SOTK – Að lifa í Kristi eða Adam 2.hluti

SOTK – Að lifa í Kristi eða Adam 2.hluti

by | Sep 20, 2023 | SOTK-2

Kristur í þér, von dýrðarinnar

Kólossusbréfið 1:27

Guð vildi kunngjöra þeim, hvílíkan dýrðar ríkdóm heiðnu þjóðirnar eiga í þessum leyndardómi, sem er Kristur meðal yðar (í yður), von dýrðarinnar.

Þetta gæti lesist Kristur í þér von gæskunnar.

Þegar Móse sagði við Guð, sýndu mér dýrð þína, lét Guð þá alla gæsku sína ganga fram hjá Móse.

Önnur Mósebók 33:18-19

En Móse sagði: Lát mig þá sjá dýrð þína! -19- Hann svaraði: Ég vil láta allan minn ljóma (gæsku, (goodness)) líða fram hjá þér, og ég vil kalla nafnið Drottinn frammi fyrir þér. Og ég vil líkna þeim, sem ég vil líkna, og miskunna þeim, sem ég vil miskunna.

Kristur í okkur er eina vonin sem við höfum um að einhverja gæska eða góðvild sé að finna í okkur. Við erum hólpinn fyrir náð og við erum helguð af náð hans.

Rómverjabréfið 7:18 / 8:1-2

Ég veit, að ekki býr neitt gott í mér, það er, í holdi mínu. Að vilja veitist mér auðvelt, en ekki að framkvæma hið góða.

Nú er því engin fordæming fyrir þá, sem tilheyra Kristi Jesú. -2- Lögmál lífsins anda hefur í Kristi Jesú frelsað þig frá lögmáli syndarinnar og dauðans.

Það er aðeins þegar við gefumst Kristi í anda okkar, eða ef við orðum það á annan hátt, það er aðeins þegar við leyfum Honum (Jesú) að lifa lífi sínu í gegnum okkur, sem við getum gengið í gæsku eða dýrð Drottins.

Hvernig er Jesús í okkur

Við tölum um að bjóða Jesú inn í hjarta okkar, en hvað þýðir það, á hvaða hátt er hann í okkur?

Fyrra Pétursbréf 1:23

Þér eruð endurfæddir, ekki af forgengilegu (spilltu) sæði, heldur óforgengilegu (óspilltu), fyrir orð Guðs, sem lifir og varir.

Við endurfæddumst þegar sæði kom inn í anda okkar. Hvað sáðkorn er þetta?

701. spora, spor-ah’; frá G4687; sáning, (með tengingu við.) rótin:–sæði.

Sáðkorn eða sæði Guðs

Jóhannes postuli segir þetta með þessum hætti.

Fyrsta Jóhannesarbréf 3:9

Hver sem af Guði er fæddur drýgir ekki synd, því að það, sem Guð hefur í hann sáð, varir í honum. Hann getur ekki syndgað, af því að hann er fæddur af Guði.

Orðið sáðkorn hér er 4690. sperma, sper-mah; frá G4687; eitthvað sáð, þ.e. sæði (þar á meðal karlkyns „sæði“); (með tengingu við), afkvæmi, (lík og við gróðursetningu), fræ.

Sjálft sæði Guðs var gróðursett í anda þinn þegar þú endurfæddist. Þessu sáðkorni er ekki hægt að spilla, og eins og DNA plöntu er í fræinu og mun leiða til nákvæmrar eftirlíkingu af þeirri plöntu, og eins og DNA manns er í sæði hans og það sem fæðist af því kemur fram í líkingu mannsins. Sjálft DNA Guðs var sett í anda þinn og í því DNA er fullkominn Kristur, þú varðst sonur Guðs.

Eina vonin um gæsku í okkur er sú sem við fengum í sæði Krists sem við fengum við að endurfæðast.

Klónun

Klónun er orðin að veruleika í dag og gefur nokkra innsýn og skilning á Fyrsta Jóhannesarbréfi 3:9.

Þann 8. janúar 2001 tilkynntu vísindamenn hjá Advanced Cell Technology, Inc., fæðingu fyrsta klónsins af dýri í útrýmingarhættu, nautaungi (stór villtur uxi frá Indlandi og suðaustur Asíu) að nafni Nói. Þrátt fyrir að Nói hafi dáið af völdum sýkingar sem ekki tengdist aðgerðinni sýndi tilraunin að það er hægt að bjarga dýrum í útrýmingarhættu með klónun.

Klónun er ferlið við að búa til erfðafræðilega eins lífveru með ókynhneigðum hætti. Það hefur verið notað í mörg ár til að framleiða plöntur (jafnvel að rækta plöntu úr græðlingi er tegund af klónun). Klónun dýra hefur verið viðfangsefni vísindatilrauna um árabil en vakti litla athygli þar til fyrsta klónaða spendýrið fæddist árið 1997, kind sem heitir Dolly. Frá Dolly hafa nokkrir vísindamenn klónað önnur dýr, þar á meðal kýr og mýs. Árangur í einræktun dýra að undanförnu hefur vakið harðar umræður meðal vísindamanna, stjórnmálamanna og almennings um notkun og siðferði við klónun plantna, dýra og hugsanlega manna.

Vísindamenn hafa gert tilraunir með einræktun dýra, en hafa aldrei getað örvað sérhæfða (aðgreinda) frumu til að framleiða nýja lífveru beint. Þess í stað treysta þeir á að ígræða erfðaupplýsingarnar frá sérhæfðri frumu í ófrjóvgaða eggfrumu þar sem erfðaupplýsingum hefur verið eytt eða þær fjarlægðar.

Það er ekki tilgangur minn hér að ræða siðfræði klónunar. Ég nota þetta dæmi til að skýra hvað raunverulega gerðist þegar sæði Jesú var ígrætt í anda þinn.

Jóhannes sagði að sæðið sem sett var í anda þinn við nýfæðingu væri óforgengilegt (óspillt) og getur ekki syndgað. Þetta er vegna þess að það er hluti af Guði sem er fullkominn.

Þessi ígræðsla á nýju erfðaefni í anda okkar við endurfæðingu eða frelsun og eyðilegging gömlu andlegu erfðamynstranna sem við fengum frá Adam er dásamlegt verk Guðs í okkur. Ef gamla erfðaefninu er ekki eytt þá ertu með blöndu og verða að einskonar geðklofa. Við þennan veruleika búa því miður flestir Kristnir. Þetta er það sem Páll postuli talaði um í Rómverjabréfinu 7. kafla.

Rómverjabréfið 7:15-23

Því að ég veit ekki, hvað ég aðhefst. Það sem ég vil, það gjöri ég ekki, en það sem ég hata, það gjöri ég. -16- En ef ég nú gjöri einmitt það, sem ég vil ekki, þá er ég samþykkur lögmálinu, að það sé gott. -17- En nú er það ekki framar ég sjálfur, sem gjöri þetta, heldur syndin, sem í mér býr. -18- Ég veit, að ekki býr neitt gott í mér, það er, í holdi mínu. Að vilja veitist mér auðvelt, en ekki að framkvæma hið góða. -19- Hið góða, sem ég vil, gjöri ég ekki, en hið vonda, sem ég vil ekki, það gjöri ég. -20- En ef ég gjöri það, sem ég vil ekki, þá er það ekki lengur ég sjálfur, sem framkvæmi það, heldur syndin, sem í mér býr. -21- Þannig reynist mér það þá regla fyrir mig, sem vil gjöra hið góða, að hið illa er mér tamast. -22- Innra með mér hef ég mætur á lögmáli Guðs, -23- en ég sé annað lögmál í limum mínum, sem berst á móti lögmáli hugar míns og hertekur mig undir lögmál syndarinnar í limum mínum.

Páll er hér að lýsa baráttu milli tveggja valda sem berjast um yfirráð innan hans. Þetta undirstrikar sannleikann að nema gamla eðlið sé drepið mun það halda áfram að berjast gegn nýja lífinu eða sæði Krists innra með okkur.

Þar sem vilji okkar er mjög öflugur og stjórnandi hluti af sál okkar, verðum við að velja að drepa eigin langanir okkar og gefa vilja okkar undir vilja Guðs.

Þetta er val, en ekki „viljakraftur“. Þegar Jesús dó á krossinum batt hann löglega enda á gamla kynstofn Adams. Hið fallna eðli Adams var krossfest í Kristi.

Nú er valið þitt

Rétt eins og Adam hafði upphaflega val um hverjum hann myndi þjóna, þá höfum við það líka. Ef við samþykkjum og trúum því að gamli Adam hafi verið tekinn af lífi og að við getum nú lifað frá anda okkar sem hefur sæði Guðs í sér, án þess að leyfa sálu okkar með huga sínum, tilfinningum og vilja að ná aftur stjórn, munum við byrja að ganga í anda eða lífi þessarar nýju sköpunar.

