Frá þýðanda:

Lesandi athugi að þrátt fyrir að þessi grein sé að fjalla um árið 2005 er mjög gagnlegt efni í henni sem á við okkur í dag og áhugavert að skyggnast inn í anda Neville Johnson og þá eftirvæntingu sem hann hafði fyrir lokavakningunni á þessum tíma. Við erum klárlega komin enn nær í dag og ég bið stöðuglega, “Kom skjótt Drottinn minn Jesús”, eða eins og segir í bæninni “Til komi þitt ríki”.

—

Þegar við teljum niður til ársloka 2005 og lítum til baka yfir síðustu tólf mánuði á undan förum við að átta okkur á því að þetta ár var ekkert venjulegt ár. Við skulum líta á nokkra af mikilvægari þáttum þess sem gerðist.

Þann 26. desember 2004 sáum við hörmungarnar af völdum jarðskjálftans við Indónesíu og flóðbylgjuna í kjölfarið sem olli svo mikilli eyðileggingu. Þessir þjóðir hafa ekki náð sér enn. Lítum á nokkra þætti úr blaðinu “Spádómspunktar” sem við gáfum út á þeim tíma.

—

Tilvitnanir úr “Spádómspunktunum” í desember 2004

Þessi jarðskjálfti var sá stærsti í fjörutíu ár

Talan 40 hefur mikla spádómlega þýðingu, í fyrsta lagi táknar hún kynslóð. Oft í ritningunni er kynslóð talin 40 ár.

Fjórða Mósebók 32:13

Og reiði Drottins upptendraðist gegn Ísrael og hann lét þá reika um eyðimörkina í fjörutíu ár, þar til er öll sú kynslóð var liðin undir lok, er gjört hafði það, sem illt var fyrir augliti Drottins.

Jósuabók 5:6

Í fjörutíu ár fóru Ísraelsmenn um eyðimörkina, uns allt það fólk, allir vígir menn, er farið höfðu af Egyptalandi, voru dánir, því að þeir hlýddu ekki raust Drottins. Þess vegna hafði Drottinn svarið þeim, að þeir skyldu ekki fá að sjá landið, sem hann sór feðrum þeirra að gefa oss, land, sem flýtur í mjólk og hunangi.

Fyrir fjörutíu árum, árið 1964, var verið að gera kirkjunni viðvart um komu nýrrar hreyfingar Guðs á jörðinni, þessi ráðstöfun varð þekkt sem karismatíska hreyfingin. Þann 27. mars 1965 varð jarðskjálfti, sem hingað til er sá stærsti sem mælst hefur í Norður-Ameríku, 9,2 á Richter, meðfram strönd Alaska. Þessi skjálfti myndaði röð alda sem mældust 27 metrar á hæð sem rákust á strandlengjuna og eyðilagði óteljandi báta og heimili.

Stuttu eftir þennan atburð var óteljandi fjöldi lítilla dreifbýliskirkna um allt svæðið fullar af eldi Guðs sem úthellt var á meðal þeirra. Þessi úthelling Heilags Anda fór fljótt í gegnum Oregon og inn í Kaliforníu og endaði hjá biskupakirkju í Van Nuys og kveikti eld í biskupsrektor að nafni Dennis Bennett. Kirkjusaga samtímans sýnir nú að Bennett fæddi það sem varð þekkt sem karismatísk endurnýjun. Þessi hreyfing Guðs flæddi yfir hinn vestræna heim eins og mikill eldur sem fæddi Jesú hreyfinguna og margar aðrar stórar öldur heilags anda.

Talan fjörutíu táknar einnig lok reynslutímabils. Ísrael var fjörutíu ár í eyðimörkinni áður en þeir fóru inn í fyrirheitna landið. Jesús var fjörutíu daga í eyðimörkinni áður en hann hóf þjónustu sína.

Þetta talar um tíma undirbúnings og prófana, sem nú er að renna sitt skeið og ný öld að hefjast.

