 8:2

Lögmál lífsins anda hefur í Kristi Jesú frelsað þig frá lögmáli syndarinnar og dauðans.

Rómverjabréfið 3:27

Hvar er þá hrósunin? Hún er úti lokuð. Með hvaða lögmáli? Verkanna? Nei, heldur með lögmáli trúar.

Galatabréfið 6:2

Berið hver annars byrðar og uppfyllið þannig lögmál Krists.

Jakobsbréfið 2:8

Ef þér uppfyllið hið konunglega boðorð Ritningarinnar: "Þú skalt elska náunga þinn sem sjálfan þig", þá gjörið þér vel.

Þegar Jesús sagði í Matt 7:11 að himneskur faðir okkar vildi gefa okkur góðar gjafir, var hann fljótur að segja í næsta versi að þetta gerðist með því að hlýða ákveðnu lögmáli. Matt 7:12 Allt sem þér viljið, að aðrir menn gjöri yður, það skuluð þér og þeim gjöra. Þetta er lögmálið og spámennirnir.

Það er afar mikilvægt að við skiljum hvað Jesús var að segja hér

Jesús var að tala um að þiggja góðar gjafir frá himneskum föður okkar og hann sagði að það virkaði með því að hlýða ákveðnu lögmáli.

LÖGMÁL SÁNINGAR OG UPPSKERU

Drottinn heldur ekki aftur af björg til okkar, og þar sem við erum börnin hans er okkur sagt að biðja um okkar daglegu björg í Matt 6:11. HINS VEGAR, hvað sem við þurfum á að halda, eigum við fyrst að sá því til Drottins svo að hann geti margfaldað það til baka; þetta er lögmál ríkisins.

Enginn bóndi myndi sá fræjum til að uppskera sama magn og hann sáði.

Svo ótrúlegt sem það kann að hljóma, þá ætlast margir kristnir menn til þess að uppskera fjárhagslega blessun án þess að sá fræi.

Ég hef heyrt marga segja: „Ef Guð blessar mig fjárhagslega mun ég gefa til þjónustu þinnar eða einhvers annars,“ en þetta virkar ekki þannig. Guð hannaði lögmál sem gerði það kleift að hafa öll þau úrræði sem kirkjan þarfnast og það er lögmálið sem segir að þú verðir að sá til að uppskera.

Þú segir: Ég gef ekki til að fá meira; ég gef af hreinu hjarta og á von á engu í staðinn.

Þó að það hljómi mjög guðrækilega og heilagt er það ekki biblíulegt; ég heyri þig spyrja: Hvað þá um Lúk 6:35?

Lúkasarguðspjall 6:35

Nei, elskið óvini yðar, og gjörið gott og lánið án þess að vænta nokkurs í staðinn, og laun yðar munu verða mikil, og þér verða börn hins hæsta, því að hann er góður við vanþakkláta og vonda.

Það sem Jesús er að segja hér er að ef þú lánar eða jafnvel gefur einhverjum, skaltu ekki búast við að fá neitt til baka frá þeim; hins vegar mun Guð umbuna þér samkvæmt lögmálinu um sáningu og uppskeru.

Páll postuli var mjög skýr um þetta þegar hann skrifaði eftirfarandi

Síðara Korintubréf 9:6-11

En þetta segi ég: Sá sem sáir sparlega mun og sparlega uppskera, og sá sem sáir ríflega mun og ríflega uppskera. -7- Sérhver gefi eins og hann hefur ásett sér í hjarta sínu, ekki með ólund eða með nauðung, því að Guð elskar glaðan gjafara. -8- Guð er þess megnugur að veita yður allar góðar gjafir ríkulega, til þess að þér í öllu og ávallt hafið allt sem þér þarfnist og getið sjálfir veitt ríkulega til sérhvers góðs verks. -9- Eins og ritað er: Hann miðlaði mildilega, gaf hinum snauðu, réttlæti hans varir að eilífu. -10- Sá sem gefur sáðmanninum sæði og brauð til fæðu, hann mun og gefa yður sáð og margfalda það og auka ávexti réttlætis yðar. -11- Þér verðið í öllu auðugir og getið jafnan sýnt örlæti sem kemur til leiðar þakklæti við Guð fyrir vort tilstilli.

Við munum aldrei komast lengra en að fá grunnþörfum okkar mætt ef við sáum ekki fræi.

