Haggaí 2:9

Hin síðari dýrð þessa musteris mun meiri verða en hin fyrri var segir Drottinn allsherjar og ég mun veita heill á þessum stað segir Drottinn allsherjar.

Guð lýsti því skýrt yfir að dýrð síðari hússins yrði meiri en hinnar fyrri. Frumkirkjan var dýrðleg kirkja, en í samanburði við endatímakirkjuna var hún aðeins svipur af því sem endatímakirkjan er fyrirhuguð að vera.

Kirkjunni má skipta í tvo hópa

Þeir sem byggja upp ríki og veldi

Veldisbyggjendur byggja sitt eigið litla ríki.

Sannir ríkisbyggjendur byggja ríki Guðs.

1) Ríkisbyggjendur byggja á kærleika

Ríkisbyggjendur spyrja: „Hvernig getum við þjónað þér? Hvernig getum við hjálpað þér?“ Þeir einbeita sér að framgangi ríkis Guðs, ekki eigin ríkis. Hugmynd þeirra um kirkju Jesú er frábrugðin– löngun þeirra er að hjálpa og blessa ríki Guðs. Þeir hafa meiri áhuga á að byggja ríki Guðs almennt, fremur en að leggja einungis áherslu á sína eigin staðbundnu kirkju. Ríkisbyggjendur hafa annað hugarfar: þeir sjá út fyrir staðbundna sókn. Þeir eru ekki að byggja sína kirkju; þeim er meira annt um að byggja Hans ríki.

2) Ríkisbyggjendur lifa og hrærast í hinni miklu köllun

Þeir sjá hnattræna uppskeru: þeir sjá þjóðirnar. Skapandi og frumkvöðlahugsun þeirra leitast við að finna stærri og betri leiðir í Guði til að ná til þjóðanna.

Til þess að verða ríkisbyggjandi verður maður að hætta að vera veldisbyggjandi.

Það er svo auðvelt fyrir þjónustur að falla í þá gildru að vera uppteknar við að byggja sitt eigið litla ríki. Þegar kirkjur vaxa er mjög auðvelt fyrir hirða að reisa sér lítið veldi í kringum sig, sem á endanum gleypir þá í vélrænum rekstri og utanumhaldi. Nýleg könnun sýndi að yfir 60% af prestum sem tóku þátt vörðu minna en hálftíma á dag í bæn. Þetta er ekki sagt til að gagnrýna presta – ég veit hvernig það er að vera dreginn inn í viðhald og rekstur litla ríkisins, það getur orðið sálarlega eyðileggjandi.

Einkenni ríkisbyggjanda

1. Laus undan samkeppnishugsun: Oft þegar þjónustur hittast er fyrsta spurningin; „Hversu stór er kirkjan þín?“ Slík spurning leiðir gjarnan í ljós undirliggjandi samkeppnishugarfar. Að byggja kirkjuna er ekki keppni um hver gerir best. Jesús sagði reyndar: „Ég mun byggja kirkju mína.“

2. Vilji og löngun til að byggja ríki Guðs hvar sem við finnum það – líka í öðrum kirkjum auk eigin staðbundinnar kirkju.

3. Vilji og löngun til að blessa aðrar þjónustur og kirkjur fjárhagslega.

4. Að vera innilega glaður þegar aðrar kirkjur vaxa, jafnvel þótt þín eigin geri það ekki.

5. Laus undan öfund innan þjónustu.

Þegar breytingin á sér stað – frá því að byggja sitt eigið veldi til þess að byggja ríki Guðs – hverfa mörg af þessum áður nefndu hættulegu einkennum sjálfkrafa.

Metnaður, stolt, öfund og samkeppni þurfa að vera upprætt úr persónuleika okkar svo við getum orðið hluti af hinni dýrðlegu endatímakirkju sem Guð er að byggja.

Haggaí 1:1-10

Á öðru ríkisári Daríusar konungs, hinn fyrsta dag hins sjötta mánaðar, kom orð Drottins fyrir munn Haggaí spámanns til Serúbabels Sealtíelssonar, landstjóra í Júda, og til Jósúa Jósadakssonar æðsta prests, svo hljóðandi: -2- Svo segir Drottinn allsherjar: Þessi lýður segir: Enn er ekki tími kominn til að endurreisa hús Drottins. -3- Þá kom orð Drottins fyrir munn Haggaí spámanns, svo hljóðandi: -4- Er þá tími fyrir yður að búa í þiljuðum húsum, meðan þetta hús liggur í rústum? -5- Og nú segir Drottinn allsherjar svo: Takið eftir, hvernig fyrir yður fer! -6- Þér sáið miklu, en safnið litlu, etið, en verðið eigi saddir, drekkið, en fáið eigi nægju yðar, klæðið yður, en verðið þó ekki varmir, og sá sem vinnur fyrir kaupi, vinnur fyrir því í götótta pyngju. -7- Svo segir Drottinn allsherjar: Takið eftir, hvernig fyrir yður fer! -8- Farið upp í fjöllin, sækið við og reisið musterið, þá mun ég hafa velþóknun á því og gjöra mig vegsamlegan! segir Drottinn. -9- Þér búist við miklu, en fáið lítið í aðra hönd, og þó þér flytjið það heim, þá blæs ég það burt. Hvers vegna? segir Drottinn allsherjar. Vegna húss míns, af því að það liggur í rústum, meðan sérhver yðar flýtir sér með sitt hús. -10- Fyrir því heldur himinninn uppi yfir yður aftur dögginni og fyrir því heldur jörðin aftur gróðri sínum.

Haggaí 2:3

Hver er sá af yður eftir orðinn, er séð hefir þetta hús í sinni fyrri vegsemd, og hversu virðist yður það nú? Er það ekki einskisvert í yðar augum?

Þessi ritningarstaður er oft notaður í samhengi við að leggja áherslu á að byggja hina staðbundnu kirkju sem forgangsverkefni og setja persónulega hagsmuni okkar í annað sæti. En í raun og veru er hann fyrst og fremst að tala um að byggja ríki Guðs. Hirðar þurfa að sjá þennan ritningarstað í ljósi þess að byggja fyrst ríki Guðs áður en við byggjum okkar eigin staðbundnu kirkjur – með öðrum orðum, að hafa hugarfar ríkisins.