Fimmta Mósebók 8:15

sem leiddi þig um eyðimörkina miklu og hræðilegu, þar sem voru eitraðir höggormar og sporðdrekar og vatnslaust þurrlendi, og leiddi fram vatn handa þér af tinnuhörðum klettinum,

Fimmta Mósebók 8:16

hann sem gaf þér manna að eta í eyðimörkinni, er feður þínir eigi þekktu, svo að hann gæti auðmýkt þig og svo að hann gæti reynt þig, en gjört síðan vel við þig á eftir.

Við erum á tímum þar sem undirbúningur hjartans er afar mikilvægur ef við ætlum að ná næstu bylgju sem er að koma. Hreinleiki hjartans er ofarlega á dagskrá Guðs fyrir fólk sitt á þessari stundu, þetta er nauðsynlegt þar sem næsta bylgja mun taka okkur hærra en við höfum verið áður, þar sem hreinleiki hjartans er krafa til að komast inn og standast það sem koma skal.

Ég tel að þessi jarðskjálfti, sem aftur olli flóðbylgjunni, hafi djúpstæð áhrif á kirkjuna í dag. Þessir jarðskjálftar eru fæðingarverkir þar sem nýr dagur er að renna upp. Þetta er ekki bara endalok tímabils; það er endalok mikils tímabils í sögu kirkjunnar, rétt eins og siðaskiptin hófu nýtt stórt tímabil í kirkjusögunni. 40 ára undirbúnings- og prófunartímabili er að ljúka, rétt eins og aðalmarkmið Ísraels í Guði var að ganga inn í og ​​leggja undir sig fyrirheitna landið, þannig erum við að ganga inn í nýjan dag með djúpstæðar afleiðingar. Allt himnaríki hefur tekið sér stöðu, þar sem undirbúningi er nánast lokið fyrir næstu bylgju. Við höfum gengið í gegnum mikið ræktunartímabil í undirbúningi fyrir komandi uppskeru.

Lok á tilvitnunum

—

Við erum oft mjög sein í að þekkja rödd Drottins þegar hún kemur að okkur í annarri mynd.

Matteusarguðspjall 16:3

Og að morgni: Illviðri í dag, himinninn er rauður og þungbúinn. Útlit loftsins kunnið þér að ráða, en ekki tákn tímanna.

Orð Guðs segir skýrt að það verði tákn á himnum og að þessi tákn séu rödd Guðs til okkar.

Sálmarnir 19:2

Himnarnir segja frá Guðs dýrð, og festingin kunngjörir verkin hans handa. -3- Hver dagurinn kennir öðrum, hver nóttin boðar annarri speki. -4- Engin ræða, engin orð, ekki heyrist raust þeirra. -5- Og þó fer hljómur þeirra um alla jörðina, og orð þeirra ná til endimarka heims. Þar reisti hann röðlinum tjald.

Rödd stjörnu sem springur

Sjaldgæfur stórbrotinn atburður átti sér stað seint í desember 2004, atburður sem var þúsundir ára í mótun sem barst til plánetunnar okkar jarðarinnar í desember síðastliðnum.

Í 50.000 ljósára fjarlægð er stjarna sem kallast „Segulstjarna sem er aðeins um 20 kílómetrar í þvermál, en mun þyngri en sólin okkar með segulsvið sem er 1.000 trilljón sinnum sterkara en jörðin – þessi stjarna sendi frá sér gífurlegan gammageislunarpúls, þetta olli björtustu sprengingunni í sögu stjörnufræðinnar. Þessi sprenging gaf frá sér meiri orku á aðeins 0,2 sekúndum en sólin okkar gerir á um 200.000 árum.

„Brot úr sekúndu í desember sleppti deyjandi leifar sprunginnar stjörnu frá sér ljósbylgju sem var bjartari en Vetrarbrautin “Milky Way” og aðrar hálfar billjónir stjarna samanlagt“.

New York Times 20. febrúar 2004

Þetta tók 50 þúsund ár að ná til jarðar, þetta er í sjálfu sér kraftaverk tímasetningar Guðs.

Við erum að fara að upplifa upphafið að mestu hreyfingu Guðs sem heimurinn hefur nokkurn tíma séð.