Jesús sagði:

Lúkasarguðspjall 6:38

Gefið, og yður mun gefið verða. Góður mælir, troðinn, skekinn, fleytifullur mun lagður í skaut yðar. Því með þeim mæli, sem þér mælið, mun yður aftur mælt verða."

MUNDU: Enginn bóndi myndi sá fræjum til að uppskera sama magn af fræi og hann sáði.

Tölurnar skoðaðar

Guð er mjög nákvæmur: Gefið, og yður mun gefið verða. Troðinn mælir og fleytifullur.

Markúsarguðspjall 4:20

Hitt, sem sáð var í góða jörð, merkir þá sem heyra orðið, taka við því og bera þrítugfaldan, sextugfaldan og hundraðfaldan ávöxt."

Það er til gamalt máltæki sem er svo sannmælt: „Þú getur aldrei gefið meira en Guð.“

Síðara Korintubréf 9:6

En þetta segi ég: Sá sem sáir sparlega mun og sparlega uppskera, og sá sem sáir ríflega mun og ríflega uppskera.

HVÖT, HVÖT, HVÖT

Við þurfum að spyrja spurningarinnar: „Hvað með hvatirnar?“ Margir segja að maður ætti ekki að gefa til að fá, sem er eins og að segja að bóndi ætti ekki að búast við meiru en hann sáir! Svolítið fáránlegt í rauninni. ÞAÐ VELTUR ALLT Á HVÖTINNI. Við þurfum að svara spurningunni, hvers vegna viljum við mikinn auð? Ef við svörum þessari spurningu rétt erum við farin að uppfylla skilyrðin fyrir því að þiggja frá Drottni. Svarið við þessu liggur í áminningu Guðs til Ísraels í 5Mós 8.

Fimmta Mósebók 8:15-18

sem leiddi þig um eyðimörkina miklu og hræðilegu, þar sem voru eitraðir höggormar og sporðdrekar og vatnslaust þurrlendi, og leiddi fram vatn handa þér af tinnuhörðum klettinum, -16- hann sem gaf þér manna að eta í eyðimörkinni, er feður þínir eigi þekktu, svo að hann gæti auðmýkt þig og svo að hann gæti reynt þig, en gjört síðan vel við þig á eftir. -17- Og seg þú ekki í hjarta þínu: "Minn eigin kraftur og styrkur handar minnar hefir aflað mér þessara auðæfa." -18- Minnstu heldur Drottins Guðs þíns, því að hann er sá, sem veitir þér kraft til að afla auðæfanna, til þess að hann fái haldið þann sáttmála, er hann sór feðrum þínum, eins og líka fram hefir komið til þessa.

Raunir og prófraunir: Getur Guð treyst þér fyrir auði?

Guð lofar okkur ekki ævintýralegri ferð í gegnum lífið. Flestir kristnir milljónamæringar í heiminum í dag hafa farið í gjaldþrot að minnsta kosti einu sinni.

Það er grundvallarregla í Guðsríkinu, að á þeim sviðum þar sem við höfum verið særð, illa farin með okkur, misnotuð, eða höfum barist við veikindi, þar getum við öðlast vald til að lækna aðra af sömu hlutum. Þetta er vegna þess að vald ríkisins byggist á samkennd og þú getur aðeins haft raunverulega samkennd þegar þú hefur verið í sömu stöðu og þeir sem þjást.

Hebreabréfið 5:2

Hann getur verið mildur við fáfróða og villuráfandi, þar sem hann sjálfur er veikleika vafinn.

Síðara Korintubréf 8:9

Þér þekkið náð Drottins vors Jesú Krists. Hann gjörðist fátækur yðar vegna, þótt ríkur væri, til þess að þér auðguðust af fátækt hans.

Jesús vissi hvernig það var að eiga ekkert, og þetta gaf honum aftur á móti vald til að sjá fyrir öllum okkar þörfum.

Til að snúa aftur að spurningunni: „Hvers vegna vilt þú vera auðugur?“ Það er enginn endir á því að eignast fleiri hluti og að keppast við að eiga jafn mikið og aðrir er vítahringur. Við verðum að ákveða okkar eigin lífskjör og vera nægjusöm.

Hvatir Guðsríkisins

Matteusarguðspjall 6:31-33

Segið því ekki áhyggjufullir: ,Hvað eigum vér að eta? Hvað eigum vér að drekka? Hverju eigum vér að klæðast?' -32- Allt þetta stunda heiðingjarnir, og yðar himneski faðir veit, að þér þarfnist alls þessa. -33- En leitið fyrst ríkis hans og réttlætis, þá mun allt þetta veitast yður að auki.