Galatabréfið 2:20

Ég er krossfestur með Kristi. Sjálfur lifi ég ekki framar, heldur lifir Kristur í mér. Lífinu, sem ég lifi nú hér á jörð, lifi ég í trúnni á Guðs son, sem elskaði mig og lagði sjálfan sig í sölurnar fyrir mig.

Rómverjabréfið 8:1-2

Nú er því engin fordæming fyrir þá, sem tilheyra Kristi Jesú. -2- Lögmál lífsins anda hefur í Kristi Jesú frelsað þig frá lögmáli syndarinnar og dauðans.

Galatabréfið 5:24-25

En þeir, sem tilheyra Kristi Jesú, hafa krossfest holdið með ástríðum þess og girndum. -25- Fyrst andinn er líf vort skulum vér lifa í andanum!

Við verðum núna að lifa í nýja manninum, lifa í andanum

Til að gera þetta þarftu að vita með opinberun Heilags Anda og trúa því að gamli Adam (þitt gamla eðli) hafi verið tekinn af lífi.

Rómverjabréfið 6:6-7

Vér vitum, að vor gamli maður er með honum krossfestur, til þess að líkami syndarinnar skuli að engu verða og vér ekki framar þjóna syndinni. -7- Því að sá, sem dauður er, er leystur frá syndinni.

Kraftur og eðli hins gamla synduga manns hefur verið tekinn af lífi, þú þarft að taka á móti því og trúa því.

Rómverjabréfið 6:11

Þannig skuluð þér líka álíta yður sjálfa vera dauða syndinni, en lifandi Guði í Kristi Jesú.

Orðið álíta, í þessu versi þýðir að treysta á það. Þetta er staðreynd svo treystu á það. Ef þú velur að hlýða Guði og gefa vilja þinn undir vilja hans, hefur gamla eðlið ekkert vald yfir þér og verður áfram dautt. Í fallna eðli Adams þarftu ekki að reyna að vera slæmur, þú ert slæmur! Í nýja eðli þínu þarftu ekki að reyna að vera góður, þú ert góður.

Þú verður að velja hvaða eðli mun lifa í gegnum þig og hætta að vera geðklofi. Þegar þú velur að leyfa nýja manninum að lifa í gegnum þig losnar kraftur (lögmálið eða máttur lífsins) þessi kraftur sigrar gamla manninn og fær þig til að lifa í nýja manninum.

Rómverjabréfið 8:1-2

Nú er því engin fordæming fyrir þá, sem tilheyra Kristi Jesú. -2- Lögmál lífsins anda hefur í Kristi Jesú frelsað þig frá lögmáli syndarinnar og dauðans.

Þegar þú velur að lifa eftir nýja manninum heldur andi lífsins gamla manninum dauðum.

Það er ekki af verkum heldur af vali og náð.

Hugleiddu þessa hluti, biddu Heilagan Anda að gera þá lifandi fyrir þér og þegar þessi opinberun verður hluti af þér, mun nýtt líf eins og lindarbrunnur rísa upp innra með þér og flæða fram til að þú lifir út frá nýja lífinu.

Guð blessi þig!

Spádómur um lokavakninguna frá 1965

Spádómur um lokavakninguna frá 1965

by | Sep 19, 2023 | Spádómar

WhiteDove Ministries hélt einstaklega öfluga ráðstefnu í febrúar árið 2009. Á meðal gesta var Chuck Pierce og Steven Shelley sem fluttu ótrúlega spámannleg og viðeigandi skilaboð, ekki aðeins fyrir Tucson-svæðið heldur einnig fyrir líkama Krista á þessum tímum kirkjusögunnar.

Á lokadegi ráðstefnunnar okkar sendi Drottinn gest til okkar sem heitir Buford Dowell og er frá Phoenix Arizona. Það var mjög ánægjulegt að kynnast bróður Dowell og að heyra reynslu hans af miklum trúarhejtum sem störfuðu í lækningavakningunni miklu sem varði frá 1948 til 1956.

Athyglisvert er að hann deildi með mér samtali sem hann átti við William Branham í júní 1965. Buford Dowell hafði leikið á orgel fyrir William Branham á lækningasamkomu í Phoenix og bað hann Buford að koma með sér í hádegismat síðdegis einn daginn. Það sem gerðist í kjölfarið leiddi af sér einstakan spádóm um lokavakninguna sem ég trúi af öllu hjarta. Ég bið og treysti að þetta verði uppspretta mikillar blessunar og uppörvunar fyrir þig.

Paul Keith Davis

—

Buford Dowell

Ef veggir þessarar byggingar gætu talað myndu þeir bera vitni um kraftaverkið sem gerðist í þessum sal þegar ég spilaði á orgelið fyrir William Branham árið 1965. Ég spilaði líka fyrir hann í Phoenix á Ramada Inn og ef þeir veggir gætu talað.

Ég ætla að segja þér það sem William Branham sagði mér aðeins nokkrum mánuðum áður en Drottinn tók með hann heim. Í dag þegar ég var að fara frá Phoenix til að koma hingað, fór ég með félaga á flugvöllinn og ég þurfti að keyra niður Van Beuren í Phoenix. Sum ykkar vita hvar það er.

Og ég sá staðinn þar sem áður var gömul kaffistofa. Og síðasta sunnudagseftirmiðdaginn af samkomuherferðinni í Phoenix árið 1965, gekk bróðir Branham að orgelinu eftir guðsþjónustuna og hann sagði: “Sonur, viltu fara í hádegismat með mér?“

Ég hafði séð hann oft á mismunandi stöðum og naut þeirra forréttinda að vera með honum einstaka sinnum. Ég upplifði mikla gleði og hjartað í mér hoppaði næstum úr brjósti mér. „Ó já, bróðir Branham, ég myndi gjarnan vilja borða hádegismat með þér.” Ég var þá 19 ára.

Ég stóð upp frá orgelinu. Við fórum og settumst inn í bílinn hans. Þetta voru ekki flottir Cadillac eðalvagnar eins og
sumir predikarar urðu að eiga í þá daga. Megi Guð elska þau. (Ég læt þetta í friði.) En allavega, við settumst í bílinn hans og keyrðum að þessari litlu kaffistofu.

Þegar við komum út úr bílnum sagði hann: “Komdu hingað, ég vil sýna þér eitt“. Nær í lykill að skottinu og hann opnar það og mér til mikillar furðu er hann með byssuhylki þarna inni. Það var veiðiriffill. Þetta var 30/30 Winchester. Hann tók hann fram og rétti mér hann. “Winchester fyrirtækið var að senda mér þennan“, sagði hann. Á botninum var nafn hans grafið í gulli: “Bróðir William Branham.”

Mér leið eins og ég væri hérumbil inni í sáttmálasörkinni. Ég vissi ekki hvernig ég ætti að skjóta af honum, en
sá að hann var sérstakur. Ég vissi að honum fannst gaman að fara á rjúpnaveiðar af og til. Ég átti vini í þjónustu sem höfðu gaman af að fara með honum á veiðar.

Ég sagði: „Bróðir Branham, ég hef heyrt um þau skipti sem þú hefur varið á veiðar með þessum og hinum sem ég þekki.” Hann staðfesti að það væri satt. Allavega héldum við áfram inn á veitingastaðinn. Og hér er það sem ég á að segja. Við fórum á veitingastaðinn, fengum okkur mat og settumst niður. Ég skammast mín fyrir að segja þetta, en ætla að segja það bara eins og það var. Ég ætla bara að segja sannleikann.

Ég var með það í huga mínum á þeim tíma að ef bróðir Branham réði mig sem umboðsmann, gæti ég virkilega hjálpað honum að fara í stórar herferðir eða það hélt ég. Nú var þetta auðvitað bara mitt hold og mínar hugsanir. Ég hafði hjálpað nokkrum predikurum að setja nokkrar auglýsingar í blöðin og ég hélt ég hefði það sem þyrfti til að hjálpa predikurum að auglýsa sig.

En bróðir Branham, hann sat þarna og ég sagði: „Bróðir Branham, þú veist að þú ert aðeins rúmlega fimmtugur. (Þarna var William Branham 56 ára.) Þú hefur nóg af orku. Ef þú hefðir bara réttu kynninguna gætir þú verið með stærstu samkomuherferðir sem þú hefur nokkurn tíma haft.”