Jesaja 9:2

Sú þjóð, sem í myrkri gengur, sér mikið ljós. Yfir þá, sem búa í landi náttmyrkranna, skín ljós.

Matteusarguðspjall 4:16-17

Sú þjóð, sem í myrkri sat, sá mikið ljós. Þeim er sátu í skuggalandi dauðans, er ljós upp runnið. -17- Upp frá þessu tekur Jesús að prédika og segja: Gjörið iðrun, himnaríki er í nánd.

Þessi mikli ljósglampi boðaði komu nýs dags sem myndi færa ljós dýrðar Guðs sem aldrei fyrr frá fæðingu Jesú.

40 ár, heil kynslóð frá fæðingu hinnar karismatísku hreyfingar, veldur annar jarðskjálfti flóðbylgju sem boðaði upphaf þessa nýja tíma. Þessu fylgdi fljótt ljósglampi sem skall á jörðina sem var sá mesti í sögu stjörnufræðinnar.

Það er mikilvægt að 40 ár eru liðin frá dauða William Branham eða 24. desember á þessu ári 2005. William Branham var þekktur fyrir að hafa verið upphafsmaður þess sem varð þekkt sem 1948 hreyfing Guðs eða lækningavakningin mikla. William Branham var mikill spámaður sem lifði langt fram yfir sína samtíð. Ég veit að margir eiga í vandræðum með William Branham þar sem margir fylgjendur hans þróuðu sértrúarsöfnuð í kringum hann, þetta dregur auðvitað ekki úr þeirri staðreynd að hann var mikill guðsmaður sem var notaður af Guði á máttugan hátt til að vera í fararbroddi mikillar hreyfingar Heilags Anda á fjórða áratugnum. Möttull William Branham er nú í boði fyrir þá sem í heilagleika og með tilfinningu fyrir örlögum sínum og köllun vilja taka hann upp.

Fæðing hvítasunnuhreyfingarinnar 1885

Bethshan ráðstefnan um heilagleika og lækningu, í London, Englandi var undir forystu William Boardman og A. B. Simpson.

Margir sagnfræðingar viðurkenna að núverandi hvítasunnuhreyfing hafi fyrst verið hafin á þessum fundi í júní 1885. Alexander Dowie og fleiri bentu á ráðstefnuna í London sem upphaf þeirrar lækningarhreyfingar sem þeir nutu. Talið er að þessi ráðstefna hafi lagt grunninn að endurreisn uppfyllingar andans og virkjun andlegra gjafa. 120 árum síðar lendum við einmitt á árinu 2005. Vitað er að 120 er talan sem táknar hvítasunnuna.

Fylling hvítasunnunnar er að koma fram núna í þessari kynslóð. Það eru margar spámannlegar tímalínur sem skerast á þessum tímamótum, þeir sem hafa eyra til heyra og hjörtu til að skynja mun undirbúa hjörtu sín fyrir það sem nú er að koma fram og mun taka okkur inn í stóra nýja hreyfingu Heilags Anda.

Kirkjan er við það að fara yfir í fyrirheitna landið og að fara yfir Jórdan táknaði sjálfan dauðann og nýja lífshætti, það er krafist af okkur að leggja niður líf okkar sem aldrei fyrr. 120 ár eru liðin frá fæðingu hvítasunnuhreyfingarinnar. Nú er kominn tími til að fara yfir í fyllingu hvítasunnuupplifunarinnar, það sem frumkirkjan hafði var merki um það sem Guð ætlar okkur í dag.

Síðara Korintubréf 1:22

Hann hefur sett innsigli sitt á oss og gefið oss anda sinn sem pant í hjörtum vorum.

Síðara Korintubréf 5:5

En sá, sem hefur gjört oss færa einmitt til þessa, er Guð, sem hefur gefið oss anda sinn sem pant.

