SOTK – Að skilja einingu 3. hluti

Kólossubréfið 2:10

Og í honum, sem er höfuð hvers konar tignar og valds, hafið þér öðlast hlutdeild í þessari fyllingu.

Postulasagan 17:28

Í honum lifum, hrærumst og erum vér. Svo hafa og sum skáld yðar sagt: ,Því að vér erum líka hans ættar.'

Jóhannesarguðspjall 15:4

Verið í mér, þá verð ég í yður. Eins og greinin getur ekki borið ávöxt af sjálfri sér, nema hún sé á vínviðnum, eins getið þér ekki heldur borið ávöxt, nema þér séuð í mér.

Jóhannesarguðspjall 15:7

Ef þér eruð í mér og orð mín eru í yður, þá biðjið um hvað sem þér viljið, og yður mun veitast það.

Eining við Drottin Jesú er ein brýnasta þörfin á þessari stundu. Hún er okkur lífsnauðsynleg ef við eigum að ganga inn í næsta áfanga í tilgangi Guðs með líf okkar á jörðinni.

Fæðingarhríðir eru skollnar á

Á þessum tímum erum við að upplifa upphaf djúpstæðra breytinga. Margt er að gerast sem getur valdið okkur ruglingi nema við skiljum hvað er á seyði.

Hápunktur margra ára loforða, spádóma og orða frá Drottni tvinnast nú saman við okkar tíma. Hinn ákveðni tími fyrir marga hluti er nú runninn upp. Sumar af djúpstæðustu breytingum á kirkjunni frá tímum frumkirkjunnar eru nú í fæðingarferli.

Jesaja 66:9a

Skyldi ég láta barnið koma í burðarliðinn og ekki láta það fæðast? segir Drottinn.

Fæðingar eru sóðalegar og sársaukafullar

Ekkert raskar heimilislífi meira en fæðing barns. Fæðing barns krefst þess að ákveðnir hlutir deyi hjá foreldrunum. Tími þeirra er ekki lengur þeirra eigin og það er víst að þau munu sofa minna en þau eiga að venjast. Margt úr gamla lífsstílnum getur ekki fylgt með yfir í hið nýja.

Líffærafræði fylgjunnar: Úr alfræðiritinu Wikipedia

Fylgjan samanstendur af tveimur hlutum:

Annar þeirra er erfðafræðilega og líffræðilega hluti af fóstrinu, hinn er fellibelgurinn (decidua) sem er hluti af móðurinni. Hún græðist í legvegginn og er tengd fóstrinu um naflastrenginn, sem samanstendur af æðum og bandvef.

Síun og flutningur

Fylgjan tekur við næringarefnum, súrefni, mótefnum og hormónum úr blóði móðurinnar og losar sig við úrgang. Hún myndar þröskuld, fylgjuþröskuldinn, sem síar út ýmis efni sem gætu skaðað fóstrið. Mörg efni eru þó ekki síuð út, þar á meðal áfengi og ýmis kemísk efni sem tengjast sígarettureykingum. Nokkrar tegundir veira, eins og cýtómegalóveira (Human Cytomegalovirus), geta einnig farið yfir þennan þröskuld; þetta leiðir oft til ýmissa fæðingargalla hjá ungbarninu.

Eftir fæðingu

Þegar fóstrið fæðist, fæðist fylgjan á eftir (og er þess vegna oft kölluð eftirburður). Eftir að fylgjan kemur út er naflastrengurinn venjulega klemmdur og skorinn, eða hann getur verið látinn fylgja með til að falla af á náttúrulegan hátt.

Þetta er þekkt sem fylgjuát (Placentophagy). Staðurinn þar sem naflastrengurinn var áður festur, á miðjum kviðnum að framan, kallast nafli.

ATHUGIÐ

Þegar barnið er í móðurkviði er fylgjan lífsnauðsynleg fyrir líf og afkomu barnsins. Hún er hluti af næringarferlinu og hefur einnig það hlutverk að sía burt allt sem gæti verið barninu skaðlegt eftir að það hefur fæðst. Þegar barnið er fætt er eftirburðinum, sem gegndi lífsnauðsynlegu hlutverki fyrir fæðinguna, hent. Ef það er ekki gert gæti hann eitrað fyrir barninu og drepið það; það verður að SKERA HANN AF.

Sömuleiðis gildir um andlegar fæðingar:

Getnaður á sér stað þegar sáðkorni er komið fyrir í anda þínum. Því sáðkorni er plantað þar með orði frá Guði, spádómi, draumi eða á hvern þann hátt sem Guð gróðursetur sýn, tilgang og örlög. Þegar María varð þunguð af heilögum anda sagði hún þetta:

Lúkasarguðspjall 1:38a

En María sagði: Sjá, ég er ambátt Drottins. Verði mér eftir orðum þínum.

Þegar því orði frá Guði er plantað í anda þinn verður getnaður; síðan verður allt hljótt. Það er rétt eins og ekkert hafi gerst, þú ferð í gegnum þann vana að velta því fyrir þér: Var þetta Guð? Sagði Guð þetta virkilega við mig? Það er athyglisvert að Guð skyldi leiða Maríu saman við aðra manneskju sem átti einnig von á kraftaverkabarni, einfaldlega til að hvetja hana til að trúa.

Lúkasarguðspjall 1:39

En á þeim dögum tók María sig upp og fór með flýti til borgar nokkurrar í fjallbyggðum Júda.