Hann horfði á mig og brosti og laut höfði. Hann sagði: „Nei sonur,“ sagði hann. “Veistu, það er ekki eins og Guð hefur ákveðið þetta.”

Þetta var í rauninni ekki það sem ég vildi heyra, en hvernig segir maður William Branham eitthvað sem  þú vilt ekki heyra. Hann var að tala fyrir Guð og ég hlustaði með gamla holdinu mínu og heila. Ég sagði: „Hvað meinarðu, bróðir Branham?”

Hann sagði: “Jæja, veistu, Guð er búinn með mig.” Og ég datt næstum af sætinu mínu. Ég sagði: „Hvað meinarðu með því? Þú átt mörg ár eftir?”

Hann sagði: “Veistu, mínu tímabili er lokið.” Hann hélt áfram að útskýra hvernig hann hefði verið hluti af stórkostlegu tímabili lækningavakninga. Hann minntist á marga lækningapredikara. Hann minntist á bróður A.A. Allen og fleiri. Hann hafði verið á nokkrum samkomum hjá föður mínum og var hann vinsamlegur að nefna það. Pabbi minn hafði mikla smurningu Heilags Anda.

Bróðir Branham sagði: „Ég hef verið á þessu tímabili þar sem við lögðum hendur yfir fólk eitt í einu og við sáum blind augu opnast, krabbamein hverfa, halta ganga. Og ó, það var yndislegt.”

En hann sagði: „Ég er að fara að yfirgefa ykkur vegna þess að Guð er búinn með mig en annað tímabil mun koma. Þetta tímabil mun vera kennsla og opinberun á orði Jesú Krists, hver við erum í honum og hver hann er í okkur.” Ekki bara Jesús sem hangir á krossinum. Það er dásamlegt. En trúarbrögð skilja hann eftir á krossinum.

Bróðir Branham hélt áfram að leggja áherslu á: “Þetta snýst um Jesú í okkur og okkur í honum.” Og hann sagði: „Þessi tími kennslu mun vara um stund, og síðan lýkur henni. Og Guð ætlar að taka hverja hreyfingu Guðs í sögunni, og það sem við höfum orðið vitni af og því sem við sáum á biblíudögunum, og sameina þetta allt í eina stóra Heilags Anda sprengju og varpa henni á jörðina og þjóðirnar munu flæða í krafti Guðs, eins og við höfum aldrei séð. Allir helstu fréttamiðlar munu sýna, ekki predikanir, heldur þegar dauðir munu rísa upp, útlimir munu vaxa á ný, augu myndast í augntóftum, handleggir vaxa fram. Og predikarar munu ekki leggja hendur yfir fólkið eins og við gerðum, þeir mun einfaldlega tala fram Orðið og blinda mun fara. Það verður svo mikið af fólki, enginn salur, enginn kirkja, enginn leikvangur mun halda fólkinu. Og ekkert tjald.” Hann sagði: „Þeir munu safnast saman á víðavangi. Það mun gerast í Ameríku.” Bróðir Branham sagði: „Guð ætlar að færa þjónustu postula og spámannanna í framlínuna.“

Hversu mörg ykkar muna eftir því þegar þið heyrðuð aldrei orðin „postuli eða spámaður“ í kirkjunum ykkar. Það eina sem við heyrðum var forstöðumenn, kennarar, trúboðar.

Jesús sagði… (Ég sagði það ekki, William Branham sagði það ekki). Jesús sagði að kirkjan hans yrði grundvölluð á  postulunum og spámönnunum, með Jesú Kristi sem höfuðið. Fimmfalda þjónustan starfandi í líkama Krists!

Guð mun leiða þá fram, í framlínuna. En Branham sagði við mig: „Þeir munu hafa huga Guðs og hjarta Guðs og rödd Guðs. Og þegar þeir tala, eru orð þeirra orð Guðs.” Þeir munu ekki segja það sem maðurinn segir. Þeir munu ekki segja hvað kirkjudeildir segja eða hefðir eða neitt af því. Þeir munu tala sem Guð. Og þeir munu ekki bara tala um framtíðina. Allir sem lesa Biblíuna geta gert það. Þú þarft ekki einu sinni að hafa Heilagan Anda til að tala um framtíðina.

—

Rosh Hashanah / Yom Kippur / Sukkot 2023

Rosh Hashanah / Yom Kippur / Sukkot 2023

by | Sep 18, 2023 | Greinar

18.september 2023

Mikilvæg tímamót

Ég var að biðja í morgun og eftir að ég var búin að deila hjarta mínu með Guði. Þá beið ég hljóður og beindi sjónum mínum til Drottins. Mér fannst talað til mín, “Horfðu á Ísrael, horfðu á Ísrael, ég er að fara að hefjast handa. Tíminn er í nánd“. Ég hef alltaf haft auga á Ísrael og Jerúsalem, því ég þjóna og trúi á Guð Ísraels. Hann heitir Yeshua (Jesús) og samkvæmt ritningunum, þá mun hann koma aftur og ríkja í Jerúsalem með járnsprota í þúsundáraríkinu.

Ég hef lesið mig til um og tekið eftir því að þegar eitthvað stórt gerist í Ísrael, þá hefur það einnig áhrif á líkama Jesú Krists. Þegar Ísrael varð aftur þjóð og endurheimti hluta af Jerúsalem 1948-1949, hófst á sama tíma lækningavakningin mikla í Bandaríkjunum. Einnig sjáum við þegar Ísrael endurheimti alla Jerúsalem eftir sex daga stríðið árið 1968 (að undanskilinni musterishæðinni) hófst náðargjafavakningin í kirkjunni og Jesú hreyfingin.

Það er í raun yfirnáttúrulegt að Ísrael sem er eitt öflugasta ríki heimsins með gríðarlega öflugt vopnabúr og tækni sé ekki búið að yfirtaka musterishæðina. En það er ástæða fyrir því. Tíminn var ekki komin fyrir endurbyggingu musterisins, ritningarnar rætast á réttum tíma. Ég trúi að Guð sé að segja núna, “Horfið á Ísrael, ég er að fara að hefjast handa!“

Tími heiðingjanna er að renna út en ég trúi að þegar við sjáum Ísrael taka yfir musterishæðina og hefja framkvæmdir við þriðja musterið sé mjög stutt í lokavakningu heiðingjanna sem mun standa stutt yfir. Eftir það tekur við 11. kafli Opinberunarbókarinnar, þar mun Guð snúa sér aftur að Ísrael um stutta stund og senda vottana sína tvo áður en formleg endurkoma Drottins á sér stað, við skoðum þetta betur neðar í þessari grein.

Rómverjabréfið 11:25-26

Ég vil ekki, bræður mínir, að yður sé ókunnugt um þennan leyndardóm, til þess að þér skuluð ekki með sjálfum yður ætla yður hyggna. Forherðing er komin yfir nokkurn hluta af Ísrael og varir þangað til heiðingjarnir eru allir komnir inn. -26- Og þannig mun allur Ísrael frelsaður verða, eins og ritað er: Frá Síon mun frelsarinn koma og útrýma guðleysi frá Jakob.

Takið eftir að Jóhannes er beðin um að mæla musterið. Það er nánast allt klárt nú þegar í Ísrael, rauðu kvígurnar eru komnar til Ísrael, það er búið að búa til öll musterisáhöldin, Levítarnir eru til staðar og tilbúnir til þjónustu.

Opinberunarbókin 11:1-2

Mér var fenginn reyrleggur, líkur staf, og sagt var: Rís upp og mæl musteri Guðs og altarið og teldu þá, sem þar tilbiðja. -2- Og láttu forgarðinn, sem er fyrir utan musterið, vera fyrir utan og mæl hann ekki, því að hann er fenginn heiðingjunum, og þeir munu fótum troða borgina helgu í fjörutíu og tvo mánuði.

Ég trúi að við séum á miklum tímamótum. Við erum núna þegar þetta er skrifað þann 17.sept 2023 á hausthátíðum Drottins. Rosh Hashanah (Lúðrahátíðin) var í gær, næst er Yom Kippur (Friðþæginardagurinn) og svo Sukkot (Laufskálahátíðin).

Af hverju er ég að tala um þessar hátíðir, af hverju eru þær mikilvægar?

Eins og Jesús uppfyllti vorhátíðirnar á undursamlega og nákvæman hátt þegar hann kom í fyrra skiptið gefur það mér fullvissu um að hann muni uppfylla hausthátíðirnar einnig á undursamlegan hátt við seinni komu sína.

