Heimahópurinn 13.mars 2025

Í síðasta heimahóp lagði Guð á hjarta mitt að fara í hvað Biblían segir um útvalningu og þá stóru spurningu – Hvar finnum við Guð? Það er mikið að fólki leitandi að tilgangi, Guði, ástæðunni fyrir því að það er hér á þessari jörðu en það veit ekki hvar það á að leita. Biblían sýnir okkur réttu leiðina en því miður eru alltof fáir sem lesa hana í dag og leita svo bara í hvað sem er: næsta hugleiðslunámskeið, yoga, dáleiðslu, miðla og margt annað sem getur haft þau áhrif að fólk verður ennþá týndara og situr uppi með fleiri ósvaraðar spurningar. Ég hvet þig kæri lesandi til að leita hins eina sanna Guðs, skapara himins og jarðar sem heitir Jesús Kristur og sjá hvort þú finnir ekki það sem þú hefur alltaf verið að leita að. Ég get vitnað persónulega um að það var Jesús sem fyllti í mitt tómarúm, bjargaði mér og gefur mér stöðuglega sanna gleði, hamningju og tilgang.

Jerermía 29:13

Og þér munuð leita mín og finna mig. Þegar þér leitið mín af öllu hjarta,

Lúkasarguðspjall 11:9

Og ég segi yður: Biðjið, og yður mun gefast, leitið, og þér munuð finna, knýið á, og fyrir yður mun upp lokið verða.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Heimahópurinn 27.feb 2025

Kennslu síðustu viku getur þú hlustað á hér að ofan en hún var uppörvun til okkar allra að gefast ekki upp og halda áfram. Ég er einmitt að þýða kennslur í SOTK sem fjalla um sama efni og það er mjög gott að minna sig á að þetta líf hér er stutt og í raun reynslutími. Guð er að leita að þeim sem eru heilshugar við Hann. Þeir sem standast prófið, klára keppnina munu fá laun og Biblían talar um þrítugfaldan, sextugfaldan og hundraðfaldan ávöxt. Það er því til mikils að vinna og launin munu fylgja okkur um eilífð. Keppum eins og íþróttamaður sem ætlar að sigra eins og Páll bendir svo skemmtilega á í Fyrra Korintubréfi.

Fyrra Korintubréf 9:25-26

Vitið þér ekki, að þeir, sem keppa á íþróttavelli, hlaupa að sönnu allir, en einn fær sigurlaunin? Hlaupið þannig, að þér hljótið þau. -25- Sérhver, sem tekur þátt í kappleikjum, neitar sér um allt. Þeir sem keppa gjöra það til þess að hljóta forgengilegan sigursveig, en vér óforgengilegan. -26- Þess vegna hleyp ég ekki stefnulaust. Ég berst eins og hnefaleikamaður, sem engin vindhögg slær. -27- Ég leik líkama minn hart og gjöri hann að þræli mínum, til þess að ég, sem hef prédikað fyrir öðrum, skuli ekki sjálfur verða gjörður rækur.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Heimahópurinn 6.feb 2025

Biblían talar um að sæll er sá sem les spádómsorð Opinberunarbókarinnar. Síðasta bókin í Biblíunni er líka sú bók sem gefur okkur sem tilheyrum Kristi mestu vonina. Hún fjallar um það þegar Jesús kemur aftur ásamt sínum heilögu til að taka til baka valdið sem óvinurinn hefur haft og til að binda djöfulinn um 1000 ár. Hún fjallar um brúðkaupsveislu lambsins. Hún fjallar um tíma þar sem réttlæti mun ríkja. Hún fjallar um frelsunarverkið og eilífðina. Þess vegna er hún mín uppáhaldsbók í Biblíunni, því hún segir okkur frá tíma þar sem við munum hitta skapara okkar, föður okkar og frelsara. Þetta er hluti af því sem ég fjalla um í kennslunni. Megi Guð blessa þig þegar þú hlustar og megi kennslan uppörva þig og styrkja í að fara alla leið með Jesú Kristi.

Opinberunarbókin 19:7-9

Gleðjumst og fögnum og gefum honum dýrðina, því að komið er að brúðkaupi lambsins og brúður hans hefur búið sig. -8- Henni var fengið skínandi og hreint lín til að skrýðast í. Línið er réttlætisverk heilagra. -9- Og hann segir við mig: Rita þú: Sælir eru þeir, sem boðnir eru í brúðkaupsveislu lambsins. Og hann segir við mig: Þetta eru hin sönnu orð Guðs.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Heimahópurinn 16.jan 2025

Það var yndislegt að fá lifandi lofgjörð sem hún Tinna og Kristinn leiddu á fimmtudaginn var og þið getið hlustað á áður en kennslan hefst á upptökunni. Í kennslunni fer ég í að það er sannarlega gjald sem hver maður þarf að vera tilbúin að greiða ef hann ætlar að verða lærisveinn Drottins, fá umboð frá Guði til að vinna sömu verk og Jesú og sjá kraft Guðs flæða í gegnum líf sitt.

Lúkasarguðspjall 14:28 & 33

Hver yðar sest ekki fyrst við, ef hann ætlar að reisa turn, og reiknar kostnaðinn, hvort hann eigi nóg til að ljúka verkinu? -29- Ella má svo fara, að hann leggi undirstöðu, en fái ekki við lokið, og allir, sem það sjá, taki að spotta hann -30- og segja: Þessi maður fór að byggja, en gat ekki lokið. -33- Þannig getur enginn yðar verið lærisveinn minn, nema hann segi skilið við allt sem hann á.

