SOTK – Vísdómur 5.hluti

SOTK – Vísdómur 5.hluti

by | Sep 18, 2024 | SOTK-4

Fjórði stólpi viskunnar “Sáttgjörn”

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

SÁTTGJÖRN: Gríska orðið fyrir „sáttgjörn“ kemur frá Strong’s G2095 og G3982; gott til sannfæringar, það er, (óbeint) samvinnufúst: – einfalt að færa rök fyrir.

Í einföldu máli þýðir þessi setning: Auðvelt að nálgast eða auðvelt að tala við vegna þess að viðkomandi er blíður og opinn. Viðkomandi er opinn og á auðvelt með að taka/veita leiðsögn.

Fyrst og fremst er þetta afstaða gagnvart Guði

Guð vill fólk sem er auðvelt að vinna með, fólk sem mun ekki rífast við hann.

Hlýðni er eitt af því sem Guð krefst mest af okkur

Í fyrri Samúelsbók 15. kafla sagði Guð við konunginn Sál að útrýma Amalekítunum ásamt öllu þeirra fé. Sál sigraði Amalekítana en fékk þá góða hugmynd að halda hluta af fénu til að fórna Guði.

Það virtist vera góð hugmynd, mjög rökrétt fyrir Sál

Fyrri Samúelsbók 15:9-14 & 22-23

Þó þyrmdi Sál og fólkið Agag og bestu sauðunum og nautunum, öldu og feitu skepnunum, og öllu því, sem vænt var, og vildu ekki bannfæra það. En allt það af fénaðinum, sem var lélegt og rýrt, bannfærðu þeir. -10- Þá kom orð Drottins til Samúels svohljóðandi: -11- Mig iðrar þess, að ég gjörði Sál að konungi, því að hann hefir snúið baki við mér og eigi framkvæmt boð mín. Þá reiddist Samúel og hrópaði til Drottins alla nóttina. -12- Og Samúel lagði snemma af stað næsta morgun til þess að hitta Sál. Og Samúel var sagt svo frá: Sál er kominn til Karmel, og sjá, hann hefir reist sér minnismerki. Því næst sneri hann við og hélt áfram og er farinn ofan til Gilgal. -13- Þegar Samúel kom til Sáls, mælti Sál til hans: Blessaður sért þú af Drottni, ég hefi framkvæmt boð Drottins. -14- En Samúel mælti: Hvaða sauðajarmur er það þá, sem ómar í eyru mér, og hvaða nautaöskur er það, sem ég heyri?

-22- Samúel mælti: Hefir þá Drottinn eins mikla velþóknun á brennifórnum og sláturfórnum eins og á hlýðni við boð sín? Nei, hlýðni er betri en fórn, gaumgæfni betri en feiti hrútanna. -23- Þrjóska er ekki betri en galdrasynd, og þvermóðska er ekki betri en hjáguðadýrkun og húsgoð. Af því að þú hefir hafnað skipun Drottins, þá hefir hann og hafnað þér og svipt þig konungdómi.

GUÐ VILDI SKILYRÐISLAUSA HLÝÐNI

Guð vill fólk sem er auðvelt að gefa skipanir, auðvelt að vinna með, auðvelt að færa rök fyrir. Sál var stöðugt drifinn áfram af ótta sem gerði honum erfitt fyrir að hlýða Guði.

ABRAHAM AFTUR Á MÓTI: Var auðvelt að vinna með og varð hann þannig vinur Guðs og Guð deildi speki sinni með honum.

Það er áhugavert að taka eftir því að þegar Guð talaði við Abraham um umskurn í Fyrstu Mósebók 17. kafla var Guð að gera sáttmála við Abraham og gaf umskurnina sem tákn til að innsigla hann.

Guð var mjög nákvæmur í leiðbeiningum sínum

Fyrsta Mósebók 17:10 & 12

-10- Þetta er minn sáttmáli, sem þér skuluð halda, milli mín og yðar og niðja þinna eftir þig: Allt karlkyn meðal yðar skal umskera.

-12- Átta daga gömul skal öll sveinbörn umskera meðal yðar, ættlið eftir ættlið, bæði þau, er heima eru fædd, og eins hin, sem keypt eru verði af einhverjum útlendingi, er eigi er af þínum ættlegg.

Sérstaklega á 8. degi: Abraham hefði getað haft þá afstöðu að minna en það sem Guð krafðist væri í lagi. Hann hefði getað sagt að 6. dagur væri þægilegri eða 7., það myndi ekki skipta máli. En Guð sagði 8. daginn og útskýrði ekki hvers vegna. Það sem Abraham vissi ekki var að blóðstorkuefni myndast ekki í blóði barns fyrr en á 8. degi; mörg börn hefðu getað blætt út ef þau hefðu verið umskorin fyrir þann dag.