EF VIÐ BYGGJUM FYRST RÍKI GUÐS, MUN GUÐ BYGGJA STAÐBUNDNU KIRKJUNA OKKAR.

Þetta er fyrst og fremst hugarfar – nýtt viðhorf sem við verðum að taka upp. Það er lífsstíll, ný hugsun og ný leið til að lifa.

Ný fjárhagsleg útleysting er að koma.

Haggaí 2:4,6-7

En ver samt hughraustur, Serúbabel segir Drottinn og ver hughraustur, Jósúa Jósadaksson æðsti prestur, og ver hughraustur, allur landslýður segir Drottinn og haldið áfram verkinu, því að ég er með yður segir Drottinn allsherjar -6- Því að svo segir Drottinn allsherjar: Eftir skamma hríð mun ég hræra himin og jörð, haf og þurrlendi. -7- Ég mun hræra allar þjóðir, svo að gersemar allra þjóða skulu hingað koma, og ég mun fylla hús þetta dýrð segir Drottinn allsherjar.

Habakukk sagði:

Haggaí 1:5

Lítið upp, þér hinir sviksömu, og litist um! Fallið í stafi og undrist! Því að ég framkvæmi verk á yðar dögum þér munduð ekki trúa því, ef sagt væri frá því.

Haggaí 2:8-9

Mitt er silfrið, mitt er gullið segir Drottinn allsherjar. -9- Hin síðari dýrð þessa musteris mun meiri verða en hin fyrri var segir Drottinn allsherjar og ég mun veita heill á þessum stað segir Drottinn allsherjar.

Fjárhagsleg útleysting er að koma eins og aldrei fyrr í sögu kirkjunnar. Þessi útleysting verður svo mikil að heimurinn mun undrast þetta fyrirbæri. HINS VEGAR: til að taka þátt í þessari fjárhagslegu útleystingu verðum við að uppfylla skilyrðin. Guð er ekki að fara að leysa út fjármagn til þess að þú byggir þitt eigið veldi.

Fjármagn verður leyst út til að byggja það sem Drottinn sjálfur er að byggja.

Þessi fjárhagslega útleysting er til þess að byggja Hús hans; Ríki hans. Ertu hæfur?

Þessir ríkisbyggjendur munu finna hver annan

Endurstilling er að eiga sér stað; fólk með sama anda er að finna hvert annað. Það er að verða til tenging milli þjónusta með ríkishugsun og ríkisanda – og þetta mun mynda mikið, hnattrænt uppskerunet.

Matteusarguðspjall 13:47-49

Enn er himnaríki líkt neti, sem lagt er í sjó og safnar alls kyns fiski. -48- Þegar það er fullt, draga menn það á land, setjast við og safna þeim góðu í ker, en kasta þeim óætu burt. -49- Svo mun verða, þegar veröld endar: Englarnir munu fara til, skilja vonda menn frá réttlátum

Þessi siðbót mun ýta (þeim sem fylgja henni) út úr staðbundinni hugsun og inn í hnattrænt samhengi.

Sálmarnir 102:14,16-17

Þú munt rísa upp til þess að miskunna Síon, því að tími er kominn til þess að líkna henni, já, stundin er komin. –16- Þá munu þjóðirnar óttast nafn Drottins og allir konungar jarðarinnar dýrð þína, -17- því að Drottinn byggir upp Síon og birtist í dýrð sinni.

Guð blessi þig!

Haggaí 2:9

Hin síðari dýrð þessa musteris mun meiri verða en hin fyrri var segir Drottinn allsherjar og ég mun veita heill á þessum stað segir Drottinn allsherjar.

Við aðdraganda þúsundáraríkisin er jörðin stödd í merkustu umbreytingum frá því að kirkjan fæddist á hvítasunnu.

Það er hreyfing Guðs að eiga sér stað í heiminum í dag sem er ekki bundin við neina sérstaka menningu, þjóðernishóp eða kynþátt. Að mestu leyti er hún falin, þar sem Guð er að undirbúa þá sem eru ætlaðir til að vera hluti af þessari miklu vakningu guðsríkisins.

Hún er ekki takmörkuð við nein ákveðin efnahagshólf heimsins.

Guð er að brjóta hefðbundin mörk.

Hann er að brjóta föst hugsanakerfi kirkjunnar.

Hugmyndalíkan (e. Paradigm): Getur verið skilgreint sem hugarfar sem mótar allt okkar viðbragðs- og hegðunarmynstur.

Það nýja sem Guð er að gera má ekki takmarka við orðið „vakning“. Það er miklu dýpra en vakning.

Jesaja 48:6-7

Þú hefir heyrt það, sjá, nú er það allt komið fram! Og þér, hljótið þér ekki að játa það? Nú boða ég þér nýja hluti og hulda, sem þú ekkert veist um. -7- Þeir eru nú að skapast, en eigi fyrr, fyrr en í dag hefir þú ekkert um þá heyrt, svo að þú skyldir ekki geta sagt: Sjá, ég vissi það!

Þessi umbót sem er að hefjast er miklu meiri en umbótin á 16. öld. Hún mun djúptækilega breyta því hvernig heimurinn lítur á kirkjuna.

Skilningur okkar á því hvað kirkjan snýst um mun gjörbyltast. Skipulag, stjórn og tilgangur kirkjunnar munu gjörbreytast.

Hebreabréfið 12:26-28

Raust hans lét jörðina bifast fyrrum. En nú hefur hann lofað: Enn einu sinni mun ég hræra jörðina og ekki hana eina, heldur og himininn. -27- Orðin: Enn einu sinni, sýna, að það, sem bifast, er skapað og hverfur, til þess að það standi stöðugt, sem eigi bifast. -28- Þar sem vér því fáum ríki, sem ekki getur bifast, skulum vér þakka það og þjóna Guði, svo sem honum þóknast, með lotningu og ótta.

Samhengið í þessum ritningarversum er lokatíminn.

Þessi vers lýsa því hvernig allt sem ekki er reist eða upphafið af Guði verður hrist.

Þetta hrun mun fjarlægja allar manngerðar frumkvæðisaðgerðir innan kirkjunnar og leiða inn nýtt tímabil sem nefnist ríkistímabilið. Sjá vers 28.

Spámaðurinn Habbakúk spáði um þessa daga.