Við hjálpræðið bætum við engu sem er gjöf frá Guði og engin mun geta miklast af verkum sínum tengt því. Það er aðeins fyrir hina fullkomnu fórn Jesú Krists sem við getum orðið hólpin. Það er hinsvegar munur á því að vera hólpinn og að sigra okkar kirkjuöld og það er munur á launum á himnum. Biblían talar um hundraðfaldan, sextugfaldan og þrítugfaldan ávöxt. Það hvað við gerum með líf okkar hér á jörðunni ákvarðar launin sem við fáum á himnum.

Opbinberunarbókin 22:12

Sjá, ég kem skjótt, og launin hef ég með mér, til að gjalda hverjum og einum eins og verk hans er.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Fyrsta upptaka ársins 2025

Drottinn er að kalla alla þá sem vilja inn í nánara persónulegt samband við sig. Það er mín einlæg trú að við séum á síðustu tímum og að Drottinn er að segja við okkur “Já, ég kem skjótt“.

Það er ekki tilviljun að þú sér á lífi í dag. Þú hefur hlutverk, köllun og verk að vinna í Guðs ríkinu eins og við fórum yfir síðast í kennslunni “Trúin er dauð á verka”. Leiðin að því að ganga með Jesú í víngarðinum(þjóna með honum á akrinum) er að taka sig frá í helgun, hlýðni, bæn og föstu.

Ljóð 7:12

Við skulum fara snemma upp í víngarðana, sjá, hvort vínviðurinn er farinn að bruma, hvort blómin eru farin að ljúkast upp, hvort granateplatrén eru farin að blómgast. Þar vil ég gefa þér ást mína.

Opinberunarbókin 22:17 & 20

-17- Og andinn og brúðurin segja: Kom þú! Og sá sem heyrir segi: Kom þú! Og sá sem þyrstur er, hann komi. Hver sem vill, hann fær ókeypis lífsins vatn. -20- Sá sem þetta vottar segir: Já, ég kem skjótt. Amen. Kom þú, Drottinn Jesús! -21- Náðin Drottins Jesú sé með öllum.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.

Upptaka þann 26.desember 2024

Síðasta kennslan á árinu 2024 er komin hér á hljóðformi. Þetta er í raun samantekt og niðurlag á því sem við erum búin að vera að leggja áherslu á í desember. Áhersla á helgun, bæn og föstu til að gera okkur tilbúin fyrir nýtt tímabil og staðsetja okkur frammi fyrir Guði í auðmýkt, iðrun og kærleika. Við erum kölluð til þjónustu í ríki Guðs, okkur einu og sérhverju hefur verið gefið talentur til að ávaxta fyrir Drottinn með einum eða öðrum hætti. Það eru ekki allir kallaðir í sömu hlutverk, það eru ekki allir kallaðir til að tala yfir stórum hópum, eða ferðast um heiminn í trúboði, en það geta allir gefið af fjármunum sínum inn í slík störf, líkt og fólk gerði í Postulasögunni. Öll hlutverk í líkamanum eru mikilvæg. Allir geta blessað eða hjálpað til með einhverjum hætti í þjónustu Drottins og þannig fengið hlutdeild í uppskerunni. Sjáum hvað Jakob segir okkur um hreina guðrækni, og svo setti ég inn nokkur vers hér fyrir neðan úr kennslunni. En minni einnig á að hægt er að sækja punktana á PDF með því að smella á hnappinn hér fyrir neðan.

Jakobsbréfið 1:27

Hrein og flekklaus guðrækni fyrir Guði og föður er þetta, að vitja munaðarlausra og ekkna í þrengingu þeirra og varðveita sjálfan sig óflekkaðan af heiminum.

Efesusbréfið 2:10

Vér erum smíð Guðs, skapaðir í Kristi Jesú til góðra verka, sem hann hefur áður fyrirbúið, til þess að vér skyldum leggja stund á þau.

Fyrra Jóhannesarbréf 3:17-18

Ef sá, sem hefur heimsins gæði, horfir á bróður sinn vera þurfandi og lýkur aftur hjarta sínu fyrir honum, hvernig getur kærleikur til Guðs verið stöðugur í honum? -18- Börnin mín, elskum ekki með tómum orðum, heldur í verki og sannleika.

Matteusarguðspjall 10:8

Læknið sjúka, vekið upp dauða, hreinsið líkþráa, rekið út illa anda. Gefins hafið þér fengið, gefins skuluð þér láta í té.

Jóhannesarguðspjall 14:12

Sannlega, sannlega segi ég yður: Sá sem trúir á mig, mun einnig gjöra þau verk, sem ég gjöri. Og hann mun gjöra meiri verk en þau, því ég fer til föðurins.

Guð blessi þig!

Ef þig langar að prufa að koma í heimahópinn okkar þá ertu hjartanlega velkomin. Við hittumst á Borg í Grímsnesi klukkan 19:15 alla fimmtudaga. Hafðu samband til að fá nánari upplýsingar um heimilsfang og mögulegt far með trúsystkinum ef þú ert til dæmis Í Reykjavík eða nágrenni.

Hebreabréfið 10:25

Vanrækið ekki safnaðarsamkomur yðar eins og sumra er siður, heldur uppörvið hver annan, og það því fremur sem þér sjáið að dagurinn færist nær.