Ég hef heyrt kristna segja: „Ég þarf að skilja áður en ég get hlýtt Guði,“ en ef það væri satt þyrfti ekki trú. Guð vill fólk sem er auðvelt að færa rök fyrir, sem mun hlýða honum án deilna, mótstöðu eða afsökunar. Það er alltaf viturlegt að hlýða, og til að geta hlýtt án þess að efast þarf þessi eiginleiki, þessi stoð eða grunnur að vera festur í hjörtum okkar. Það er alltaf viturlegt að hlýða Guði, jafnvel þótt þú skiljir ekki hvers vegna; það gæti bjargað lífi þínu á síðustu tímum.

Annað sjónarmið er hið mannlega sjónarmið

Sumt fólk er mjög erfitt að vinna með, það andmælir öllu og er ekki auðvelt að rökræða við. Ef þú getur ekki tekið við skipunum og hlýtt í veraldlega lífinu, munt þú eiga í miklum vandræðum með að hlýða Guði.

Orðskviðirnir 18:6

Varir heimskingjans valda deilum, og munnur hans kallar á högg.

Orðskviðirnir 13:1

Vitur sonur hlýðir umvöndun föður síns, en spottarinn sinnir engum átölum.

Faðir getur átt við hvern sem er yfir þér.

Vandamálið með lýðræði er að oft vill hver og einn vera höfðingi en ekki indíáni. Fólk Guðs þarf að læra að vinna saman. Guðsríkið er ekki lýðræði. Við þurfum öll að vinna undir einhvers konar valdi.

Uppreisn lokar þig frá visku Guðs og er form galdra þar sem hún leiðir til þess að einstaklingur reynir að stjórna til að ná sínu fram. Andi stjórnunar er form galdra (witchcaft).

Að vera „sáttgjarn eða sáttgjörn“ merkir að gera það sem þú ert beðinn um. Það er svo hressandi þegar auðvelt að tala við og vinna með manneskju.

EKKI DEILUGJARN: Auðvelt að vinna með, fólk sem þykist ekki vita allt og vera sérfræðingar í öllu. Sumt fólk er svo fast í skoðunum sínum að það er erfitt að vinna með þeim.

Við þurfum öll sanna auðmýkt með blíðum anda sem á aðvelt með að taka leiðsögn

Jóhannesarguðspjall 14:21

Sá sem hefur boðorð mín og heldur þau, hann er sá sem elskar mig. En sá sem elskar mig, mun elskaður verða af föður mínum, og ég mun elska hann og birta honum sjálfan mig.

Guð kenndi Abraham skilyrðislausa hlýðni, eftir það gat Hann orðið vinur hans og deilt visku sinni með honum.

Jóhannesarguðspjall 15:15

Ég kalla yður ekki framar þjóna, því þjónninn veit ekki, hvað herra hans gjörir. En ég kalla yður vini, því ég hef kunngjört yður allt, sem ég heyrði af föður mínum.

Hjartafarslegt ástand skilyrðislausrar hlýðni setur þig í stöðu til að taka á móti visku Guðs án þess að spilla hreinleika hennar. Þetta er stólpi sem þarf að vera á sínum stað.

Þú gætir spurt: Hvað ef ég er að vinna undir valdi sem er óhæft og heimskulegt? Þá ættir þú að yfirgefa teymið með réttu hugarfari, en vertu viss um að þú sért ekki vandamálið. Leitaðu Drottins og hlýddu honum.

Guð blessi þig!

Helgun & Friður

Helgun & Friður

by | Sep 15, 2024 | Greinar

Verið minnugir leiðtoga yðar, sem Guðs orð hafa til yðar talað. Virðið fyrir yður, hvernig ævi þeirra lauk, og líkið eftir trú þeirra. Jesús Kristur er í gær og í dag hinn sami og um aldir. Heb 13-7-8

Virðið fyrir yður ævi þeirra sem á undan fóru og líkið eftir trú þeirra – Hvers vegna legg ég svo mikla áherslu á þetta?

Það er fátt sem sýnir betur hvernig hægt er að upplifa Guð og kraft hans en frásögur af lífi og afrekum þeirra sem á undan okkur fóru. Þessir vitnisburðir sýna berlega hvernig lífi þessar hetjur lifðu. Kærleikinn, helgunin, trúfestin og hugrekkið sem þau sýndu til að lifa í vilja Guðs, stöðug fórn fyrir Guð og menn.