Setjum Guðsríkið í fyrsta sæti í löngun okkar til að eignast auð

Guð leiddi Ísraelsþjóðina út af Egyptalandi með miklum auði. HVERS VEGNA? Til þess að þau gætu gefið hann til að byggja hús Guðs í eyðimörkinni.

Fimmta Mósebók 8:17-18

Og seg þú ekki í hjarta þínu: "Minn eigin kraftur og styrkur handar minnar hefir aflað mér þessara auðæfa." -18- Minnstu heldur Drottins Guðs þíns, því að hann er sá, sem veitir þér kraft til að afla auðæfanna, til þess að hann fái haldið þann sáttmála, er hann sór feðrum þínum, eins og líka fram hefir komið til þessa.

Guð gaf þeim kraft til að afla auðæfa til þess að sáttmáli Guðs gæti uppfyllst.

Hvaða sáttmála var Guð að tala um?

Þetta var sáttmálinn sem Abraham var gefinn í 15., 16. og 17. kafla 1. Mósebókar. Guð sagði að hann myndi gefa niðjum Abrahams Kanaanland og að niðjar Abrahams myndu fylla jörðina. Það er áætlun Guðs að niðjar Abrahams muni fylla alla jörðina. Lokauppskeran er hafin og ótal milljónir munu hrífast inn í Guðs ríki. Nú sagði Guð: „Ég mun gefa þér mikil auðæfi svo að sáttmálinn, sem ég gaf, verði staðfestur.“ Þessi sáttmáli var ekki aðeins fyrir hið jarðneska Ísrael, hann var einnig mynd af Guðs ríki á endatímunum og uppskeru þjóða þessarar jarðar.

Matteusarguðspjall 13:39b

uppskeran er endir veraldar og kornskurðarmennirnir englar.

Guð sagði: „Ég mun gefa þér kraft til að afla auðæfa svo að sáttmáli minn verði staðfestur,“ með öðrum orðum mun ég gefa þér auðæfi til þess að efla Guðs ríki og safna inn niðjum Abrahams frá öllum þjóðum. Augu Guðs beinast að uppskerunni.

Páll postuli sagði

Síðara Korintubréf 11:22

Eru þeir Hebrear? Ég líka. Eru þeir Ísraelítar? Ég líka. Eru þeir Abrahams niðjar? Ég líka.

Auður hinna óguðlegu færist nú yfir til hinna réttlátu til þess að sáttmáli Guðs verði staðfestur á jörðinni í dag og hægt verði að leysa úr læðingi það fjármagn sem þarf til að safna inn endatímauppskerunni og gera hana að lærisveinum.

Þetta gerist ekki sjálfkrafa

SÆÐINU VERÐUR AÐ SÁ NÚNA

Ef þú vilt að Guð sé örlátur við þig SKALTU SÁ ÖRLÁTLEGA

Ef þú vilt að Guð geri eitthvað yfirgengilegt fyrir þig: Sáðu þá yfirgengilega

Fyrir nokkrum vikum talaði Drottinn til mín þegar ég var á mörkum vöku og svefns og sagði skýrt við mig: „Neville, þig mun vanta fjármagn mjög bráðlega, sáðu til mín yfirgengilega.“ Mig grunaði ekki hvað var í vændum, því aðeins nokkrum dögum síðar sýndi Guð okkur landið sem hann vildi að við keyptum fyrir endatímaverkefni.

Þegar ég rankaði við mér sagði ég: „Drottinn, hvað á ég að gera?“ Mér var lögð sú hugsun í brjóst að gefa allt sem ég átti til trúboðsstarfs erlendis. Svo við tæmdum bankareikninginn okkar algjörlega og gáfum allt.

Nú trúi ég því að Guð muni gera eitthvað yfirgengilegt fyrir okkur

Ég skrifa þetta sem svar við mörgum spurningum sem ég hef fengið.

Svona virkar þetta: Við verðum að leysa flæðið úr læðingi. Guð segir: Reynið mig nú og sjáið mig opna glugga himinsins fyrir ykkur.

Að fjárfesta í Guðs ríki er skynsamlegasta fjárfesting sem þú getur ráðist í

Kólossubréfið 3:23-24

Hvað sem þér gjörið, þá vinnið af heilum huga, eins og Drottinn ætti í hlut, en ekki menn. -24- Þér vitið og sjálfir, að Drottinn mun veita yður arfleifðina að launum. Þér þjónið Drottni Kristi.

Guð blessi þig!