Habakkuk 1:2-4

Hversu lengi hefi ég kallað, Drottinn, og þú heyrir ekki! Hversu lengi hefi ég hrópað til þín: Ofríki! og þú hjálpar ekki! -3- Hví lætur þú mig sjá rangindi, hví horfir þú upp á rangsleitni? Eyðing og ofríki standa fyrir augum mér. Af því koma þrætur, og deilur rísa upp. -4- Fyrir því verður lögmálið magnlaust og fyrir því kemur rétturinn aldrei fram. Hinir óguðlegu umkringja hina réttlátu, fyrir því kemur rétturinn fram rangsnúinn.

Habbakuk var að spá inn í sinn eigin tíma, en megininntakið átti sér stað fyrir OKKAR TÍMA NÚNA.

Athugið að þetta voru dagar:

• Ofbeldis

• Aukinnar syndsemi, deilna og ágreinings

• Þar sem löggjafarnir réðu ekki lengur við hnignun samfélagsins

• Þar sem röng dómaframkvæmd átti sér stað í dómstólum

Habbakuk hrópaði til Guðs um að Guð myndi bregðast við og breyta aðstæðum

Í 2:14 vísar Habbakuk til 4. Mósebókar 14:21 um dýrð Drottins.

Habakkuk 2:14

Því að jörðin mun verða full af þekking á dýrð Drottins, eins og djúp sjávarins vötnum hulið.

Hann biður Guð í örvæntingu að uppfylla heit sín loforð — að dýrð hans fylli jörðina.

Fjórða Mósebók 14:21

En svo sannarlega sem ég lifi og öll jörðin er full af dýrð Drottins:

Hann kallar til Guðs um að uppfylla Orð sitt

þegar skyndilega kemur spámannleg smurning yfir hann og hann hrópar:

Habakkuk 1:5

Lítið upp, þér hinir sviksömu, og litist um! Fallið í stafi og undrist! Því að ég framkvæmi verk á yðar dögum þér munduð ekki trúa því, ef sagt væri frá því.

Habbakuk sá inn í tímann til okkar daga og varð svo skelfdur og undrandi yfir því sem hann sá, að hann sagði þetta:

Habakkuk 2:1

Ég ætla að nema staðar á varðbergi mínu og ganga út á virkisvegginn og skyggnast um til þess að sjá, hvað hann talar við mig og hverju hann svarar umkvartan minni.

Þá talar Guð til hans og segir: Habbakuk, þetta er fyrir fyrirfram ákveðinn tíma af Guði.

Skrifaðu þetta niður, gerðu skrá, því það mun rætast.

Habakkuk 2:3

Því að enn hefir vitrunin sinn ákveðna tíma, en hún skundar að takmarkinu og bregst ekki. Þótt hún dragist, þá vænt hennar, því að hún mun vissulega fram koma og ekki undan líða.

Það mun koma í lokin: Orðið lokin er hebreskt orð sem merkir ytri mörk eða lok fyrir ákveðinn tíma.

Í Daníelsbók lesum við að í lokinni — í lok aldarinnar — munu ákveðnir hlutir gerast.

Daníel 12:4 & 8-9

-4- En þú, Daníel, halt þú þessum orðum leyndum og innsigla bókina, þar til er að endalokunum líður. Margir munu rannsaka hana, og þekkingin mun vaxa. 

-8- Ég heyrði þetta, en skildi það ekki, og sagði því: Herra minn, hver mun endir á þessu verða? -9- En hann sagði: Far þú, Daníel, því að orðunum er leyndum haldið og þau innsigluð, þar til er endirinn kemur.

Guð sagði við Daníel að ákveðnir faldir sannleikar og leyndardómar yrðu ekki opinberaðir kirkjunni fyrr en á tíma endaloka.

Haggaí sagði: „Lítið til þjóðanna“ — hvað sá Haggaí?

Hann sá eitthvað gerast á heimsvísu sem sló hann með undrun. Hann sá heilar þjóðir verða snortnar af krafti og náð Guðs, sem var áður óþekkt á hans tíma, þegar gyðingaþjóðin var sú eina sem Guð starfaði með á afgerandi hátt.

Uppgangur postulalegrar þjónustu:

Postulinn hefur heimsviðhorf — hann sér þjóðirnar og hvernig allt tengist í áætlun Guðs. Postullegur andi og þjónusta skilur áform Guðs, hefur hæfileika til að setja saman heildarmyndina, samræma hana og halda henni á réttri braut.

Spámannleg þjónusta kallar fram her Drottins; Postulleg þjónusta mun raða hernum niður og þekkja stefnu Drottins, sem mun gera hernum kleift að framkvæma tilgang Guðs á jörðu.

Postulleg þjónusta hefur hlutverk viturs byggingameistara.

Þegar postullega þjónustan rís upp munu þjóðirnar verða fyrir áhrifum þegar stærsta vakning og uppskerutími í sögu kirkjunnar fer að renna upp. Þessi uppskera verður svo mikil að við, líkt og Haggaí, munum standa undrandi.

Haggaí 2:9

Hin síðari dýrð þessa musteris mun meiri verða en hin fyrri var segir Drottinn allsherjar og ég mun veita heill á þessum stað segir Drottinn allsherjar.

Guð blessi þig!

Haggaí 2:9

Hin síðari dýrð þessa musteris mun meiri verða en hin fyrri var segir Drottinn allsherjar og ég mun veita heill á þessum stað segir Drottinn allsherjar.

GUÐ SAGÐI AÐ HANN MYNDI ENDURREISA TJALDBÚÐ DAVÍÐS

Amos 9:11

Á þeim degi mun ég endurreisa hina föllnu tjaldbúð Davíðs. Ég mun hlaða upp í veggskörðin og reisa hana úr rústum og gjöra hana upp aftur, eins og hún var fyrr meir,

Postulasagan 15:16

Eftir þetta mun ég aftur koma og endurreisa hina föllnu tjaldbúð Davíðs. Ég mun reisa hana úr rústum og gjöra hana upp aftur,

Nú vitum við að tjaldbúð Davíðs var staðsett á Síonfjalli.

Eins og við og kirkjan færumst frá hvítasunnu til Síon, opnast fyrir okkur algjörlega nýr veruleiki Guðs.