Líf manna eins og William Branham, John G.Lake, Smith Wigglesworth og kvenna eins og Kathryn Kuhlman, Maria Woodworth Etter, Aimee Semple McPherson nær okkar tíð, en svo að sjálfsögðu lærisveinarnir og postularnir þar sem líf Jesús Krists er undirstaða okkar allra. Ég get nefnt marga aðra sem hafa haft mikil áhrif á mig en þessar fyrst nefndu trúahetjur hér að ofan eru líklega með þeim þekktari sem voru uppi á síðustu öld. Þekkir þú líf þeirra og ertu að líkja eftir trú þeirra?

Til eftirbreytni

Ég er viss um að ef þessir vitnisburðir, þessar sögur um samfélag manna við Guð væri þekktar meðal fólks í dag, væri staðan ekki eins slæm og hún er andlega. Það virðist vera að djöflinum hafi tekist að einhverju leiti að hylja yfir þessa vitnisburði með illum orðrómi og öðrum brögðum, þannig að sú arfleifð sem okkar kynslóð átti að erfa er oss hulinn og gleymd. Það er óskiljanlegt að þessar sögur skulu vera að mestu leiti óþekktar og ókenndar í kirkjum og söfnuðum heimsins. Við höfum þó enn tækifæri til þess að gera betur.

Þetta eru sterkar fyrirmyndir eins og persónur Biblíunnar. Í þessu tilfelli er sagan nær okkur og heimildirnar ekki svo ýkja gamlar. Það ætti að gefa okkur öllum von um að með réttri Guðsdýrkun og helgun er enn möguleiki á að sjá kraft Guðs starfa kröftuglega á meðal okkar.

Það krefst hugrekkis að vitna fyrir öðrum og að vera öðruvísi. Það eru nýleg dæmi sem sýna það að ef einhver minnist á eitthvað sem ekki er vinsælt í heiminum, flæðir yfir viðkomandi árásir og ofsóknir. Engan ætti að undra, lærisveinarnir gengu í gegnum nákvæmlega það sama og gáfu flestir á endanum líf sitt fyrir að segja sannleikann.

Helgun og friður

Það er á hreinu að það er engin leið fyrir okkur að verða eins og þær fyrirmyndir sem ég nefndi áðan, án Krists. Það var einmitt sú opinberun sem knúði allt þetta fólk til þess að leita Guðs af öllu hjarta og ávöxturinn af því var sannur friður.

Ég er að lesa klassíska kristna bók sem heitir, The Pursuit of God, eða Leitin að Guði – eftir A.W. Tozer sem var uppi á síðustu öld. Hún fjallar meðal annars um helgun og hvernig við finnum vilja Guðs.

A.W. Tozer (1897-1963) skrifar í inngangi bókarinnar. Sannur sálarfriður, ávöxtur þeirra sem raunverulega leita Guðs, er sjaldséður hjá Kristnum í dag (skrifað snemma á 20 öldinni). Allt of margir hafa sæst á að ófriður sé hluti af raunveruleikanum og hafa hætt að leita Guðs af öllu hjarta.

Jóh 14:27

Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist.

Það er raunverulegur friður í boði í dag og hann finnur þú aðeins í Guði.

Friður er hugafar og í Kristi er eilífur friður og sálarró. Hvað sem á dynur í heiminum, þínu lífi eða í þinni þjóð. Ef þú leitar Guðs raunverulega af öllu hjarta, alla daga og átt persónulegt samfélag við Hann. Þá á ekki einu sinni ótti við dauðann að hafa áhrif á þig.

Helgun er sú leið sem allir þufa að fara!

Það er sorgleg staðreynd að maðurinn hefur snúið sér frá því að dýrka skapara sinn yfir í það að dýrka hið skapaða. Eftirsókn eftir hlutum er djúp þrá sem flestir stjórnast af í dag, útlitsdýrkun, stöðudýrkun og svo mætti lengi telja. Hvað segir Jesús um allt þetta?

Matt 16:25

Því að hver sem vill bjarga lífi sínu, mun týna því, og hver sem týnir lífi sínu mín vegna, mun finna það.
Fyrir þá sem vilja komast nær Guði

Jesús sagði sá sem vill fylgja mér afneiti sjálfum sér! Ef við náum að gjörsigra alla eftirsókn eftir vindi og dauðum hlutum, sem engin tekur með sér eftir að þessu lífi lýkur. Þá finnum við raunverulega lífið og öðlumst raunverulegan frið.

Vers um Helgun

Róm 12:1-2

Því brýni ég yður, bræður, að þér, vegna miskunnar Guðs, bjóðið fram sjálfa yður að lifandi, heilagri, Guði þóknanlegri fórn. Það er sönn og rétt guðsdýrkun af yðar hendi. -2- Hegðið yður eigi eftir öld þessari, heldur takið háttaskipti með endurnýjung hugarfarsins, svo að þér fáið að reyna, hver sé vilji Guðs, hið góða, fagra og fullkomna.