Það er til eftirbreytni að skoða hefðir gyðinga varðandi þessar hátíðir. Þeir undirbúa sig vel fyrir bæði vorhátíðirnar sem og hausthátíðirnar. Þeir iðrast, helga sig, hreinsa út súrdeig sem einnig er hægt að kalla skurðgoð eða synd. Þetta gera þeir dögum saman áður en hátíðirnar hefjast til að undirbúa hjarta sitt og staðsetja sig til að taka á móti blessunum Drottins. Það er einmitt það sem Guð hefur verið að hvetja mig til að gera undanfarið með sterkari hætti en áður. Hann hefur kallað mig í tíðari föstur og sýnt mér hvað það er sem ég hef þurft að losa mig við eða hreinsa út fyrir því sem framundan er.

Við erum á mikilvægum tímamótum núna á þessu hausthátíðum Drottins 2023 og ég vil hvetja þig til að leita Drottins af öllu hjarta og biðja hann um að sýna þér hvort það sé eitthvað í þínu lífi sem þú þarft að losa þig við. Má þá nefna þessa helstu hluti sem flestir eru að eiga við í dag. Hvor fær meiri tíma Guð eða síminn, Guð eða sjónvarpið, Guð eða áhugamálið. Það getur einnig verið fyrirgefningarleysi og margt annað sem við gætum þurft að gera upp og nú er tíminn til að snúa til baka til hreinnar trúar og leggja allt okkar líf við fætur Jesú.

Jósúabók 24:15

En líki yður ekki að þjóna Drottni, kjósið þá í dag, hverjum þér viljið þjóna, hvort heldur guðum þeim, er feður yðar þjónuðu, þeir er bjuggu fyrir handan Fljótið, eða guðum Amoríta, hverra land þér nú byggið. En ég og mínir ættmenn munum þjóna Drottni.

Tíminn er að renna út

Ég heyrði Drottinn segja í morgun, “tíminn er í nánd”. Miðað við það sem er að gerast í heimum í dag og þær breytingar sem hafa orðið síðustu 15 ár er það augljóst í mínum huga hvar við erum stödd. Það er aðeins fyrir náð Guðs að maður sé yfir höfuð á lífi, en munum að engin veit sinn lokadag. Vertu viss um að þú sért tilbúin að mæta skapara þínum.

Opinberunarbókin 22:10-12

Og hann segir við mig: Innsigla þú ekki spádómsorð þessarar bókar, því að tíminn er í nánd. -11- Hinn rangláti haldi áfram að fremja ranglæti og hinn saurugi saurgi sig áfram og hinn réttláti stundi áfram réttlæti og hinn heilagi helgist áfram. -12- Sjá, ég kem skjótt, og launin hef ég með mér, til að gjalda hverjum og einum eins og verk hans er.

Hausthátíðir Drottins

Mig langar að fara í gegnum þessar þrjár hausthátíðir og útskýra hina spámannlegu uppfyllingu þeirra tengt endurkomu Jesú. Jesús uppfyllti vorhátíðirnar á einstakan og mjög nákvæman hátt eftir þeim fyrirmyndum sem hann hafði gefið Ísraelsmönnum í fyrri sáttmálanum eða Mósebókunum og þið getið lesið um að hluta til með því að smella hér fyrir neðan.

Páskar / Pesach / Passover

Yom Teruah / Rosh Hashanah / Lúðrahátíðin

Þriðja Mósebók 23:23-25

Drottinn talaði við Móse og sagði: -24- Tala þú til Ísraelsmanna og seg: Í sjöunda mánuðinum, hinn fyrsta dag mánaðarins, skuluð þér halda helgihvíld, minningardag með básúnublæstri, helga samkomu.

Það sem er áhugavert við þessa hátíð er að hún er haldin sem upphafið af “nýju ári” hjá Ísraelsmönnum þótt hún sé í sjöunda mánuðinum. Þar sem þessi hvíldardagur eða helgihvíld er upphafið af hausthátíðunum og er álitinn mjög mikilvægur, festi hann sér í sessi sem, “Hið andlega nýja ár”. Hátíðin heitir Yom Teruah í ritningunum og þýðir Lúðrahátíðin.

Tilgangur þessar hátíðar að endurvekja og safna okkur saman til hreinnar trúar á Guð. Þessi dagur er í raun dagur iðrunar. Dagur þar sem við gerum upp það sem er að baki og undirbúum okkur fyrir það sem hausthátíðirnar tákna og standa fyrir. Þessi dagur skipar slíkan sess að allur mánuðurinn “Elul” sem kemur á undan fær sérstaka merkingu og er álitinn sérstakur 40 daga andlegur undirbúningur frá 1. Elul og fram að Yom Kippur sem ég fer í hér á eftir.

Margir hafa velt fyrir sér tengingunni á þessum degi endurvakningar og hvernig Jesús kom til að endurfæða og safna okkur saman í einn mann í sér, bæði gyðingum og heiðingjum. Hefðbundin hátíðarhöld á þessum degi hjá gyðingum er að blása í lúður eða básúnu eins og ritningarnar nefna í Þriðju Mósebók. Það er margt sem bendir til að Jesús hafi fæðst á hausthátíðunum og því má leiða að því líkur að skírn Jesú og þjónusta hans hafi hafist við 30 ára aldur að hausti og áhugavert í ljósi þess að þá var að hefjast “Hið andlega nýja ár (Spritual New Year)” eða Rosh Hashanah. Við munum einmitt að þegar Jesús var skýrður þá leiddi andinn hann út í óbyggðina þar sem hann fastaði í 40 daga, áður en hann hóf formlega þjónustu sína. Þannig að líklegt má teljast að Jesús hafi einmitt farið út í óbyggðirnar í kringum 1. Elul til að undirbúa sig með föstu og bæn í 40 daga, líkt og Ísraelsmenn höfðu gert í gegnum aldirnar.

Það er einnig hægt að sjá Rosh Hashanah (Lúðrahátíðina) uppfyllast að fullu við endurkomu Jesú Krists, þegar hann mun stíga niður með kalli, höfuðengilsraust og með básúnu Guðs til að safna saman öllum þeim sem tilheyra honum.

Fyrra Þessaloníkubréf 4:16-18

Því að sjálfur Drottinn mun stíga niður af himni með kalli, með höfuðengils raust og með básúnu Guðs, og þeir, sem dánir eru í trú á Krist, munu fyrst upp rísa. -17- Síðan munum vér, sem eftir lifum, verða ásamt þeim hrifnir burt í skýjum til fundar við Drottin í loftinu. Og síðan munum vér vera með Drottni alla tíma. -18- Uppörvið því hver annan með þessum orðum

Jesaja 27:12-13

Á þeim degi mun Drottinn slá kornið úr axinu, allt í frá straumi Efrats til Egyptalandsár, og þér munuð saman tíndir verða einn og einn, Ísraelsmenn! -13- Á þeim degi mun blásið verða í mikinn lúður, og þá munu þeir koma, hinir töpuðu í Assýríu og hinir burtreknu í Egyptalandi, og þeir munu tilbiðja Drottin á fjallinu helga í Jerúsalem.

Matteusarguðspjall 24:31

Hann mun senda út engla sína með hvellum lúðri, og þeir munu safna hans útvöldu úr áttunum fjórum, himinskauta milli.

Það er skýr tenging á milli Rosh Hashanah og endurkomu Jesú Krist, þess vegna er gott að undirbúa sig á þessum tíma hausthátíðanna og snúa til baka til hreinnar trúar, þar sem við erum laus við meðvitund um synd og að það sé ekkert í hjarta okkar sem dæmir okkur.

Yom Kippur / Friðþægingardagurinn

Þriðja Mósebók 23:26-32

Drottinn talaði við Móse og sagði: -27- Tíunda dag þessa hins sjöunda mánaðar er friðþægingardagurinn. Skuluð þér þá halda helga samkomu og fasta og færa Drottni eldfórn. -28- Þennan sama dag skuluð þér ekkert verk vinna, því að hann er friðþægingardagur, til þess að friðþægja fyrir yður frammi fyrir Drottni Guði yðar. -29- Því að hver sá, er eigi fastar þennan dag, skal upprættur verða úr þjóð sinni. -30- Og hvern þann, er eitthvert verk vinnur þennan dag, hann vil ég afmá úr þjóð hans. -31- Þér skuluð ekkert verk vinna. Það er ævarandi lögmál fyrir yður frá kyni til kyns í öllum bústöðum yðar. -32- Það skal vera yður helgihvíld og þér skuluð fasta. Hinn níunda dag mánaðarins að kveldi, frá aftni til aftans, skuluð þér halda hvíldardag yðar.