Hebreabréfið 12:22-23

Nei, þér eruð komnir til Síonfjalls og borgar Guðs lifanda, hinnar himnesku Jerúsalem, til tugþúsunda engla, -23- til hátíðarsamkomu og safnaðar frumgetinna, sem á himnum eru skráðir, til Guðs, dómara allra, og til anda réttlátra, sem fullkomnir eru orðnir,

Ritningarnar segja okkur að þegar Drottinn endurreisir tjaldbúð Davíðs mun hann opinbera sig fyrir kirkjunni og heiminum á nýjan hátt.

Sálmarnir 102:17 & 19

-17- því að Drottinn byggir upp Síon og birtist í dýrð sinni.

-18- Þetta skal skráð fyrir komandi kynslóð, og þjóð, sem enn er ósköpuð, skal lofa Drottin.

Þegar við skiljum þessa bakgrunnssögu munum við byrja að sjá hvað Guð hefur í hyggju fyrir kirkju endatímanna.

ENDURNÝJUN HINS FORNA VALDS

Míka 4:7-8

Og ég vil gjöra hið halta að nýjum kynstofni og hið burtflæmda að voldugri þjóð. Og Drottinn sjálfur mun verða konungur yfir þeim á Síonfjalli héðan í frá og að eilífu. -8- En þú, varðturn hjarðmannsins, hæð dótturinnar Síon, til þín mun koma og aftur til þín hverfa hið forna veldi, konungdómur dótturinnar Jerúsalem.

TIL ÞEIRRA Í SÍON MUN KOMA ENDURNÝJUN HINS FORNA VALDS

Hvað er endurnýjun á hinu forna veldi?

Fyrsta Mósebók 1:26 & 28

-26- Guð sagði: Vér viljum gjöra manninn eftir vorri mynd, líkan oss, og hann skal drottna yfir fiskum sjávarins og yfir fuglum loftsins og yfir fénaðinum og yfir villidýrunum og yfir öllum skriðkvikindum, sem skríða á jörðinni.

-28- Og Guð blessaði þau, og Guð sagði við þau: Verið frjósöm, margfaldist og uppfyllið jörðina og gjörið ykkur hana undirgefna og drottnið yfir fiskum sjávarins og yfir fuglum loftsins og yfir öllum dýrum, sem hrærast á jörðinni.

Maðurinn var upphaflega gæddur miklu yfirráði í og yfir jörðinni.

Þetta yfirráð náði yfir alla jörðina – dýraríkið, jurtaheiminn, steina og málma – og einnig andlega sviðið.

Sálmarnir 8:4-5

Hvað er þá maðurinn þess, að þú minnist hans, og mannsins barn, að þú vitjir þess? -6- Þú lést hann verða litlu minni en (englarnir) Guð, með sæmd og heiðri krýndir þú hann.

Orðið „englar“ í þessum ritningarstað er í hebresku orðið elohim, sem merkir Guð. Þýðendurnir áttu í kenningarlegum vandræðum með þetta, svo þeir þýddu það sem ENGLAR.

Það sem versið segir bókstaflega er: „Þú gjörðir manninn lítið minni en Guð.“ Þetta er staða sem er miklu æðri en engla.

Sálmarnir 8:7

Þú lést hann ríkja yfir handaverkum þínum, allt lagðir þú að fótum hans.

Þetta er ótrúleg yfirlýsing: Guð lagði allt undir fætur Adams

Adam og Eva höfðu eignarskiptasamninginn að þessari jörð og fengu það hlutverk að færa himininn til jarðar.

Áður hafði Lúsífer reynt að upphefja sjálfan sig yfir Guð, en það var aldrei ætlun Guðs að englar stæðu ofar honum. Lúsífer bar kala í hjarta sínu vegna þessa, og hroki hans blekkti hann til að halda að hann gæti steypt Guði af stóli. Hann var rekinn út af himni. Þegar Guð gaf Adam yfirráð yfir jörðinni, vakti það djúpa gremju hjá Satan og hann leitaðist við að taka þessi yfirráð af Adam, og það tókst honum.

Satan hafði nú eignaskiptasamninginn að jörðinni, hann hafði nú yfirráð yfir henni – og með því fékk hann nýtt nafn eða titil.

Jóhannes 12:31

Nú gengur dómur yfir þennan heim. Nú skal höfðingja þessa heims út kastað.

Lúkasarguðspjall 4:6

Og djöfullinn sagði við hann: Þér mun ég gefa allt þetta veldi og dýrð þess, því að mér er það í hendur fengið, og ég get gefið það hverjum sem ég vil.

ÞETTA ER HANS SAMKVÆMT LAGALEGUM RÉTTI

Hinsvegar sagði Guð í Edengarðinum þetta

Fyrsta Mósebók 3:15

Og fjandskap vil ég setja milli þín og konunnar, milli þíns sæðis og hennar sæðis. Það skal merja höfuð þitt, og þú skalt merja hæl þess.

VELDI SATANS MYNDI VERÐA SUNDURMARIÐ

Jóhannes 12:31-32

Nú gengur dómur yfir þennan heim. Nú skal höfðingja þessa heims út kastað. -32- Og þegar ég verð hafinn upp frá jörðu, mun ég draga alla til mín.

JESÚS VAR AÐ SEGJA AÐ MEÐ DAUÐA SÍNUM MYNDI HANN REKA SATAN ÚT ÚR VALDASTÖÐU SINNI Á JÖRÐINNI.

Fyrra Jóhannesarbréf 3:8

Hver sem synd drýgir heyrir djöflinum til, því að djöfullinn syndgar frá upphafi. Til þess birtist Guðs sonur, að hann skyldi brjóta niður verk djöfulsins.

Hebreabréfið 12:22-23

Þar sem nú börnin eru af holdi og blóði, þá hefur hann og sjálfur fengið hlutdeild í mannlegu eðli á sama hátt, til þess að hann með dauða sínum gæti að engu gjört þann, sem hefur mátt dauðans, það er að segja djöfulinn,

JESÚS TÓK TIL BAKA VALD JARÐARINNAR OG ÞAÐ VALD YFIRFÆRIST Á SYNI GUÐS

Lúkasarguðspjall 10:19

Ég hef gefið yður vald að stíga á höggorma og sporðdreka og yfir öllu óvinarins veldi. Alls ekkert mun yður mein gjöra.

Vandamálið er að kirkjan hefur aldrei gengið inn í þetta, aðallega vegna vantrúar.