Kól 3:1-2

Fyrst þér því eruð uppvaktir með Kristi, þá keppist eftir því, sem er hið efra, þar sem Kristur situr við hægri hönd Guðs. -2- Hugsið um það, sem er hið efra, en ekki um það, sem á jörðinni er.

Heb 12:14

Stundið frið við alla menn og helgun, því að án hennar fær enginn Drottin litið.

1. Þess 4:7

Ekki kallaði Guð oss til saurlifnaðar, heldur helgunar.

2. Kor 7:1

Þar eð vér því höfum þessi fyrirheit, elskaðir, þá hreinsum oss af allri saurgun á líkama og sál og fullkomnum helgun vora í guðsótta.

Heb 12:10

Feður vorir öguðu oss um fáa daga, eftir því sem þeim leist, en oss til gagns agar hann oss, svo að vér fáum hlutdeild í heilagleika hans.

Guð er heilagur og til þess að finna Hann þá þurfum við að vera heilög. Tökum eitt skref í einu og biðjum Guð að sýna okkur hvað við getum gert til þess að vinna þennan sigur sem allir menn þurfa að vinna vilji þeir finna Guð.

Látum Orð Guðs tala til okkar og verum ekki aðeins áheyrendur, heldur gerendur og tökum háttaskipti hugarfarsins. Helgum okkur af öllu hjarta og sigrum þessa öld eins og trúarhetjurnar gerðu á öldum áður.

Náð Guðs veri með yður.

—

“To be in Christ – that is redemption; but for Christ to be in you – that is sanctification!”
― W. Ian Thomas

SOTK – Vísdómur 4.hluti

SOTK – Vísdómur 4.hluti

by | Sep 9, 2024 | SOTK-4

Þriðji stólpi viskunnar “Ljúfleg”

Við höfum verið að vinna með Jakobsbréfið og Orðskviðina. Í 9. kafla í Orðskviðunum er talað um sjö súlur viskunnar og í Jakobsbréfi, 3. kafla, eru þessar sjö súlur taldar upp.

Við höfum komist að þeirri niðurstöðu að við þurfum hreinar hjartahvatir til að geta túlkað það sem Guð segir án þess að það litist af óhreinleika í hjarta okkar. Þessar sjö súlur eru innri hjartastöður sem þurfa að vera til staðar til að við getum heyrt og túlkað rétt það sem Guð er að segja okkur.

Innsýn inn í raunverulegt eðli hluta

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Orðið „ljúfleg“ hér er mjög áhugavert orð á grísku; „epieikes“, það þýðir bókstaflega að passa eða vera viðeigandi. Eins og þegar maður segir „það er ekki viðeigandi að gera þetta“. Þýðendur notuðu þetta gamla enska orð til að skýra merkingu gríska orðsins.

Það kemur frá hugmyndinni um að reyna ekki að setja hringlaga prjón í ferkantað gat, það passar ekki. Það hefur þá merkingu að þvinga ekki fram aðstæður, vera mildur við þær, þetta mun ekki passa.

Báðir W.E. Vine og E. W. Bullinger, sem voru fræðimenn í grísku, segja að þetta orð hafi einnig þá merkingu að vera ekki staðfastur á bókstaf lögmálsins.

Að krefjast ekki réttar síns; að láta af rétti sínum í ljúflegum anda.

Ég er ekki að tala um að gera málamiðlanir á sannleikanum, heldur að vera vitur og sjá andann í málinu fremur en bókstafinn.

Sumir munu aldrei sjá þitt sjónarhorn, ekki reyna að þröngva þínum hringlaga prjóni í þeirra ferkantaða gat, það er ekki viturlegt; þegar öllu er á botninn hvolft getur alveg verið í myndinni að þú hafir rangt fyrir þér.

Að krefjast ekki bókstaf lögmálsins

Andi lögmálsins tekur alltaf mið af hvatanum. Skækjan sem faldi hebresku njósnarana og laug síðan að óvininum um það, fékk mikil laun þrátt fyrir að hafa brotið lögmálið.