Yom kippur hefur lengi verið talin heilagasti dagurinn í biblíulega dagatalinu. Það var á þessum degi, hvert ár, að æðsti presturinn fór inn í hið allra helgasta til að friðþægja fyrir syndir þjóðarinnar. Það á einnig einstaklega vel við að tíu dögum fyrr eða á Rosh Hashanah var dagur iðrunar og undirbúnings fyrir sjálfan friðþægingardaginn. Hægt er að lesa nánar um sláturfórninar sem framkvæmdar voru á þessum degi í 16. kaflanum á Þriðju Mósebók. En í stuttu máli þá voru tveir geithafrar leiddir fram fyrir Drottinn og með hlutkesti var valið hverjum ætti að slátra í syndafórn og hver ætti að lifa og bera syndir lýðsins út fyrir tjaldbúðina. Þetta minnir mig á þegar valið var á milli Jesú og Barabbasar rétt fyrir krossfestinguna, Barababbas syndum hlaðinn fékk að halda lífi á meðan Jesús varð hin fullkomna syndafórn.

Þriðja Mósebók 16:

Þá skal hann taka báða geithafrana og færa þá fram fyrir Drottin að dyrum samfundatjaldsins. -8- Og Aron skal leggja hluti á báða hafrana, einn hlut fyrir Drottin og hinn annan hlut fyrir Asasel. -9- Og Aron skal leiða fram hafurinn, sem hlutur Drottins féll á, og fórna honum í syndafórn. -10- En hafurinn, sem hlutur Asasels féll á, skal færa lifandi fram fyrir Drottin, til þess að friðþæging fari fram yfir honum og honum sé sleppt til Asasels út á eyðimörkina.

Ég trúi að endurbygging musterisins sé handan við hornið. Það mun eitthvað stórt þurfa að gerast til þess að stjórn Ísraels taki af skarið og yfirtaki musterishæðina, en ég sé vísbendingar um að það sé í bígerð og má þar nefna nýlega mjög umdeilda löggjöf sem dró verulega úr völdum hæstaréttar í Ísrael og gaf Benjamín Netanyahu og stjórn hans, sem er að stórum hluta skipuð strangtrúuðum gyðingum, yfirburðavald til að taka slíka ákvörðun. Þetta þýðir að öllu óbreyttu við endurreisn musterisins að fórnir myndu hefjast að nýju. Þannig myndi Jesús því einnig uppfylla Yom Kippur að fullu við endurkomu sína þegar að gyðingarnir sem voru blindaðir okkar vegna sjá hann sem hina fullkomnu syndafórn. Opinberun sem við höfum þegar tekið á móti í Kristi.

Hebreabréfið 10:12-18

En Jesús bar fram eina fórn fyrir syndirnar og settist um aldur við hægri hönd Guðs -13- og bíður þess síðan, að óvinir hans verði gjörðir að fótskör hans. -14- Því að með einni fórn hefur hann um aldur fullkomnað þá, er helgaðir verða. -15- Og einnig heilagur andi vitnar fyrir oss. Fyrst segir hann: -16- Þetta er sáttmálinn, er ég mun gjöra við þá eftir þá daga, segir Drottinn. Lög mín vil ég leggja í hjörtu þeirra, og í hugskot þeirra vil ég rita þau. -17- Síðan segir hann: Ég mun aldrei framar minnast synda þeirra eða lögmálsbrota. -18- En þar sem syndirnar eru fyrirgefnar, þar þarf ekki framar fórn fyrir synd.

Sukkot / Laufskálahátíðin

Þriðja Mósebók 23:33-44

Drottinn talaði við Móse og sagði: -34- Tala þú til Ísraelsmanna og seg: Á fimmtánda degi þessa hins sjöunda mánaðar skal halda Drottni laufskálahátíð sjö daga. -35- Fyrsta daginn skal vera helg samkoma, þá skuluð þér eigi vinna neina stritvinnu. -36- Sjö daga skuluð þér færa Drottni eldfórn. Áttunda daginn skuluð þér halda helga samkomu og færa Drottni eldfórn. Það er hátíðafundur, þá skuluð þér eigi vinna neina stritvinnu. -37- Þetta eru löghátíðir Drottins, er þér skuluð boða sem helgar samkomur til þess að færa Drottni eldfórn, brennifórn og matfórn, sláturfórn og dreypifórnir, hverja fórn á sínum degi, -38- auk hvíldardaga Drottins og auk gjafa yðar og auk allra heitfórna yðar og auk allra sjálfviljafórna yðar, er þér færið Drottni. -39- Á fimmtánda degi hins sjöunda mánaðar, er þér hafið hirt gróður landsins, skuluð þér halda hátíð Drottins sjö daga. Fyrsta daginn skal vera helgihvíld og áttunda daginn skal vera helgihvíld. -40- Og fyrsta daginn skuluð þér taka yður aldin af fögrum trjám, pálmviðargreinar og lim af þéttlaufguðum trjám og lækjarpíl, og þér skuluð fagna frammi fyrir Drottni, Guði yðar, í sjö daga. -41- Og þér skuluð halda hana helga sem hátíð Drottins sjö daga á ári. Það er ævarandi lögmál fyrir yður frá kyni til kyns: Í sjöunda mánuðinum skuluð þér halda hana. -42- Skuluð þér búa í laufskálum sjö daga. Allir innbornir menn í Ísrael skulu þá búa í laufskálum, -43- svo að niðjar yðar viti, að ég lét Ísraelsmenn búa í laufskálum, þá er ég leiddi þá út af Egyptalandi. Ég er Drottinn, Guð yðar. -44- Og Móse sagði Ísraelsmönnum löghátíðir Drottins.

Laufskálahátíðin er síðasta hausthátíðin og þar með ein sú mikilvægasta fyrir þá tíma sem við lifum á, því við bíðum þess að hún verði uppfyllt að fullu. Til að skilja betur hversu merkileg þessi hátíð er þurfum við að skoða söguna og hvernig Sukkot hefur verið haldin hátíðleg í gegnum aldirnar. Þetta er uppskeruhátíð þar sem Ísraelsmenn komu saman og fórnuðu til Drottins eftir að hafa hirt gróður landsins eða haust uppskeruna. Það er einnig hægt að segja að þetta sé þakkarhátíð þar sem Guði var þakkað fyrir hans forsjá og blessanir. Það eru margir sem trúa að Púritanar sem voru miklir fræðimenn í hebresku ritningunum hafi út frá Laufskálahátíðinni, stofnað “Thanksgiving” eða þakkargjörðarhátíðina sem haldin er hátíðleg í Bandaríkjunum og fleiri löndum.

Ef við skoðum betur nafnið á hátíðinni þá heitir hún Laufskálahátíðin og leiðbeiningarnar í Þriðju Mósebók eru að Ísraelsmenn áttu að búa í laufskálum í 7 daga, líkt og þeir höfðu gert í eyðimörkinni, til minningar um að Guð leiddi þá út úr Egyptalandi. Þetta á sér dýpri opinberun sem enn á eftir að ganga í uppfyllingu að fullu. Ísraelsmenn enn þann dag í dag gera laufskála á þessari hátíð og minnast þess þegar Guð dvaldi á meðal þeirra í eyðimörkinni.

Það eru góðar vísbendingar um að Jesús hafi einmitt fæðst á Laufskálahátíðinni en ekki 25.desember líkt og margir vilja meina. Hvert er tákn þessarar hátíðar? Er það ekki einmitt, Guð á meðal okkar til að frelsa, líkt og hann gerði á tímum Móse. Þannig uppfyllti Jesús að hluta þessa hátíð með fyrri komu sinni í holdi.

Jóhannesarguðspjall 1:14

Og Orðið varð hold, hann bjó með oss, fullur náðar og sannleika, og vér sáum dýrð hans, dýrð, sem sonurinn eini á frá föðurnum.

Fullkomin uppfylling Sukkot er í senn andleg og bókstafleg uppfylling. Við vitum að þegar Jesús kemur aftur mun hann búa meðal okkar í þúsund ár og ríkja með járnsprota í Jerúsalem, ásamt sínum heilögu.

Jesaja 2:3

Og margar þjóðir munu búast til ferðar og segja: Komið, förum upp á fjall Drottins, til húss Jakobs Guðs, svo að hann kenni oss sína vegu og vér megum ganga á hans stigum, því að frá Síon mun kenning út ganga og orð Drottins frá Jerúsalem.