Guð hafði sagt að Hann myndi endurreisa tjaldbúð Davíðs og þegar það gerðist myndi fyrsta valdið sem gefin voru manninum verða endurreist. Við höfum enn ekki séð þetta, yfirráðin sem Adam hafði voru gefin honum af Guði og náðu yfir alla stjórn hans á jörðinni. Þetta var ekki gefið englum, heldur mönnum og þessi yfirráð og stjórn mun alltaf vera í höndum frelsaðra manna.

Hebreabréfið 2:5-7 & 10

Því ekki lagði hann undir engla hinn komandi heim, sem vér tölum um. -6- Einhvers staðar er vitnað: Hvað er maður, að þú minnist hans? Eða mannssonur, að þú vitjir hans? -7- Skamma stund gjörðir þú hann englunum lægri. Þú hefur krýnt hann vegsemd og heiðri. Og þú hefur skipað hann yfir verk handa þinna.

-10- Allt er til vegna Guðs og fyrir Guð. Því varð hann, er hann leiðir marga syni til dýrðar, að fullkomna með þjáningum þann, er leiðir þá til hjálpræðis.

Við erum í þjálfun til að stjórna og ríkja með Drottni í komandi þúsund ára ríki Jesú á þessari jörð.

Hebreabréfið 10:12 & 13

En Jesús bar fram eina fórn fyrir syndirnar og settist um aldur við hægri hönd Guðs

JESÚS BÍÐUR NÚ EFTIR SYNUM SÍNUM AÐ KLÁRA VERKIÐ

-13- og bíður þess síðan, að óvinir hans verði gjörðir að fótskör hans.

ÞETTA KYNSLÓÐ MUN SJÁ UPPFYLLINGU MÍKA 4:8

Míka 4:8

En þú, varðturn hjarðmannsins, hæð dótturinnar Síon, til þín mun koma og aftur til þín hverfa hið forna veldi, konungdómur dótturinnar Jerúsalem.

Allt sköpunarverkið bíður eftir að sonum Guðs verði falið að taka sess sinn og fá yfirráð yfir jörðinni, yfirráð yfir dauða, sjúkdómum, illum öndum og náttúrunni.

Rómverjabréfið 8:18-19

Ég lít svo á, að ekki séu þjáningar þessa tíma neitt í samanburði við þá dýrð, sem á oss mun opinberast. -19- Því að sköpunin þráir, að Guðs börn verði opinber.

Guð sagði þetta við Móse:

Fimmta Mósebóg 11:25

Enginn mun standast fyrir yður. Ótta við yður og skelfingu mun Drottinn Guð yðar láta koma yfir hvert það land, er þér stígið fæti á, eins og hann hefir heitið yður.

Guð sagði án sýnar glatast fólkið. Ef þú trúir ekki að slíkt yfirráð sé mögulegt, þá er það ekki mögulegt fyrir þig. Við erum ekki komin enn, það er enn mikið land eftir að taka. Fyrirheitna landið var tákn um að ganga með Guði í fullkomnri hvíld og friði, ríkja og stjórna með Honum sem sam-sköpunaraðilar og sam-ríkisstjórnendur í ríki Hans, Faðir og synir ótakmarkað.

Þú getur aðeins eignast það sem þú sérð, ef þú sérð það ekki, getur þú ekki gengið inn í það. En ef þú sérð það með opinberun, getur þú gengið inn í það, því opinberun frá Guði ber með sér allt sem þarf til að fara inn. Með opinberun fylgir kraftur til árangurs, til að ganga inn.

Jóhannesarguðspjall 11:40

Jesús segir við hana: Sagði ég þér ekki: Ef þú trúir, munt þú sjá dýrð Guðs?

Guð blessi þig!

Jóhannesarguðspjall 15:16

Þér hafið ekki útvalið mig, heldur hef ég útvalið yður. Ég hef ákvarðað yður til að fara og bera ávöxt, ávöxt, sem varir, svo að faðirinn veiti yður sérhvað það sem þér biðjið hann um í mínu nafni.

Nýlega gaf Drottinn mér draum þar sem ég stóð ofan við yfirborð jarðarinnar, eins langt úti og gervitungl væri. Ég leit niður á jörðina og sá línur sem komu frá öllum heimshornum og sameinuðust á ákveðnum stað á jörðinni. Þegar ég horfði á þetta, sá ég að þessar línur færðust aftur í tímann, til tímabils áður en þessi heimur var skapaður; þessar tímalínur hófust langt aftur í eilífðinni og voru að sameinast á þessu augnabliki í sögunni. Þegar ég hélt áfram að horfa, tók ég eftir dagsetningu sem var skrifuð þar sem línurnar sameinuðust—dagsetningin var 2006. Ég sagði: „Drottinn, hvað er þetta?“ Svarið var: „Þetta ár er tími örlagasamruna.“ Ég vaknaði með sterka tilfinningu um nærveru Drottins.

Meðan ég hugleiddi þennan draum, fór ég að átta mig á að þetta var ekki bara draumur—ég var að sjá atburð sem hafði verið skipulagður áður en heimurinn var skapaður, tímalínu sem hafði verið fyrirfram ákveðin fyrir þessa kynslóð.

Útvalinn kynslóð

Fyrra Pétursbréf 2:9

En þér eruð útvalin kynslóð, konunglegt prestafélag, heilög þjóð, eignarlýður, til þess að þér skuluð víðfrægja dáðir hans, sem kallaði yður frá myrkrinu til síns undursamlega ljóss.

Aldrei áður hefur þessi ritning verið eins mikilvæg og núna. Öll sköpunin hefur beðið eftir þessari kynslóð kristinna manna. Við erum farin að sjá fullkomnun þúsunda ára spádómsörlaga verða að veruleika fyrir eigin augum.

Efesusbréfið 1:4

Áður en heimurinn var grundvallaður hefur hann útvalið oss í Kristi, til þess að vér værum heilagir og lýtalausir fyrir honum. Í kærleika sínum -5- ákvað hann fyrirfram að veita oss sonarrétt í Jesú Kristi. Sá var vilji hans og velþóknun

Orðið „synir“ hér er dregið af gríska orðinu huiothesia (5206), sem merkir fullþroskaðir synir, ekki aðeins börn.