Orðið pant er gríska orðið arrhabon, sem þýðir veð eða innborgun (ekki heildarupphæðin)

Fimmta Mósebók 31:2

og sagði við þá: Ég er nú hundrað og tuttugu ára. Ég get ekki lengur gengið út og inn, og Drottinn hefir sagt við mig: Þú skalt ekki komast yfir hana Jórdan. -3- Drottinn Guð þinn fer sjálfur yfir um fyrir þér, hann mun sjálfur eyða þessum þjóðum fyrir þér, svo að þú getir tekið lönd þeirra til eignar. Jósúa skal fara yfir um fyrir þér, eins og Drottinn hefir sagt.

Við höfum heyrt mikið um Jósúakynslóðina en við höfum ekki séð hana í raun og veru, en 120 ár hafa verið uppfyllt, það er kominn tími til að Jósúamenn fari yfir og nái fyrirheitna landinu.

Sá sem hefur eyru til að heyra, hann heyri hvað Guð er að segja við kirkjuna í dag

Guð blessi þig!

Við þurfum að skilja að sama hver köllun okkar er þá er forysta eitthvað sem við þurfum að skilja og læra, þú munt þurfa að leiða eitthvað hvort sem þú ert húsmóðir eða forstöðumaður. Það er hins vegar þitt val hvort þú æfir þig í því eða ekki.

Mörg vandamál á heimilinu eru afleiðing lélegrar forystu eða engrar forystu, þetta á líka við um kirkjuna og veraldlega viðskiptavettvanginn. Við erum öll kölluð til að leiða á einhverju svæði í okkar eigin persónulega heimi. Þegar það er engin siðferðileg forysta á heimili eða rétt fyrirmynd getum við búist við því að stór vandamál muni eigi sér stað.

Andi lögleysis

Við höfum séð anda lögleysis rísa upp sem aldrei fyrr í vestrænum þjóðum, fyrst í New Orleans, síðan í Frakklandi og svo einnig í Sydney Ástralíu. Það er enginn vafi á því að anda hefur verið sleppt í þeim tilgangi að vekja upp þjóðernis- og/eða kynþáttahatur. Þessi andi hefur verið nærður af skorti á siðferðilegri grunnforystu á ríkisstjórnarstigum, alla leið niður í gegnum menntakerfið okkar, inn á heimili okkar og fjölskyldur. Með þrýstingi um að vera pólitískt réttur hefur Satan slegið í gegn í okkar vestræna samfélagi. Þetta hefur leitt til órökréttustu og fáránlegustu mótsagna sem við höfum séð. Þó að við vitum að Guð er góður, kærleiksríkur, sanngjarn og réttlátur, hatar Guð líka synd og mun aldrei samþykkja neitt gegn sínu viðmiði réttlæti. Grænu hreyfingarnar um allan heim eru í uppnámi þegar tré eru höggvin og hvalir drepnir, en þeim virðist allt í lagi með að myrða börn, þær eru einn fremsti talsmaður fóstureyðinga. Bjargaðu hvölum og dreptu börnin. Þessar fáránlegu mótsagnir eru afleiðing af lögleysi gagnvart stöðlum Guðs. Ekki misskilja mig. Ég trúi á að bjarga hvölum og trjánum innan skynsamlegra marka ásamt því að halda öllum viðmiðum Guðs.

Leiðin undirbúin fyrir mann syndarinnar

Síðara Þessaloníkubréf 2:3 & 7

Látið engan villa yður á nokkurn hátt. Því að ekki kemur dagurinn nema fráhvarfið komi fyrst og maður syndarinnar birtist. Hann er sonur glötunarinnar,

-7- Því að lögleysið er þegar farið að starfa í leyndum og stendur ekki á öðru en að þeim verði burt rýmt, sem nú heldur aftur af.

Þessi leyndardómur ranglætis (lögleysis) er nú þegar að verki í heiminum þetta er antikrists andi.

Fyrsta Jóhannesarbréf 2:18

Börn mín, það er hin síðasta stund. Þér hafið heyrt að andkristur kemur, og nú eru líka margir andkristar komnir fram. Af því vitum vér, að það er hin síðasta stund.

Við erum að sjá anda antikrists rísa upp sem aldrei fyrr í heiminum.

Margir hlutar kirkjunnar í dag hafa dreypt á anda andkrists og neitað því að Jesús sé sonur Guðs og að Jesús hafi verið Guð sem birtist í holdi.