Opinberunarbókin 19:11-16

Þá sá ég himininn opinn, og sjá: Hvítur hestur. Sá, sem á honum sat, heitir Trúr og Sannur, hann dæmir og berst með réttvísi. -12- Augu hans eru sem eldslogi og á höfði hans eru mörg ennisdjásn. Og hann ber nafn ritað, sem enginn þekkir nema hann sjálfur. -13- Hann er skrýddur skikkju, blóði drifinni, og nafn hans er: Orðið Guðs. -14- Og hersveitirnar, sem á himni eru, fylgdu honum á hvítum hestum, klæddar hvítu og hreinu líni. -15- Og af munni hans gengur út biturt sverð að slá þjóðirnar með, og hann stjórnar þeim með járnsprota. Og hann treður vínþröng heiftarreiði Guðs hins alvalda. -16- Og á skikkju sinni og lend sinni hefur hann ritað nafn: Konungur konunga og Drottinn drottna.

Ég trúi að áður en hin bókstaflega fullkomna uppfylling á sér stað muni Guð uppfylla Sukkot á andlegan hátt þegar hann mun verða eitt með brúði sinni hér á jörðinni og við munum sjá lokavakningu Drottins flæða yfir jörðina í stuttu lokaverki áður en allt kemur fram. Ég mun skrifa ítarlega grein um sjálfa Laufskálahátíðina síðar og þær vísbendingar sem við höfum í Orðinu um þessa lokavakningu, hvernig tími þjónustu Jesú á tímum krossfestingarinnar tengist spádómum Daníelsbókar, síðustu tímum og fleira, en það er alveg heil grein út af fyrir sig.

Opinberunarbókin 19:7-9

Gleðjumst og fögnum og gefum honum dýrðina, því að komið er að brúðkaupi lambsins og brúður hans hefur búið sig. -8- Henni var fengið skínandi og hreint lín til að skrýðast í. Línið er réttlætisverk heilagra. -9- Og hann segir við mig: Rita þú: Sælir eru þeir, sem boðnir eru í brúðkaupsveislu lambsins. Og hann segir við mig: Þetta eru hin sönnu orð Guðs.

Opinberunarbókin 21:1-3

Og ég sá nýjan himin og nýja jörð, því að hinn fyrri himinn og hin fyrri jörð voru horfin og hafið er ekki framar til. -2- Og ég sá borgina helgu, nýja Jerúsalem, stíga niður af himni frá Guði, búna sem brúði, er skartar fyrir manni sínum. -3- Og ég heyrði raust mikla frá hásætinu, er sagði: Sjá, tjaldbúð Guðs er meðal mannanna og hann mun búa hjá þeim, og þeir munu vera fólk hans og Guð sjálfur mun vera hjá þeim, Guð þeirra.

Guð blessi þig!

SOTK – Að lifa í Kristi eða Adam 1.hluti

SOTK – Að lifa í Kristi eða Adam 1.hluti

by | Sep 17, 2023 | SOTK-2

Strax í upphafi gaf Guð mannkyninu val um að annaðhvort ganga í lífinu eða ganga í dauðanum. Það voru tvö tré í aldingarðinum Eden, eitt táknaði lífið en hitt dauðann.

Guð skapaði líkama Adams úr jörðinni Eden, fullkominn líkama gerður úr frumefnum þessarar jarðar, hann var ekki á lífi fyrr en Guð blés lífi í hann, aðeins þá kom líf í líkama hans, sál hans vaknaði upp og hann varð lifandi sál. Fyrsta  Mósebók 2:7

Adam var fyrst og fremst andi, andi hans var líf líkama hans.

Jakob 2:26

Eins og líkaminn er dauður án anda, eins er og trúin dauð án verka.

Adam var ný sköpun í alheiminum alveg ný tegund, hann var sá fyrsti af nýrri sköpun. Í kennslu 1-1, 1 til 6, sáum við hvernig þú ert mjög gamall, það er áður en þú komst til þessarar jarðar varstu þegar í Guðsríki. Biblían talar um hvernig þér var gefin tilgangur og áætlun fyrir líf þitt löngu áður en þú komst til jarðar. Adam hafði þekkt lífið með Guði áður en hann kom til þessarar jarðar. Hins vegar var munurinn núna sá að Adam hafði líkama og sál. Adam var ekki lengur bara andi. Hann kom til þessarar jarðar og inn í líkama, andi hans veitti líkama hans líf og sál hans varð lifandi með meðvitund og skilning.

Ég á enn eftir að fá fullan skilning á sál mannsins, hún er mikil ráðgáta. Almennt er litið svo á að sálin samanstandi af huga, tilfinningum og vilja, en samspil anda við sálina er ekki útskýrt greinilega.

Hugur, tilfinningar og vilji skilgreina að miklu leyti hver við erum, hvers konar manneskja við erum. Það skilgreinir karakter okkar, lýsir hvötum okkar og hæfileikum.

Adam lifði út frá anda sínum, og sál hans, var anda hans undirgefin, eins og líkami hans, var sál hans undirgefin. Röðin var andi, sál og líkami, þessi röð var skipan Guðs og er enn fyrir okkur í dag. Adam fyrir anda sinn, gekk með Guði sem er andi, það var aðeins eftir að Adam féll sem hann átti erfitt með að tengjast Guði. Eftir fallið var röðinni snúið við í líkama sál og anda.

Þegar Adam gekk með Guði í Eden var lífsflæðið frá Guði til anda hans, sem aftur flæddi inn í sál hans og líkama, sem gaf honum fullkomna heilsu og jafnvægi.

Synd Adams var í grundvallaratriðum sú að velja sjálfstæði frá Guði, en með því að gera það þurfti hann nú að lifa út frá sál sinni, eigin huga, tilfinningum og vilja. Þetta varð til þess að hið holdlega og sálarlega líf Adams yfirtók anda hans og Adam upp frá því tók að deyja. Þegar Adam féll varð hann meðvitaður um líkamann og vissi að hann var nakinn, bein andatenging milli hans og Guðs var rofin.

Vegna þess að Adam var frumgerð allra komandi manna og nú var frumgerðin fallin. Fæddist fram kynþáttur sálrænna, holdlegra mann, með anda sem var fangelsaður hið innra og aðskilinn frá Guði.

Við þekkjum söguna, það þurfti að finna fullkomna manneskju, sem ekki ætti ættir að rekja til Adams, til að stofna nýjan kynþátt. Jesús átti engan jarðneskan föður.

Lúkasarguðspjall 1:35

Og engillinn sagði við hana: Heilagur andi mun koma yfir þig og kraftur hins hæsta mun yfirskyggja þig. Fyrir því mun og barnið verða kallað heilagt, sonur Guðs.

María var ekki móðir Guðs, hún var bara kerið sem bar fóstrið.

Jesús var reyndur en var án syndar, hann hafði val um að syndga, annars hefði þessi reynsla aðeins verið sýndarmennska, en hann kaus að syndga ekki. Jesús var maður. Hann lagði guðdómleik sinn til hliðar þegar hann kom til þessarar jarðar, hann var af holdi og blóði. Biblían vísar til hans sem hins síðasta af Adams kynstofni og sá eini án syndar.

Fyrra Korintubréf 15:45

Þannig er og ritað: Hinn fyrsti maður, Adam, varð að lifandi sál, hinn síðari Adam að lífgandi anda.

Mannkynið er ekki bara samansafn af mörgum einstaklingum, mannkynið er einn risastór líkami, risastórt tré með mörgum greinum og Adam stóð sem höfuð þessa trés, allir sem komu á eftir Adam voru í líkingu og mynd Adams.

Fyrsta Mósebók 5:3

Adam lifði hundrað og þrjátíu ár. Þá gat hann son í líking sinni, eftir sinni mynd, og nefndi hann Set.

Jobsbók 14:4

Hvernig ætti hreinn að koma af óhreinum? Ekki einn!

Jesús innlimaði allan hinn fallna kynstofn Adams í sjálfan sig og greiddi refsinguna sem staðgengill fyrir mannkynið, það var ritað að sálin sem syndgar yrði að deyja. Jesús með því að safna öllum mannkyninu inn í sjálfan sig og sem hinn síðasti af kynstofni Adams, dó allur kynstofninn í honum, með hrópinu, “það er lokið”, batt hann enda á kynþátt Adams. Margt er hægt að kenna um hinar ýmsu hliðar friðþægingarverk Krists, en það er nóg að segja að á þessum tímapunkti hafi Jesús bundið enda á fallin kynstofn Adams og hafið nýjan kynþátt fólks á jörðinni.

Þess vegna notaði Jesús hugtök til að lýsa þessu nýja upphafi fyrir mannkynið sem „endurfæðing“.

Þegar þú lagðir líf þitt undir Drottin Jesú og fékkst fyrirgefningu fyrir allar syndir þínar, varðstu ný sköpun, ný tegund á jörðinni, og röðin snerist aftur til anda, sálar og líkama. Þú varðst fyrst og fremst andi, með sál og líkama. Andi þinn kom fram á sjónarsviðið og tók sinn rétta sess í lífi þínu og tengingin við Guð sem er andi var endurreist.