Rómverjabréfið 8:22

Vér vitum, að öll sköpunin stynur líka og hefur fæðingarhríðir allt til þessa. -23- En ekki einungis hún, heldur og vér, sem höfum frumgróða andans, jafnvel vér stynjum með sjálfum oss meðan vér bíðum þess, að Guð gefi oss barnarétt og endurleysi líkami vora.

Þetta var sýnt þegar Jesús umbreyttist á fjallinu, Hann gekk sem nýr maður, af öðru eðli, fyrsti af mörgum sem myndu feta sömu leið í líkingu og mynd Hans, þeir sem myndu raunverulega ganga sem synir Guðs. Þegar við höldum áfram að sækjast eftir öllu því sem Guð hefur fyrir okkur, þegar við leggjum okkur fram við að verða kærleikur, hreinleiki og heilagleiki, mun ný tegund fólks koma fram á jörðinni, eins og Jesús.

Kólossubréfið 1:14-19

Í honum eigum vér endurlausnina, fyrirgefningu synda vorra. -15- Hann er ímynd hins ósýnilega Guðs, frumburður allrar sköpunar.  16- Enda var allt skapað í honum í himnunum og á jörðinni, hið sýnilega og hið ósýnilega, hásæti og herradómar, tignir og völd. Allt er skapað fyrir hann og til hans. -17- Hann er fyrri en allt, og allt á tilveru sína í honum. -18- Og hann er höfuð líkamans, kirkjunnar, hann sem er upphafið, frumburðurinn frá hinum dauðu. Þannig skyldi hann verða fremstur í öllu. -19- Því að í honum þóknaðist Guði að láta alla fyllingu sína búa

Rómverjabréfið 8:29-30

Því að þá, sem hann þekkti fyrirfram, hefur hann og fyrirhugað til þess að líkjast mynd sonar síns, svo að hann sé frumburður meðal margra bræðra. -30- Þá sem hann fyrirhugaði, þá hefur hann og kallað, og þá sem hann kallaði, hefur hann og réttlætt, en þá sem hann réttlætti, hefur hann einnig vegsamlega gjört.

Jesús var fyrsti af mörgum sem myndu birtast í mynd og líkingu Guðs

Kólossubréfið 2:9-10

Því að í honum býr öll fylling guðdómsins líkamlega. -10- Og í honum, sem er höfuð hvers konar tignar og valds, hafið þér öðlast hlutdeild í þessari fyllingu.

Efesusbréfið 3:17

Til þess að Kristur megi fyrir trúna búa í hjörtum yðar og þér verða rótfestir og grundvallaðir í kærleika. (Að vera grundvallaður í kærleika þýðir að umbreytast í kærleiku)

Orðið „grundvallaðir“ hér er dregið af gríska orðinu themelioo (2311), sem merkir grunnstoð lífs okkar, hina undirliggjandi hvöt.

Efesusbréfið 3:18-19

Þá fáið þér ásamt öllum heilögum skilið, hve kærleikur Krists er víður og langur, hár og djúpur, og komist að raun um hann, -19- sem gnæfir yfir alla þekkingu, og náið að fyllast allri Guðs fyllingu.

Sköpunin bíður þess að þetta fólk komi fram og þegar það gerist, mun sköpunin samverka með þeim og vera undirgefin þeim. Opinberunarbókin lýsir tveimur vitnum sem eru einnig mynd af her Drottins á hinum síðustu tímum; hlustaðu á það sem Biblían segir um þá.

Opinberunarbókin 11:3-6

Vottana mína tvo mun ég láta flytja spádómsorð í eitt þúsund tvö hundruð og sextíu daga, sekkjum klædda. -4- Þetta eru olíuviðirnir tveir og ljósastikurnar tvær, sem standa frammi fyrir Drottni jarðarinnar. -5- Og ef einhver vill granda þeim, gengur eldur út úr munni þeirra og eyðir óvinum þeirra. Ef einhver skyldi vilja granda þeim, skal hann með sama hætti deyddur verða. -6- Þeir hafa vald til að loka himninum, til þess að eigi rigni um spádómsdaga þeirra. Og þeir hafa vald yfir vötnunum, að breyta þeim í blóð og slá jörðina með hvers kyns plágu, svo oft sem þeir vilja.

Við lifum á tímum þar sem örlagasamruni á sér stað. Þetta ár erum við farin að sjá samruna, sameiningarstaðinn og upphaf þess að spádómleg orð um líf okkar rætist. Í draumnum sá ég litla þræðir eða minni línur sem tengdust stærri línum, þær höfðu uppruna sinn í tíma, okkar tíma og voru spádómleg orð sem höfðu verið töluð yfir líf okkar á undanförnum árum. Þessar línur voru að tengjast hinum stærri tilgangi sem okkur var gefinn fyrir grunnvöll heimsins.

Margir hafa fengið Guðs orð talað yfir líf sitt, orð sem enn hafa ekki ræst. Nú er tíminn þar sem öll þessi orð eru að sameinast, tíminn er kominn, hinn fyrirfram ákveðni tími er hér. Við verðum að rísa upp og sækja fram af öllu hjarta svo örlög okkar megi rætast.

Sálmarnir 102:14

Þú munt rísa upp til þess að miskunna Síon, því að tími er kominn til þess að líkna henni, já, stundin er komin.

Fyrsta Mósebók 21:2

Og Sara varð þunguð og fæddi Abraham son í elli hans, um þær mundir, sem Guð hafði sagt honum.

Síðara Tímóteusarbréf 1:9

Hann hefur frelsað oss og kallað heilagri köllun, ekki eftir verkum vorum, heldur eftir eigin ákvörðun og náð, sem oss var gefin fyrir Krist Jesú frá eilífum tímum,

Tíminn býður ekki eftir neinum

Jesaja 55:6

Leitið Drottins, meðan hann er að finna, kallið á hann, meðan hann er nálægur!

Hebreabréfið 3:19

Vér sjáum, að sakir vantrúar fengu þeir eigi gengið inn.

Hebreabréfið 4:1

Fyrirheitið um það að ganga inn til hvíldar hans stendur enn, vörumst því að nokkur yðar verði til þess að dragast aftur úr.

Guð blessi þig!

Fyrsta Mósebók 3:24

Og hann rak manninn burt og setti kerúbana fyrir austan Edengarð og loga hins sveipanda sverðs til að geyma vegarins að lífsins tré.