Jósuabók 2:1-4

Jósúa Núnsson sendi tvo njósnarmenn leynilega frá Sittím og sagði: Farið og skoðið landið og Jeríkó! Þeir fóru og komu í hús portkonu einnar, er Rahab hét, og tóku sér þar gistingu. -2- Konunginum í Jeríkó var sagt: Sjá, hingað komu menn nokkrir í kveld af Ísraelsmönnum til þess að kanna landið. -3- Sendi þá konungurinn í Jeríkó til Rahab og lét segja henni: Sel fram mennina, sem til þín eru komnir, þá er komnir eru í hús þitt, því að þeir eru komnir til þess að kanna allt landið. -4- En konan tók mennina báða og leyndi þeim. Og hún sagði: Satt er það, menn komu til mín, en eigi vissi ég hvaðan þeir voru. (Hún var ekki heiðarleg)

Er rangt að ljúga? Já, en ef þú lýgur til að bjarga lífi, þá yfirbugar hvatinn bókstafinn í lögmálinu og andi lögmálsins sigrar.

Andstæða þessa orðs, ljúfleg, er að vera þrætugjarn

Lítum á þetta í lífi Ísaks:

Fyrsta Mósebók 26:18-20

Og Ísak lét aftur grafa upp brunnana, sem þeir höfðu grafið á dögum Abrahams föður hans og Filistar höfðu aftur byrgt eftir dauða Abrahams, og gaf þeim hin sömu heiti sem faðir hans hafði gefið þeim. 19- Þrælar Ísaks grófu í dalnum og fundu þar brunn lifandi vatns. -20- En fjárhirðar í Gerar deildu við fjárhirða Ísaks og sögðu: Vér eigum vatnið. Og hann nefndi brunninn Esek, af því að þeir höfðu þráttað við hann.

Þessir brunnar tilheyrðu Ísaki með réttu, en þegar hann gróf þá upp á nýjan leik, deildu hirðar Gerar við hann um brunninn. Ísak nefndi brunninn Esek, sem á hebresku þýðir „deila“.

Ísak gaf hann frá sér, fullkomið dæmi um orðið „ljúfleg“ sem við erum að rannsaka

Fyrsta Mósebók 26:21-22

Þá grófu þeir annan brunn, en deildu einnig um hann, og hann nefndi hann Sitna. -22- Eftir það fór hann þaðan og gróf enn brunn. En um hann deildu þeir ekki, og hann nefndi hann Rehóbót og sagði: Nú hefir Drottinn rýmkað um oss, svo að vér megum vaxa í landinu.

Var Ísak vitur þegar hann neitaði að krefjast réttar síns? Já, því að þá gat Guð unnið fyrir hann og veitt honum miklu meira en það sem hann missti.

Fyrirmyndin í Jesú

Jesaja 53:7

Hann var hrjáður, en hann lítillætti sig og lauk eigi upp munni sínum. Eins og lamb, sem leitt er til slátrunar, og eins og sauður þegir fyrir þeim, er klippa hann, lauk hann eigi upp munni sínum. Hinir hógværu erfa alltaf.

Að þrýsta á að setja hringlaga prjón í ferkantað gat er alltaf ÓVITURLEGT, það passar ekki.

Foreldrar gera þetta oft við börnin sín, og það er mjög óviturlegt. Sumar foreldrar eiga eitt barn sem er mjög námsfúst og annað barn sem er mjög listrænt eða skapandi.

Þrýstu ekki á listrænt, skapandi barn að fara á starfsvettvang þar sem það passar ekki. Starfsferill barnsins ætti að fylgja þeim hæfileikum og gjöfum sem Guð gaf því.

Stundum vilja foreldrar lifa lífi sínu aftur í gegnum börnin sín, oft vegna þess að þeir misstu af einhverju sem þeir vildu gera, en að þrýsta þeim inn á starfsferil sem Guð ætlaði þeim aldrei til að fullnægja eigingjörnum óuppfylltum metnaði þínum er EKKI VIÐEIGANDI.

Viskan sem kemur að ofan kemur í gegnum ker sem hefur dáið sjálfu sér; er ekki að fara að krefjast þess sem það vill. AÐ LÁTA AF RÉTTI OKKAR er grundvallaratriði sannrar kristni.

Orðskviðirnir 13:10

Með hroka vekja menn aðeins þrætur, en hjá ráðþægnum mönnum er viska.

Aðeins af hroka, vanhæfni til að gefa eftir og sleppa, heldur deilan áfram, en fyrir þá ráðvitu er sönn viska að gefa eftir.

Ráðvitur á hebresku „ya’ats:H3289. Að taka ráðlegginum Guðs er viska.

Lesandi athugi að þegar við tölum um að gefa eftir, þá erum við EKKI að tala um að gefa eftir fyrir djöflinum, við erum í andlegu stríði sem við verðum að berjast, en stríð okkar er aldrei við fólk.

Efesusbréfið 6:12

Því að baráttan, sem vér eigum í, er ekki við menn af holdi og blóði, heldur við tignirnar og völdin, við heimsdrottna þessa myrkurs, við andaverur vonskunnar í himingeimnum.