Andi þinn kom ekki eingöngu á sinn rétta stað í lífi þínu, heldur sjálft lífið, hið andlega DNA, Jesú var miðlað til anda þíns og þú varðst barn Guðs gert í líkingu hans og mynd.

Sáðkorn Guðs er núna innra með þér

Fyrra Pétursbréf 1:23

Þér eruð endurfæddir, ekki af forgengilegu (spilltu) sæði, heldur óforgengilegu (óspilltu), fyrir orð Guðs, sem lifir og varir.

Vegna þess að eins og gefur af sér eins, gefur appelsínutré af sér appelsínutré. Sáðkorn Guðs framleiðir guði, syni skapaða í Hans mynd.

Jóhannesarguðspjall 10:34-35

Jesús svaraði þeim: Er ekki skrifað í lögmáli yðar: Ég hef sagt: Þér eruð guðir? -35- Ef það nefnir þá guði, sem Guðs orð kom til, og ritningin verður ekki felld úr gildi,

Nei þetta er ekki nýaldarkennsla heldur biblíukennsla.

Sálmarnir 82:6-7

Ég hefi sagt: Þér eruð guðir og allir saman synir Hins hæsta, -7- en sannlega skuluð þér deyja sem menn, falla sem einn af höfðingjunum.

Þú hefur alla eiginleika Guðs í þér, Hans DNA er til staðar og ef þú fylgir Drottni í trausti og hlýðni muntu umbreytast í sömu mynd og líkingu. Svo hvers vegna deyrðu eins og venjulegir menn þegar þér eruð guðir.

Kólossusbréfið 2:9-10

Því að í honum býr öll fylling guðdómsins líkamlega. -10- Og í honum, sem er höfuð hvers konar tignar og valds, hafið þér öðlast hlutdeild í þessari fyllingu.

Fyrra Korintubréf 1:30

Honum er það að þakka að þér eruð í samfélagi við Krist Jesú. Hann er orðinn oss vísdómur frá Guði, bæði réttlæti, helgun og endurlausn.

Ef þú fæddist fugl er það vegna þess að faðir þinn var fugl, og það sama á við með kýr eða kind.

En þú ert fæddur af óforgengilegu sæði, orði Guðs, JESÚS. Þá er kominn tími til að þú lifir eins og þú ert, sonur Guðs.

Við höldum áfram með þetta í næstu kennslu.

Guð blessi þig!

SOTK – Kannaðu undirstöðurnar þínar

SOTK – Kannaðu undirstöðurnar þínar

by | Sep 14, 2023 | SOTK-2

Matteusarguðspjall 7:26-27

En hver sem heyrir þessi orð mín og breytir ekki eftir þeim, sá er líkur heimskum manni, er byggði hús sitt á sandi. -27- Steypiregn skall á, vatnið flæddi, stormar blésu og buldu á því húsi. Það féll, og fall þess var mikið.

Í 7 kafla Matteusarguðspjalls talar Jesús um hversu mikilvæg undirstaðan er.

Þessi líking sem Jesús notaði um að byggja á sandi eða steini tengist endatímanum þegar stormarnir koma, mun húsið þitt standa?

Matteusarguðspjall 7:21

Ekki mun hver sá, sem við mig segir: Herra, herra, ganga inn í himnaríki, heldur sá einn, er gjörir vilja föður míns, sem er á himnum.

Í dag vil ég fjalla um grunn sem er ögrað í dag, jafnvel af hvítasunnumönnum.

Að tíunda eða ekki að tíunda

Það hefur komið mér á óvart hversu margir kristnir menn sem áður trúðu á sannleika tíundar iðka ekki lengur þetta boðorð ritningarinnar.

Það var alltaf ætlun Guðs að fyrri kynslóð myndi skila andlegum arfi sínum til næstu kynslóðar.

Fimmta Mósebók 29:29

Hinir leyndu hlutir heyra Drottni Guði vorum, en það, sem opinberað er, heyrir oss og börnum vorum ævinlega, svo að vér megum breyta eftir öllum orðum lögmáls þessa.

Guð er að segja hér að það sem enn er ekki opinberað tilheyri Guði, en það sem hefur komið til fyrri kynslóða með opinberun tilheyrir þeim sem tóku við því og öllum næstu kynslóðum.

Til dæmis voru margir rithöfundar 1948 hreyfingarinnar Guðs sem skrifuðu frábærar bækur um lækningu þar sem Guð kom með nýjar opinberanir til kirkjunnar um þetta efni. T. L. Osborn skrifaði bækur um lækningu sem voru sígildar varðandi þetta efni. Þeir skildu eftir sig fyrir þessa kynslóð arfleifð sannleikans sem ætti að vera hluti af trú okkar og framkvæmd í dag.

Það hefur alltaf verið ætlun Guðs að sannleikur sem hefur borist frá fyrri kynslóð ætti að vera tekinn inn í líf okkar og færður á enn hærra plan í næstu kynslóð. Þetta er sjaldan raunin.

Við í þessari kynslóð ættum ekki að þurfa að grafa þessa brunna upp á nýtt, þeir ættu að vera hluti af grunni okkar og við ættum að fara lengra með þessar opinberanir.

Fyrsta Mósebók 26:18

Og Ísak lét aftur grafa upp brunnana, sem þeir höfðu grafið á dögum Abrahams föður hans og Filistar höfðu aftur byrgt eftir dauða Abrahams, og gaf þeim hin sömu heiti sem faðir hans hafði gefið þeim.

Mér er kunnugt um að hjá sumum er þetta umdeilt efni, en ég ætla ekki að afsaka að ég sé að sýna þér þetta. Ég trúi því að tíund sé mikilvæg endatímakrafa fyrir allt fólk Guðs.

Við skulum líta á þennan sannleika með opnu hjarta.

Í fyrsta lagi, tíund er ríkiskrafa. Tvær mikilvægar ritningargreinar eru að finna í Haggaí kafla 1 og Malakí kafla 3.

Við notum bók Haggaí sem spámannlega innsýn í ríki Guðs. Bygging Guðs húss í Haggaí er spámannleg mynd um að byggja upp ríki Guðs á þessum síðustu dögum.

Sömuleiðis er bók Malakí spámannleg framsýn á kirkju Nýja testamentisins og ríki Guðs. Við þurfum að hafa þetta í huga.

Við þurfum að lesa vandlega eftirfarandi ritningarstaði.

Haggaí 1:2-6

Svo segir Drottinn allsherjar: Þessi lýður segir: Enn er ekki tími kominn til að endurreisa hús Drottins. -3- Þá kom orð Drottins fyrir munn Haggaí spámanns, svo hljóðandi: -4- Er þá tími fyrir yður að búa í þiljuðum húsum, meðan þetta hús liggur í rústum? -5- Og nú segir Drottinn allsherjar svo: Takið eftir, hvernig fyrir yður fer! -6- Þér sáið miklu, en safnið litlu, etið, en verðið eigi saddir, drekkið, en fáið eigi nægju yðar, klæðið yður, en verðið þó ekki varmir, og sá sem vinnur fyrir kaupi, vinnur fyrir því í götótta pyngju.

Þetta er staðan hjá mörgum kristnum í dag.

Haggaí 1:7-11

Svo segir Drottinn allsherjar: Takið eftir, hvernig fyrir yður fer! -8- Farið upp í fjöllin, sækið við og reisið musterið, þá mun ég hafa velþóknun á því og gjöra mig vegsamlegan! segir Drottinn. -9- Þér búist við miklu, en fáið lítið í aðra hönd, og þó þér flytjið það heim, þá blæs ég það burt. Hvers vegna? segir Drottinn allsherjar. Vegna húss míns, af því að það liggur í rústum, meðan sérhver yðar flýtir sér með sitt hús. -10- Fyrir því heldur himinninn uppi yfir yður aftur dögginni og fyrir því heldur jörðin aftur gróðri sínum. -11- Ég kallaði þurrk yfir landið og yfir fjöllin, yfir kornið, vínberjalöginn og olíuna og yfir það, sem jörðin af sér gefur, yfir menn og skepnur og yfir allan handafla.

Haggaí er að fjalla um aðstæður þar sem hús Guðs var vanrækt, þar sem allir voru að byggja inn í eigin hagsmuni og vanrækja boðorð Guðs um að gefa það sem honum bar.

Þetta færði fátækt inn í líf þeirra.

Bók Malakí fjallar um nánar um ástæður þessarar fátæktar og skorts.