Þegar Adam féll var hann rekinn úr Edensgarði og tveir kerúbar vörðu innganginn og lokuðu þannig fyrir alla von um endurkomu til Edens. Aðgangur að lífsins tré var nú bannaður. Það er áhugavert að þessir kerúbar, sem vörðu lífsins tré, voru einnig yfir náðarstólnum ofan á sáttmálaskránni og vörðu nærveru Guðs.

Önnur Mósebók 25:18 & 22

-18- Og þú skalt gjöra tvo kerúba af gulli, af drifnu smíði skalt þú gjöra þá á hvorum tveggja loksendanum.

-22- Og þar vil ég eiga samfundi við þig og birta þér ofan af arkarlokinu millum beggja kerúbanna, sem standa á sáttmálsörkinni, allt það, er ég býð þér að flytja Ísraelsmönnum.

Kerúbar tengjast nærveru og dýrð Guðs

Biblían lýsir ekki hlutverki kerúbanna í miklum smáatriðum, en við vitum þó að þeir voru tengdir komu og brottför dýrðar Guðs. Þegar Ísrael syndgaði, hóf dýrð og nærvera Drottins að hverfa frá þjóðinni. Við sjáum að þegar dýrð og nærvera Drottins yfirgaf Ísrael, þá fór hún með kerúbunum.

Hér sjáum við dýrðina lyftast frá musterinu

Esekíel 10:3-4

En kerúbarnir stóðu hægra megin við musterið, þegar maðurinn gekk inn, og fyllti skýið innra forgarðinn. -4- En dýrð Drottins hóf sig frá kerúbunum yfir á þröskuld musterisins. Varð musterið þá fullt af skýmekki, en forgarðurinn fylltist ljóma af dýrð Drottins.

Hér sjáum við dýrðina lyftast frá borginni

Esekíel 11:22-23

Nú hófu kerúbarnir vængi sína og hjólin færðust til samtímis þeim, en dýrð Ísraels Guðs var uppi yfir þeim. -23- Og dýrð Drottins hóf sig upp frá borginni og staðnæmdist á fjallinu, sem er fyrir austan borgina.

Þessir kerúbar tengdust dýrð Guðs, og þegar þeir hreyfðust, hreyfðist dýrðin með þeim. Þegar dýrðin sneri loks aftur til Ísraels, kom hún á sama hátt (Esekíel 43:3–4).

Þessir kerúbar eru verndarar nærveru Guðs og munu einnig taka þátt í andlegri orustu ef eitthvað ógnar nærveru Guðs utan vilja hans.

Til að komast að lífsins tré verður maður að komast framhjá kerúbunum

Þar sem kerúbarnir tákna nærveru Guðs, er aðeins hægt að nálgast lífsins tré (JESÚ) í gegnum opinbera nærveru Guðs. Það er aðeins þegar við erum meðvituð um nærveru hans að við getum raunverulega átt samfélag við Jesú.

Þessir kerúbar voru yfir náðarstólnum, og það er aðeins fyrir miskunn Guðs sem við getum komið til hans, gengið með honum og kynnst honum. Náðarsætið huldi sáttmálaskrána, nærveru Guðs og það er aðeins þegar við treystum miskunn hans að við höfum aðgang að nærveru hans. Að reiða sig á miskunn Guðs er að koma til hans í djúpstæðri auðmýkt; án hennar getum við hvorki séð né þekkt Guð.

Matteusarguðspjall 5:5

Sælir eru hógværir, því að þeir munu jörðina erfa.

Adam erfði jörðina, hún var gefin honum af Guði, en Adam gaf hana í hendur Satan með synd sinni. Það er aðeins þegar við komum að lífsins tré með hreint hjarta og raunverulega auðmýkt að aðgangur er aftur veittur að paradís á þessari jörð og að lífsins tré.
Í Edensgarði gátu Adam og Eva séð Guð og gengið með honum, en þetta tapaðist þegar þau voru rekin úr garðinum og síðan þá hefur maðurinn stöðugt reynt að finna Eden á ný. En það finnst ekki í gegnum tréð um þekkingu góðs og ills, heldur í gegnum lífsins tré og aðgangurinn fæst aðeins með sannri auðmýkt.

Auðmýkt má lýsa sem algjöru trausti á Guði fyrir öllu lífi okkar

Hvar sem þessar undursamlegu verur sjá sanna auðmýkt, er veittur aðgangur að lífsins tré. Í andlega heiminum er auðmýkt séð sem yfirhula eða klæði sem jafnvel englar viðurkenna og virða. Hún sést sem merki mikillar virðingar og stöðu í andaheiminum.

Þessi auðmýkt eða fullkomið traust á Guði gefur okkur rétt til inngöngu að lífsins tré.

Orðskviðirnir 29:23

Hroki mannsins lægir hann, en hinn lítilláti mun virðing hljóta.

Jesaja 57:15

Já, svo segir hinn hái og háleiti, hann sem ríkir eilíflega og heitir Heilagur: Ég bý á háum og helgum stað, en einnig hjá þeim, sem hafa sundurkraminn og auðmjúkan anda, til þess að lífga anda hinna lítillátu og til þess að lífga hjörtu hinna sundurkrömdu.

Jakobsbréfið 4:6

En því meiri er náðin, sem hann gefur. Þess vegna segir ritningin: Guð stendur í gegn dramblátum, en auðmjúkum veitir hann náð.

Það er tími nú sem aldrei fyrr, fyrir þetta tré að blómstra að fullu á jörðinni svo þjóðirnar megi hljóta lækningu

Opinberunarbókin 2:7

Hver sem eyra hefur, hann heyri hvað andinn segir söfnuðunum. Þeim er sigrar, honum mun ég gefa að eta af lífsins tré, sem er í Paradís Guðs.

Ávöxturinn af tré lífsins er SKILYRÐISLAUS KÆRLEIKUR

Opinberunarbókin 22:2

Á miðju stræti borgarinnar, beggja vegna móðunnar, var lífsins tré, sem ber tólf sinnum ávöxt. Á mánuði hverjum gefur það ávöxt sinn, og blöð trésins eru til lækningar þjóðunum.

Þetta er tréð sem Jesús talaði um í Jóhannesarguðspjalli, 15. kafla.