Lítum á hvað bók viskunnar segir

Orðskviðirnir 15:1

Mjúklegt andsvar stöðvar bræði, en meiðandi orð vekur reiði.

Orðskviðirnir 18:6

Varir heimskingjans valda deilum, og munnur hans kallar á högg.

Að leiða til deilu, og þú ert heimskur; Guð segir það.

Orðskviðirnir 25:15

Með þolinmæði verður höfðingja talið hughvarf, og mjúk tunga mylur bein.

Orðskviðirnir 26:17

Sá, sem kemst í æsing út af deilu, sem honum kemur ekki við, hann er eins og sá, sem tekur um eyrun á hundi, er hleypur fram hjá.

Ekki skipta þér af illdeilum: Forðastu þær. Hugsaðu um þín mál.

Jakobsbréf 3:17

Sú speki kemur ekki að ofan, heldur er hún jarðnesk, andlaus, djöfulleg.-16- Því hvar sem ofsi og eigingirni er, þar er óstjórn og hvers kyns böl.

Ljúfleg: Það sem passar þvingar ekki hluti.

Hvað gerði Davíð konung mikinn?

Síðari Samúelsbók 22:36

Þú gafst mér skjöld hjálpræðis þíns, og lítillæti þitt gjörði mig mikinn.

Skoðum þessa andstæðu í lífi Davíðs. Hann var stríðsmaður og kunni að berjast við óvini sína. En það var hógværð hans sem gerði hann stóran. Guð hafði smurt hann sem konung fyrir Samúel, og Sá hafði verið hafnað af Guði.

Nú stóð Davíð frammi fyrir tímabili þar sem Guð prófaði innri eiginleika hans

Sál reyndi að drepa hann, þrátt fyrir að Davíð hefði verið útvalinn sem konungur. Guð lét Davíð lenda í aðstæðum þar sem innri eiginleikar hans yrðu prófaðir. Hann var í aðstöðu til að drepa Sál en valdi að gera það ekki, þar sem hann vissi að það væri ekki rétt að gera það.

Hógværð hans gerði hann stóran í augum Guðs og manna.

Fyrri Samúelsbók 24:4-6

Þá sögðu menn Davíðs við hann: Nú er dagurinn kominn, sá er Drottinn talaði um við þig: Sjá, ég mun gefa óvin þinn í hendur þér, svo að þú getir við hann gjört það, er þér vel líkar. Og Davíð stóð upp og sneið leynilega lafið af skikkju Sáls. -5- En eftir á sló samviskan Davíð, að hann hafði sniðið lafið af skikkju Sáls. -6- Og hann sagði við menn sína: Drottinn láti það vera fjarri mér, að ég gjöri slíkt við herra minn, Drottins smurða, að ég leggi hönd á hann, því að Drottins smurði er hann.

Það var ekki viðeigandi fyrir Davíð að drepa Sál; þessi innri eiginleiki Davíðs gerði hann mikinn í augum Guðs og manna.

Þess vegna gat hann sagt: Þín mildi hefur gert mig mikinn

Þessi andstæða er sýnd í Sálmi 18.

Sálmarnir 18:35

Hann sem æfir hendur mínar til hernaðar, svo að armar mínir benda eirbogann.

Guð kenndi Davíð að heyja stríð, en það var mildi hans sem gerði hann mikinn

Ég lærði fyrir löngu síðan: Ef þú berst til að réttlæta sjálfan þig, þá hættir Guð að starfa fyrir þig. Ef þú reynir að sanna að þú hafir rétt fyrir þér, mun Guð ekki réttlæta þig; hann mun láta þig vera með þínum eigin ráðum.

ÁGREININGUR: Þú verður að forðast hann.

Jakobsbréf 3:14-16

En ef þér hafið beiskan ofsa og eigingirni í hjarta yðar, þá stærið yður ekki og ljúgið ekki gegn sannleikanum.
(Ef þú ert með ofsa og eigingirni í hjarta kemur þín viska ekki að ofan heldur að neðan frá Helju) -15- Sú speki kemur ekki að ofan, heldur er hún jarðnesk, andlaus, djöfulleg. -16- Því hvar sem ofsi og eigingirni er, þar er óstjórn og hvers kyns böl.

Þetta mengar visku Guðs þegar hún kemur til þín. Þú túlkar hana í ljósi ástands þíns eigin hjarta.

Jakobsbréf 3:14-16

Auðmýkið yður fyrir Drottni og hann mun upphefja yður.

Þessi stoð sem er ein af undirstöðum viskunnar verður að vera lögð í líf þitt.