Erkibiskupinn af Kantaraborg sagði að hann trúði ekki að Jesús hafi verið bókstaflegur sonur Guðs og að Jesús hafi ekki risið upp frá dauðum og að blóð Jesú hafi engan frelsunarmátt og að Biblían sé hvorki innblásin né hægt að taka hana bókstaflega. Þetta er andi antikrists sem afneitar því hver Kristur er.

Jóhannes postuli sagði að þegar þú sérð marga leiðtoga rísa upp með anda antikrists þá vitum við að endirinn er í nánd.

Fyrsta Jóhannesarbréf 2:22

Hver er lygari, ef ekki sá sem neitar, að Jesús sé Kristur? Sá er andkristurinn, sem afneitar föðurnum og syninum.

Þessi andi lögleysunnar sem við sjáum núna er upphaf nýs áfanga í áætlunum Satans um að ráða yfir þessari plánetu, en Guð segir þetta.

Jesaja 60:1-5

Statt upp, skín þú, því að ljós þitt kemur og dýrð Drottins rennur upp yfir þér! -2- Sjá, myrkur grúfir yfir jörðinni og sorti yfir þjóðunum. En yfir þér upp rennur Drottinn, og dýrð hans birtist yfir þér. -3- Þjóðirnar stefna á ljós þitt og konungar á ljómann, sem upp rennur yfir þér. -4- Hef upp augu þín og litast um: Þeir safnast allir saman og koma til þín. Synir þínir koma af fjarlægum löndum, og dætur þínar eru bornar á mjöðminni. -5- Við þá sýn muntu gleðjast, hjarta þitt mun titra og svella, því að auðlegð hafsins hverfur til þín og fjárafli þjóðanna kemur undir þig.

Guð segir að mitt í miklu myrkri muni hin sanna kirkja Jesú Krists rísa upp sem aldrei fyrr í mikilli dýrð og krafti. Þetta mun hrinda af stað öflugustu vakningu sem heimurinn hefur nokkurn tíma séð. Gnægð hafsins (mannkynsins) mun breytast.

Þetta er tími án málamiðlana, tími þar sem við þurfum að vera 100% helguð Drottni. Tími fullkomins heilagleika í ótta Drottins, til að undirbúa endurkomu Hans.

Þú getur leitt eða fylgt fjöldanum

Forysta er öflugasta aflið sem manninum er trúað fyrir. Með henni varð óþekktur hermaður Korsíka gjaldþrota og sigraði voldugustu þjóðir jarðarinnar (Napóleon).

Auðmjúkur lögfræðingur frá Indlandi, án þess að hleypa af skoti eða gegna neinni hernaðar- eða pólitískri stöðu, braut styrk mesta heimsveldisins í heiminum. (Gandhi)

Forysta varð til þess að hundruð manna sviptu sig lífi í trúarsamfélagi í Suður-Ameríku.

Afrek Jesú og fylgjendahóps hans eru eitt af ótrúlegustu dæmum um forystu sem nokkurn tíma hefur átt sér stað. Þeir sneru heimi síns tíma á hvolf.

Forysta er ótrúlegt afl sem okkur er treyst fyrir

Þú verður í þínum heimi að leiða veginn í heilagleika og réttlæti með sterkri afstöðu í þessum núverandi vonda heimi.

Jesaja 57:14-15

Sagt mun verða: Leggið braut, leggið braut, greiðið veginn, ryðjið hverjum ásteytingarsteini úr vegi þjóðar minnar! -15- Já, svo segir hinn hái og háleiti, hann sem ríkir eilíflega og heitir Heilagur: Ég bý á háum og helgum stað, en einnig hjá þeim, sem hafa sundurkraminn og auðmjúkan anda, til þess að lífga anda hinna lítillátu og til þess að lífga hjörtu hinna sundurkrömdu.

Matteusarguðspjall 3:3

Jóhannes er sá sem svo er um mælt hjá Jesaja spámanni: Rödd hrópanda í eyðimörk: Greiðið veg Drottins, gjörið beinar brautir hans.