Malakí 3:7-10

Allt í frá dögum feðra yðar hafið þér vikið frá setningum mínum og ekki gætt þeirra. Snúið yður til mín, þá mun ég snúa mér til yðar segir Drottinn allsherjar. En þér spyrjið: Að hverju leyti eigum vér að snúa oss? -8- Á maðurinn að pretta Guð, úr því að þér prettið mig? Þér spyrjið: Í hverju höfum vér prettað þig? Í tíund og fórnargjöfum. -9- Mikil bölvun hvílir yfir yður, af því að þér prettið mig, öll þjóðin. -10- Færið alla tíundina í forðabúrið til þess að fæðsla sé til í húsi mínu, og reynið mig einu sinni á þennan hátt segir Drottinn allsherjar, hvort ég lýk ekki upp fyrir yður flóðgáttum himinsins og úthelli yfir yður yfirgnæfanlegri blessun.

Fyrst sjáum við að spádómum Malakís var fyrst og fremst beint að endatímakirkjunni.

Athugið 1. kafli vers 11

Malakí 1:11

Frá upprás sólar allt til niðurgöngu hennar er nafn mitt mikið meðal þjóðanna, og alls staðar er nafni mínu fórnað reykelsi og hreinni matfórn, því að nafn mitt er mikið meðal þjóðanna segir Drottinn allsherjar.

Þetta vers er að tala um hina miklu uppskeru endatímaakirkju Nýja sáttmálans.

Malakí 3:1-3

Sjá, ég sendi sendiboða minn, og hann mun greiða veginn fyrir mér. Og bráðlega mun hann koma til musteris síns, sá Drottinn er þér leitið, og engill sáttmálans, sá er þér þráið. Sjá, hann kemur segir Drottinn allsherjar. -2- En hver má afbera þann dag, er hann kemur, og hver fær staðist, þegar hann birtist? Því að hann er sem eldur málmbræðslumannsins og sem lútarsalt þvottamannanna. -3- Og hann mun sitja og bræða og hreinsa silfrið, og hann mun hreinsa levítana og gjöra þá skíra sem gull og silfur, til þess að Drottinn hafi aftur þá menn, er bera fram fórnir á þann hátt sem rétt er,

Aftur er þetta að tala um kirkju Nýja sáttmálans, komu Jóhannesar skírara og hreinsandi kraft heilags anda.

Guð er greinilega að segja við okkur, endatímakirkjuna, ef þú gefur ekki tíund þá rænir þú af Guði og kemur sjálfum þér undir bölvun.

Guð leggur fram áskorun, Hann segir reyndu mig nú, byrjaðu að tíunda og sjáðu hvort ég opni ekki flóðgáttir himinsins í blessun yfir þig.

Þetta er eini staðurinn í ritningunni sem ég veit um þar sem Guð skorar á þig að reyna áreiðanleika sannleikans.

Tíund var ekki stofnuð með lögmálinu

Tíund varð til sem alhliða eilífur sannleikur, löngu fyrir Móse og lögmálið.

Fyrsta Mósebók 14:18-20

Og Melkísedek konungur í Salem kom með brauð og vín, en hann var prestur Hins Hæsta Guðs. -19- Og hann blessaði Abram og sagði: Blessaður sé Abram af Hinum Hæsta Guði, skapara himins og jarðar! -20- Og lofaður sé Hinn Hæsti Guð, sem gaf óvini þína þér í hendur! Og Abram gaf honum tíund af öllu.

Ef þú segist vera hluti af Melkísedeksprestdæminu, þá var tíund hluti af því prestdæmi.

Abram, faðir trúar okkar, greiddi tíund, hann sem álitinn var táknmynd Nýja sáttmálans.

Eftir þetta kom Guð til Abrams og sagði eftirfarandi við hann.

Fyrsta Mósebók 15:1

Eftir þessa atburði kom orð Drottins til Abrams í sýn: Óttast þú ekki, Abram, ég er þinn skjöldur, laun þín munu mjög mikil verða.

Guð sagði að ég er þín dýrmætu laun, hann sagði: Allt sem ég er og á er þitt. Abram varð einn af ríkustu mönnum á  jörðinni á þeim tíma og var þekktur sem vinur Guðs.

Jakob lofaði að tíunda Guði, sjá Fyrsta Mósebók 14:20 og 28:22

Tíund er hluti af Nýja sáttmálanum sem mun verða þér til mikillar blessunar.

Galatabréfið 3:14

Þannig skyldi heiðingjunum hlotnast blessun Abrahams í Kristi Jesú, og vér öðlast fyrir trúna andann, sem fyrirheitið var.

Jesús stofnar með dauða sínum og upprisu Nýjna sáttmála þar sem sagt er að blessanir Abrahams muni koma yfir okkur.

Guð virðir enn það sem hann lofaði í Malakí. Tíund er ekki að lifa eftir lögmáli, það er að lifa í trú á það sem Guð lofaði, að Hann myndi opna glugga himinsins fyrir þér.

Að lokum orð frá Jesú

Lúkasarguðspjall 11:42

En vei yður, þér farísear! Þér gjaldið tíund af myntu og rúðu og alls kyns matjurtum, en hirðið ekki um réttlæti og kærleika Guðs. Þetta ber að gjöra og hitt eigi ógjört að láta.

Orðin „þetta ber að gjöra“ á grísku eru ekki í þátíð heldur eru þau í þátíð og nútíð.

1163. dei, die; í þriðja persónu að framkvæma. kemur af G1210; líka deon, deh-on’; að hluta til tengt; bæði gefa til kynna eitthvað sem er nauðsynlegt (sem bindandi):–þörf, vera uppfyllt, verður (þarf), (vera) þarf (-full), ætti.

Þar sem orð Jesú eru sannleikur og eilíf, stendur Hann sem fulltrúi Nýja sáttmálans og segir rétt að þú tíundir.

Þú getur gefið tíund þína undir anda lögmálsins sem kvöð, eða undir anda trúarinnar sem gleðifórn eins og til Drottins.

Hagnýtar ábendingar

Hvenær á að tíunda og hvar á að tíunda?

Tíund er biblíuleg hugtak fyrir að gefa Guði frumgróðann af starfi okkar og var sérstaklega notað til að gefa 10% til Drottins.

Ég þekki kristna menn sem safna tíundum sínum og bíða eftir tækifæri til að koma þeim á stað sem þeim finnst vera góður málstaður. Ef tíund þín er enn á bankareikningnum þínum eða falin í skúffu, hefur þú ekki gefið hana og þeim hefur ekki verið sáð sem sáðkorni. Ekki safna henni, gefðu hana og haltu áfram að sá reglulega og reyndu Guð.

Biblían er skýr um hvar á að setja tíund þína, þar sem þú færð andlega fæðslu.

Malakí 3:10

Færið alla tíundina í forðabúrið til þess að fæðsla sé til í húsi mínu.

Sumir segja að ég gefi ekki tíund vegna þess að allt sem ég á er Drottins, sem er blekking og stangast á við það sem Guð krefst af okkur, flestir sem taka þá afstöðu gefa aldrei einu sinni 10% af tekjum sínum til Drottins.

Tíund er mjög tengd endatímaspádómum og að lifa af á endatímunum. Mundu að þú uppskerð það sem þú sáir.

Sjáðu hverju Guð lofar.

Orðskviðirnir 11:24-25

Sumir miðla öðrum mildilega, og eignast æ meira, aðrir halda í meira en rétt er, og verða þó fátækari. -25- Velgjörðasöm sál mettast ríkulega, og sá sem gefur öðrum að drekka, mun og sjálfur drykk hljóta.

Lúkasarguðspjall 6:38

Gefið, og yður mun gefið verða. Góður mælir, troðinn, skekinn, fleytifullur mun lagður í skaut yðar. Því með þeim mæli, sem þér mælið, mun yður aftur mælt verða.

Orðskviðirnir 28:27

Sá sem gefur fátækum, líður engan skort, en þeim sem byrgir augu sín, koma margar óbænir.

Malakí 3:9

Mikil bölvun hvílir yfir yður, af því að þér prettið mig, öll þjóðin.

Segðu það 7 sinnum: Tíund, tíund, tíund, tíund, tíund, tíund, tíund.

Brjóttu bölvunina yfir lífi þínu, gefðu Guði það sem Honum ber.

Malakí 3:10

Færið alla tíundina í forðabúrið til þess að fæðsla sé til í húsi mínu, og reynið mig einu sinni á þennan hátt segir Drottinn allsherjar, hvort ég lýk ekki upp fyrir yður flóðgáttum himinsins og úthelli yfir yður yfirgnæfanlegri blessun.

Guð blessi þig!