Guð blessi þig!

Guðleg ást í verki — Sönnun andlegs lífs

Guðleg ást í verki — Sönnun andlegs lífs

by | Aug 11, 2024 | Greinar

Guðleg ást í verk - Sönnun andlegs lífs

by Sigurður Júlíusson les | 11.feb 2025

Fyrsta Jóhannesarbréf 3:14

Vér vitum, að vér erum komnir yfir frá dauðanum til lífsins, af því að vér elskum bræður vora. Sá sem ekki elskar er áfram í dauðanum.

Grunnurinn að raunverulegu andlegu lífi

Guðleg ást er æðsta sönnun þess að andlegt líf sé raunverulegt. Þessi ást, sem streymir beint frá eðli Guðs, birtist ekki einungis í tilfinningum eða trúarlegum skyldum heldur í raunverulegum og umbreytandi (lífsbreytandi) gjörðum. Þegar þessi ást er sýnd og er að verki í lífi trúaðra, verður hinn ósýnilegi veruleiki andlegs lífs sýnilegur og veitir áþreifanlegar sannanir um guðlega umbreytingu.

Hugleiddu orð Jóhannesar sem töluð voru með öryggi: „Vér vitum, að vér erum komnir yfir frá dauðanum til lífsins,“ Þessi ást kemur ekki af mannsins eigin mætti, með því að fylgja trúarlegum reglum eða með réttri kenningu. Hún opinberast í því að sýna ást Guðs á praktískan hátt. Þessi ást sprettur ekki upp úr okkar eigin viðleitni eða tilfinningum – hún á upptök sín í lífi Guðs sem streymir í gegnum ker sem hafa gefið sig undir Hann. Þetta veitir ótvíræðar sannanir um andlega umbreytingu og markar muninn á trúrækni og að eiga raunverulega líf Hans í okkur.

Að lifa í Kristi: Uppspretta kærleikans

Þessi guðlegi kærleikur á rætur sínar í því að við dveljum í Kristi og höldum tengslum við líf Hans. Gríska orðið menō þýðir „að búa stöðugt“ og opinberar að ekta andlegt líf birtist ekki í einstaka trúarlegum athöfnum heldur í stöðugu samfélagi og einingu við Krist.

„Hver sem er stöðugur í honum syndgar ekki,“ (1. Jóh. 3:6), og þessi orð leggja áherslu á að sönn fylgd við Krist frelsar okkur undan valdi og yfirráðum syndarinnar.

Sönn kristni sprettur af stöðugu sambandi við Krist, ekki af trúarlegri frammistöðu. Dæmi Kains í Ritningunni sýnir þetta—þótt trúarleg fórn hans hafi verið rétt að ytra útliti, kom hún ekki frá skilningi á hjarta Guðs og sönnum löngunum Hans. Kain skorti opinberun og skilning sem aðeins fæst í nánu og persónulegu samfélagi við Guð og með því að upplifa kærleika Guðs.

Margar trúarlegar athafnir er hægt að framkvæma án þess að hjartað sé í raun tengt kærleika Guðs og án réttrar þekkingar á Kristi. Einungis þeir sem „dvelja í Honum“ geta með sanni tjáð kærleika Hans.

Birtingin á kærleika Guðs

Biblíulegar tegundir kærleika:

Hlýlegur kærleikur (phileō)

  • Nær yfir mismunandi tjáningar mannlegs kærleika, sambanda og nánd—þar með talið djúpa hlýju, persónulega tengingu og tilfinningalegan kærleika.
  • Innifelur bróðurlegan kærleika, sem er djúp, innileg ást milli vina og andlegrar fjölskyldu, sem vex í gegnum sameiginlega reynslu, traust og skuldbindingu.
  • Þessi kærleikur er gagnkvæmur, hann bregst við ást annarra og getur verið mjög háður því hvernig aðrir koma fram við okkur.

Guðlegur kærleikur (agapē)

  • Hæsta form kærleika í Nýja testamentinu.
  • Streymir beint frá eðli Guðs og birtist sem óeigingjarn, takmarkalaus, skilyrðislaus og fórnfús kærleikur.
  • Guðlegur kærleikur virkar sjálfstætt án þess að búast við neinu í staðinn, óháð viðbrögðum annarra eða gagnkvæmni.
  • Hann er einnig fyrirmynd þess kærleika sem trúaðir eru kallaðir til að hafa hver til annars.
  • Þessi kærleikur byggist ekki á tilfinningum heldur á meðvituðu vali um að starfa í þágu annarra og endurspeglar eðli Guðs.