Rétt eins og Jóhannes skírari undirbjó veg Drottins fyrir fyrstu komu Jesú með boðskap um iðrun heilagleika og náðar, eins verðum við í dag að gera það sama og sannarlega leiða á okkar ábyrgðarsviði með náð, sannleika, heilagleika og kærleika.

Guð blessi þig!

Sálmarnir 4:6

Færið réttar fórnir og treystið Drottni.

Fyrir nokkrum árum talaði Drottinn við mig í draumi og sagði; “Ef það eru einhver atriði sem við treystum Honum ekki fyrir munu þau leiða til vandræða, vandræðin munu leiða okkur aftur til að treysta Honum og allt sem nýtist ekki fyrir Guðs ríkið. Munum við á endanum tapa.”

Ég var að velta þessu fyrir mér í sambandi við núverandi ástand heimsins og skilning á því að þetta hefur aldrei verið eins viðeigandi fyrir okkur og í dag. Við höfum séð tap á eignum fyrir milljarða dollara á síðustu árum. St Louis eitt og sér tapaði eignum að verðmæti nokkurra milljarða dollara í síðasta fellibylnum, sem flestar eru ekki tryggðar. Fuglaflensan blasir við sjóndeildarhringnum eins og Biblíuleg plága. Talið er að ef þessi flensa verður faraldur muni yfir 75 milljónir manna deyja. Sjúkrahúskerfi okkar eru þegar ofhlaðin að því marki að þau hrynja við minsta álag ef ekkert verður gert. Kostnaður vegna almannatrygginga er orðinn mikið áhyggjuefni fyrir flestar vestrænar þjóðir og horfur eru ekki góðar. Lífeyrissjóðir eru í besta falli varasamir. Hagfræðingur komst nýlega að þeirri niðurstöðu að lífeyrissjóðir yrðu ekki til að eilífu og yrðu þeir fyrstu til að fara ef til mikils samdráttar kæmi.

Þetta vekur upp þá spurningu, hvar setjum við raunverulega traust okkar fyrir dagana sem framundan eru? Það þýðir ekkert að loka hurðinni eftir að hesturinn hefur strokið. Þinn eigin persónulegi heimur getur algerlega breyst á einni nóttu, samdrættir gerast á þennan hátt, og það eru sannarlega blikur á lofti um meiriháttar samdrátt í heiminum. Í samdrætti hverfa peningar ekki, þeir skipta bara um hendur, verð á eignum lækkar og þeir sem eiga reiðufé kaupa þessar eignir fyrir brot af upprunalegu verðmæti og það eru skipti sem eiga sér stað. Kristnir menn þurfa að vera meðvitaðir um þennan veruleika þar sem sá tími kemur þegar mikið þarf að afla fyrir ríki Guðs.

Orðskviðirnir 13:22

en eigur syndarans eru geymdar hinum réttláta.

Eftir því sem tímarnir framundan verða dekkri verðum við að treysta Drottni á nýju stigi, nú er tíminn til að staðfesta traust okkar á Drottni fyrir alla hluti. Maðurinn setur allt sitt traust á peninga og það er síðasta vígið sem Guð tekur frá kristnum mönnum svo að allt traust þeirra megi vera á Honum.

Opinberunarbókin 13:17

og kemur því til leiðar, að enginn geti keypt eða selt, nema hann hafi merkið, nafn dýrsins, eða tölu nafns þess.

Tryggðu þig gagnvart Drottni í dag, gefðu eins og þú hefur aldrei gefið áður því að tímar koma þegar þú munt ekki geta það.

Predikarinn 11:1-2,4 & 6

Varpa þú brauði þínu út á vatnið, því þegar margir dagar eru um liðnir, munt þú finna það aftur. -2- Skiptu hlutanum sundur í sjö eða jafnvel átta, því að þú veist ekki, hvaða ógæfa muni koma yfir landið. 

-4- Sá sem sífellt gáir að vindinum, sáir ekki, og sá sem sífellt horfir á skýin, uppsker ekki. -6- Sá sæði þínu að morgni og lát hendur þínar eigi hvílast að kveldi, því að þú veist ekki, hvað muni heppnast, þetta eða hitt, eða hvort tveggja verði gott.