Lúkasarguðspjall 1:41-42

Þá varð það, þegar Elísabet heyrði kveðju Maríu, að barnið tók viðbragð í lífi hennar, og Elísabet fylltist heilögum anda -42- og hrópaði hárri röddu: "Blessuð ert þú meðal kvenna og blessaður ávöxtur lífs þíns.

Eftir þetta langa og hljóða tímabil byrja hríðarnar að lokum, og það skyndilega. Þetta er sársaukafulli hlutinn.

Þegar þú ert að fæða eitthvað í Guði muntu mæta andstöðu frá óvininum og hversu hörð sú andstaða er ræðst af umfangi og mikilvægi sýnarinnar og tilgangi þess sem er að fæðast.

Opinberunarbókin 12:3-5

Annað tákn birtist á himni: Mikill dreki rauður, er hafði sjö höfuð og tíu horn og á höfðunum sjö ennisdjásn. -4- Með halanum dró hann þriðja hlutann af stjörnum himinsins og varpaði þeim ofan á jörðina. Drekinn stóð frammi fyrir konunni, sem komin var að því að fæða, til þess að gleypa barn hennar, þá er hún hefði fætt. -5- Hún fæddi son, sveinbarn, sem stjórna mun öllum þjóðum með járnsprota. Og barn hennar var hrifið til Guðs, til hásætis hans.

Satan mun alltaf reyna að drepa sýnina sem Guð gefur þér

Andlegar fæðingar krefjast andlegs hernaðar til að geta komið í heiminn. Þær eru oft blóðugar, sóðalegar og lýjandi, og krefjast þess að eitthvað í okkur deyi. Líf þitt verður aldrei samt aftur. Það sem nærði sýnina – andlega fylgjan, eftirburðurinn – verður að vera skorið burt og því hent.

Hið nýja krefst þess alltaf að margt úr hinu gamla deyi, hlutir sem gegndu hlutverki, oft lífsnauðsynlegu hlutverki, en geta ekki fylgt yfir í hið nýja, annars gæti barnið orðið fyrir eitrun. Þegar kjúklingur klekst úr eggi skilur hann skurnina eftir. Það verður að taka niður vinnupallana af byggingu þegar hún er tilbúin.

Hernaðurinn getur verið harður og dauði hins gamla getur verið erfiður

Opinberunarbókin 12:11

Og þeir hafa sigrað hann fyrir blóð lambsins og fyrir orð vitnisburðar síns, og eigi var þeim lífið svo kært, að þeim ægði dauði.

Þú gætir spurt, hvað hefur þetta með einingu að gera?

Við getum aðeins lifað af framtíðina ef við göngum með Drottni og sú ganga krefst þess að við séum í einingu eða samfélagi við hann.

Jóhannesarguðspjall 15:4

Verið í mér, þá verð ég í yður. Eins og greinin getur ekki borið ávöxt af sjálfri sér, nema hún sé á vínviðnum, eins getið þér ekki heldur borið ávöxt, nema þér séuð í mér.

Jóhannesarguðspjall 15:7

Ef þér eruð í mér og orð mín eru í yður, þá biðjið um hvað sem þér viljið, og yður mun veitast það.

Það eru engar þær aðstæður eða kringumstæður sem þú gætir lent í, sem Guð hefur ekki séð fyrir fyrirheiti um í orði sínu. Þú getur fundið ritningargrein sem á við um hvað sem þú vilt gera. Þegar eitthvað í lífinu krefst trúar leita kristnir menn venjulega í Guðs orð til að finna fyrirheit sem á við aðstæðurnar. Þegar þeir finna það biðja þeir til Guðs og reyna að þvinga hann til að uppfylla það. Guð biður okkur ekki um að finna fyrirheit sem gæti átt við aðstæðurnar, heldur segir hann: „Hvað sem ég segi yður, það skuluð þér GERA.“ Það er aðeins líf í þeim orðum sem heilagur andi lífgar í þér, og til þess að heyra skýrt í honum verður þú að vera á ákveðnu stigi einingar við hann. Þessi sameining eða eining verður til við það að við gefum vilja okkar stöðugt á vald hans vilja og höldum okkur stöðugt í tengslum við hann.

Guð er að fæða af sér nýjan dag í lífi fólks, söfnuða og þjóða, en gömlu hættirnir verða að víkja: „Sjá, ég gjöri nýja hluti, segir Drottinn.“ Það er lífsnauðsynlegt að ganga í einingu við Drottin, og hin nýja skipan lifir í þeim raunveruleika að „nú lifi ég ekki framar sjálfur“.

Fæðingarhríðir – eru fyrirheit um nýjan dag sem krefst einingar við Drottin til þess að ganga megi inn í hið nýja og viðhalda því.

Fyrir nokkrum mánuðum sagði ég ykkur að taka eftir óvenjumiklum fjölda barna sem myndu fæðast um allan heim og í söfnuðum ykkar, þá sérstaklega tvíburum. Þetta er merki þess að Drottinn sé að því kominn að úthella tvöföldum hlut af margvíslegri blessun og smurningu. Það vitnar einnig um uppskeruna sem er í vændum. Tölfræði sýnir gríðarlega fjölgun fæðinga um allan heim, sérstaklega á tvíburum.

Eining meðal bræðranna næst aðeins að því marki sem við erum í einingu við Drottin.

Guð blessi þig!