Meðan mannlegur kærleikur byggist á verðskuldun, flæðir guðlegur kærleikur frá persónu og eðli Guðs. Meðan náttúrulegur kærleikur sveiflast eftir aðstæðum, er guðlegur kærleikur stöðugur í hverju tímabili lífsins. Þessi æðri ást birtist ekki aðeins í mannlegri góðvild heldur í guðlegu eðli sem nær út fyrir náttúrulega getu til að sýna yfirnáttúrulega náð.

Hagnýt birting guðlegs kærleika birtist fyrst í andlegri skynjun—í því hvernig við lítum á aðra. Þeir sem eru fylltir af þessum kærleika byrja að sjá aðra með augum himnaríkis, eins og Guð sér, og horfa handan yfirborðsins til að skynja hin eilífu verðmæti hverrar sálar. Þessi umbreytta sýn leiðir eðlilega til umbreyttra gjörða, þar sem guðlegur kærleikur knýr fólk til að sýna kærleika með áþreifanlegum hætti.

Hlutverk kærleikans í einingu

Guðlegur kærleikur skapar ekta andlega einingu. Hann nær yfir skipulagslega samstöðu eða samkomulag um kenningar, hann leiðir til raunverulegs samfélags meðal trúaðra. Hann birtist í raunverulegri umhyggju og fer lengra en einungis tilfinningar – hann verður að virkum stuðningi. Þeir sem sýna guðlegan kærleika finna sig eðlilega knúna til að bera byrðar hvers annars, styrkja hina veikburðu og hughreysta þá sem eru óstyrkir.

Einkenni guðlegs kærleika í verki:

  • Heldur samfélaginu saman þrátt fyrir erfiðleika.
  • Velur einingu fram yfir sundrungu, sátt fram yfir aðskilnað.
  • Þegar veikleikar annarra koma í ljós, bregst guðlegur kærleikur ekki við með gagnrýni heldur með fyrirbæn, ekki með dómhörku heldur með stuðningi.
  • Leitar virkra leiða til að styrkja trú, efla einingu og stuðla að andlegum vexti.

Guðlegur kærleikur umbreytir einnig því hvernig við leysum ágreining. Hann viðheldur ekki aðeins friði heldur vinnur markvisst að sáttum. Þeir sem tjá þennan kærleika fá yfirnáttúrulega getu til að fyrirgefa móðganir, sigrast á fordómum og brúa gjár milli fólks. Náttúrulegir viðbragðshættir víkja fyrir andlegum viðbrögðum þegar guðlegur kærleikur streymir í gegnum hjörtu sem hafa gefið sig undir Guð.

Að setja kærleikann í framkvæmd

Að lifa í kærleika Guðs krefst daglegra ákvarðana. Hver dagur gefur okkur tækifæri til að bregðast við á annaðhvort náttúrulegan hátt eða með kærleika Guðs. Sigur kemur þegar við veljum stöðugt að láta eðli Guðs, en ekki okkar eigin tilhneigingar, móta viðbrögð okkar.

Þessi sannleikur þarf að grípa hjörtu okkar. Kærleikur Guðs snýst ekki aðallega um tilfinningar – hann snýst um gjörðir. Þetta snýst ekki bara um það sem við segjum heldur það sem við gerum. Þegar við leyfum kærleika Hans að flæða í gegnum okkur, sannar það að líf Hans er í okkur, sem umbreytir ekki aðeins hjörtum okkar heldur heilu safnaðarsamfélögunum.

Bæn dagsins

Himneski Faðir,

Lát kærleika þinn flæða frjálst í gegnum okkur þegar við gefum okkur þér á vald. Hjálpaðu okkur að bregðast við á, Þinn hátt, í stað þess að fylgja okkar náttúrulegu viðbrögðum. Hjálpaðu okkur að sjá aðra eins og þú sérð þá og að bregðast við eins og þú myndir gera. Megi kærleiksverk okkar sýna öðrum að líf þitt er í okkur. Gerðu okkur að rásum fyrir kærleika þinn í verki.

Í Jesú Krists nafni, Amen.

Jóhannesarguðspjall 13:35

Á því munu allir þekkja, að þér eruð mínir lærisveinar, ef þér berið elsku hver til annars.

„Þegar guðlegur kærleikur streymir fram og klárar sitt verk, stígur náðin inn og tekur hennar stað.“ – William Branham, 57-0305 – Divine Love

Mundu

Kærleiki Guðs er sönnun þess að andlegt líf okkar sé raunverulegt. Þegar við höldum okkur nærri Kristi, flæðir kærleikur Hans í gegnum okkur, umbreytir því hvernig við komum fram við aðra og opinberar heiminum að við tilheyrum Honum.

Guð blessi þig!