Ef þú ert að bíða eftir réttum tíma til að gefa, tíma þegar þú ert efnameiri, muntu ekki vera tilbúinn fyrir þá daga sem framundan eru.

Breytingar framundan

Fyrir stuttu deildi ég með ykkur endalokum tímabils. Það er verið er að undirbúa okkur fyrir næstu hreyfingu Guðs. Breytingar geta valdið óróleika fyrir marga, því okkur líður vel með það sem við þekkjum og erum vön. Hins vegar er þörf á breytingum til að vaxa, bæði persónulega og sem líkami, líkt og brimbrettakappi þurfum við að staðsetja okkur til að ná næstu bylgju. Þessi staðsetning er mikilvæg; ef brimbrettakappinn er of langt úti missir hann af öldunni og ef hann er ekki nógu langt úti fellur hann af öldunni og getur slasast illa. Það er afar mikilvægt á þessum tíma að við höfum skilning á þeim tímum og árstíðum sem við erum á.

Myrkir tímar munu koma; en góðu fréttirnar eru:

Jesaja 60:1-3

Statt upp, skín þú, því að ljós þitt kemur og dýrð Drottins rennur upp yfir þér! -2- Sjá, myrkur grúfir yfir jörðinni og sorti yfir þjóðunum. En yfir þér upp rennur Drottinn, og dýrð hans birtist yfir þér. -3- Þjóðirnar stefna á ljós þitt og konungar á ljómann, sem upp rennur yfir þér.

Guð blessi þig!

Hvort þú finnir köllun þína fer eftir hversu mikið þig langar til að finna hana

Oft er ég spurður spurningarinnar „hvernig finn ég það sem Guð hefur kallað mig til“?

Svarið er ekki það sem flestir kristnir vilja heyra. Raunverulega spurningin er hversu alvara ertu með þetta? Hversu mikið þráir þú að vita?

Mundu að allt sem kemur ódýrt endist ekki

Þú verður að leggja allt hjarta þitt í þetta til að vita, þú verður að leita, fasta, banka, biðja. Hversu alvara ertu með þetta?

Jeremía 29:13

Og þér munuð leita mín og finna mig. Þegar þér leitið mín af öllu hjarta,

Ég hef sagt, “ef Guð sýnir mér mun ég gera það”. Ég hef fréttir fyrir þig með þetta viðhorf, þú munt aldrei vita það.

Orðskviðirnir 8:17

Ég elska þá sem mig elska, og þeir sem leita mín ((*snemma), vantar í íslensku þýðinguna), finna mig. 

Snemma hebreska: 7223.; frá H7221; fyrst, á sínum stað eða tíma. Þetta orð hefur merkinguna; vel fyrir sólarupprás. Hvenær neitaðir þú þér síðast um að sofa lengur vegna þess að þú þurftir að finna Guð. Ef þú leitar hans snemma muntu finna hann.

Hósea 5:15

Ég mun fara burt og hverfa aftur á minn stað, uns þeir kannast við afbrot sín og leita míns auglitis. Þegar að þeim þrengir, munu þeir snúa sér til mín ((*snemma), vantar í íslensku þýðinguna).

Við verðum að leita Drottins þar til við vitum um örlög okkar, þar til við höfum einhvern skilning á því hvers vegna við vorum send á þessa jörð fyrir þennan tíma.

Skilgreindu þinn tilgang

Almenn markmið er aldrei hægt að ná, vertu ákveðin! Það er mikilvægt að vita hvað Guð hefur gefið þér að gera.

Safnaðu úrræðum

Þú þarft að safna þeim úrræðum sem þú þarft til að ná markmiði þínu. Fáðu þá þjálfun sem þú þarft. Undirbúa, undirbúa, undirbúa, hefur Guð kallað þig til að stýra trúarhóp á þessum endatímum? Undirbúið efni, gott efni. Uppskeran sem framundan er mun færa ótal manns inn í Guðs ríkið, auðlindir munu klárast, við munum klára biblíubækur og annað gott efni. Undirbúðu þig núna, Jósef sá hvað var í vændum og bjó sig undir að mæta hallærinu þegar það kom. Hvað sem Guð hefur kallað þig til, verður þú að undirbúa þig núna á meðan þú getur, á meðan tækifæri er til.

Einblíndu á þinn tilgang í lífinu

Fólk gerir mistök sem hafa litla þýðingu önnur hafa miklar afleiðingar, en mundu að öll mistök geta orðið endurlausn, sérhvert tap getur breyst í góðan ávöxt sem mun margfaldast. Snúðu aftur að tilgangi þínum, einbeittu þér aftur og þrýstu á, gleymdu þeim hlutum sem eru að baki.

Fílemonsbréfið 3:13-14

Bræður, ekki tel ég sjálfan mig enn hafa höndlað það. -14- En eitt gjöri ég. Ég gleymi því, sem að baki er, en seilist eftir því, sem framundan er, og keppi þannig að markinu, til verðlaunanna á himnum, sem Guð hefur kallað oss til fyrir Krist Jesú.

Vertu einbeittur og vertu þolinmóður, láttu Guð sýna þér það sem þú þarft til að ná markmiði þínu og tilgangi. Losaðu þig við hluti sem eru ekki mikilvægir fyrir tilgang þinn, hluti sem sóa tíma þínum. Við getum verið svo upptekin að við missum af því mikilvæga, aðskiljum hið góða frá því sem er nauðsynlegt. Það er margt gott sem við getum gert, en þú þarft að einbeita þér að því sem Guð hefur kallað þig til.

Postulasagan 20:24

En mér er líf mitt einskis virði, fái ég aðeins að fullna skeið mitt og þá þjónustu, sem Drottinn Jesús fól mér: Að bera vitni fagnaðarerindinu um Guðs náð.

Umkringdu þig rétta fólkinu, aðskildu þig frá neikvæðu fólk í lífi þínu, aðskildu þig frá öfundsjúku fólki, þú hefur ekki tíma fyrir þessa vitleysu. Vertu manneskja með trú og framtíðarsýn.

Hvers vegna féll skikkjan á Elísa?

Fyrri Konungabók 19:19

Síðan fór Elía þaðan og hitti Elísa Safatsson. Hann var að plægja. Gengu tólf sameyki á undan honum, og sjálfur var hann með hinu tólfta. Þá gekk Elía til hans og lagði skikkju sína yfir hann.

Hann var að plægja með tólf sameyki af nautum, hvers vegna minnist ritningin á þetta? Þetta var alvöru metnaður í plægingu, venjulega plægir þú með tveimur nautum.

Ef Elísa er svona í veraldlegu starfi sínu, hvernig væri hans vinna í Guðs ríkinu, það er krafist metnaðs af heilum hug, mér hefur fundist margir kristnir vera börn þegar kemur að fórnfýsi og sársauka. Ef þú mætir ekki vegna þess að þú ert með slæman höfuðverk, þá vantar þig þrautseygju, áfram með þig!

Ábyrgð, skuldbinding, trúfesti, fólk vill vera trúboðar en mætir ekki í kirkju vegna þess að það er með höfuðverk. Líttu á Pál, gafst hann upp við mótlæti?

Fyrra Tímóteusarbréf 1:12

Ég þakka honum, sem mig styrkan gjörði, Kristi Jesú, Drottni vorum, fyrir það að hann sýndi mér það traust að fela mér þjónustu,

Elísa brenndi brýr sínar á eftir sér. Hann hagræddi lífinu og einblíndi á þá þjónustu sem Guð hafði kallað hann til.

Fyrra Korintubréf 16:13

Vakið, standið stöðugir í trúnni, verið karlmannlegir og styrkir.

Hebreabréfið 6:15

Abraham öðlaðist það, sem Guð hafði heitið honum er hann hafði beðið þess með stöðuglyndi.

Síðara Tímóteusarbréf 4:5

En ver þú algáður í öllu, þol illt, gjör verk trúboða, fullna þjónustu þína.

Guð blessi þig!