Jóhannesarguðspjall 15:5 & 4

-5- Ég er vínviðurinn, þér eruð greinarnar. Sá ber mikinn ávöxt, sem er í mér og ég í honum, en án mín getið þér alls ekkert gjört.

-4- Verið í mér, þá verð ég í yður. Eins og greinin getur ekki borið ávöxt af sjálfri sér, nema hún sé á vínviðnum, eins getið þér ekki heldur borið ávöxt, nema þér séuð í mér.

Við höfum þau forréttindi að fá að verða grein á þessu tré, til lækningar fyrir þjóðirnar

Eina leiðin til að bera ávöxt er að vera í honum (Lífsins tré).

Jóhannesarguðspjall 15:10

Ef þér haldið boðorð mín, verðið þér stöðugir í elsku minni, eins og ég hef haldið boðorð föður míns og er stöðugur í elsku hans.

Guð blessi þig!

Andrew Murray, mikill predikari og Guðs maður var spurður í miðri vakningu: “Hver er mikilvægasta þörfin hjá okkur kristnum?”
Svar hans var einfalt og afgerandi: ALGJÖR UPPGJÖF

Hvað þýðir það?

Það sem hann var í raun að segja var þetta: Sál kristins manns þarf að lúta anda hans. Flestir kristnir lifa trúarlífi sínu þar sem sálin, hugurinn, tilfinningaranar og viljinn er við stjórnvölinn. Þeir gera það sem þeim finnst (tilfinningar) vera rétt, þeir fylgja því sem rökhugsunin segir (hugurinn), og vilji þeirra verður að þræli tilfinninga og skynsemi.

Rómverjabréfið 8:6

Hyggja holdsins er dauði, en hyggja andans líf og friður.

Flestir kristnir eru undir stjórn náttúrulegrar hugsunar sinnar og tilfinninga. Þeir lifa eftir þessum öflugu hvötum sem móta lífsstíl þeirra.

Sundurmarið hjarta er lykillinn að persónulegri vakningu

Við viljum gera hlutina á okkar hátt, en Guð kallar okkur til algjörrar undirgefni við vilja sinn. Lífstréð í Edensgarðinum táknaði Jesú og við eigum að lifa af lífi hans, með huga hans og tilfinningum hans. Aðeins Hans líf, tilfinningar og vilji eiga að fá að birtast í gegnum sál sem hefur gefist fullkomlega Honum.

Þegar við komum á þann stað að við getum hvorki treyst tilfinningum okkar, huga okkar né eigin getu og þegar við skiljum að við getum ekki lifað rétt nema í Honum, þá kemur brot í sálina sem leyfir anda Drottins að brjótast fram. Sál okkar þarf að verða þjónn anda okkar, sem er stöðugt tengdur Drottni.

Fyrra Korintubréf 6:17

En sá er samlagar sig Drottni er einn andi ásamt honum.

Við verðum að afhenda stjórnina til anda okkar sem er í einingu við Guð. Réttri röð er komið á þegar andinn hefur forystu, síðan sálin og loks líkaminn. Þegar þessi röð hefur náð festu í lífi okkar, þá göngum við inn í raunverulegt andlegt líf, verðum andlegir menn og konur.

Við þurfum að læra að beygja okkur fyrir andanum

Í miðri krísu, bíðið. Látið ekki tilfinningarnar stjórna og yfirtaka ykkur. Lærið að hvíla í Guði, að þegja og leyfa andanum að stíga fram. Látið ekki holdlegan huga taka yfir, bíðið, snúið ykkur að Drottni sem býr í ykkur. Finnið nærveru hans, leyfið honum að tala og fylgið síðan leiðsögn hans.

Galatabréfið 5:16

En ég segi: Lifið í andanum, og þá fullnægið þér alls ekki girnd holdsins.

Þegar kemur að ákvörðunum sem þú þarft að taka leyfðu ekki tilfinningunum að stjórna. Segðu sál þinni að hafa hljótt. Náttúrulegur hugur þinn mun reyna að segja þér hvað þú eigir að gera. Notaðu viljann til að hindra að tilfinningarnar leiði þig, segðu NEI við sálina. Bíddu. hafðu hljótt. Hvíldu í Guði. Snúðu þér að Drottni, finndu nærveru hans og leyfðu honum að koma fram í anda þínum.

Flestir kristnir velja lífsförunauta sína út frá tilfinningum, þeir „verða ástfangnir“ í tilfinningalegu viðbragði. En ef valið byggist eingöngu á tilfinningum og þú „fellur“ fyrir einhverjum, þá getur þú líka auðveldlega „fallið frá“ þeirri ást. Ástin byrjar sem ákvörðun og tilfinningarnar fylgja síðan á eftir.

Guð getur sýnt þér hver lífsförunauti þinn er en það byggir ekki á þrá þinni eða hugsun, heldur á því að þekkja vilja Guðs. Þú kemst á þann stað þegar tilfinningar þínar og hugsanir hafa róast og þú átt samfélag við Guð þar sem þú vilt einungis vera viss um að þekkja vilja hans.

Vertu kyrr og heyrðu

Konur farið ekki til einhvers manns og segið: „Guð hefur sýnt mér að þú sért lífsförunautur minn.“ Þið munuð hræða hann frá ykkur! Guð vakti athygli Adams á Evu og hann sagði: „Þetta er gott.“ En við þurfum sjálf að vera í réttri stöðu, í stjórn á eigin sál.

Við höfum ekki raunverulega opinberun um skilyrðislausan kærleika Guðs til okkar, þess vegna óttumst við að hlutirnir muni ekki ganga upp. En ef ég legg niður allar metnaðarvonir, langanir og það sem ég vil, get ég þá treyst Guði til að gera það sem rétt er fyrir mig?

Tilfinningin ótti heldur okkur frá Guði

Fyrra Jóhannesarbréf 4:18

Ótti er ekki í elskunni. Fullkomin elska rekur út óttann. Því að óttinn felur í sér hegningu, en sá sem óttast er ekki fullkominn í elskunni.

Ef við skiljum fullkominn kærleika Guðs til okkar þá munum við aldrei óttast framar. Páll postuli var reiðubúinn, hvenær sem væri, að leggja niður líf sitt. Hann óttaðist hvorki dauðann né að yfirgefa þennan heim. 

Filippibréfið 1:21

Því að lífið er mér Kristur og dauðinn ávinningur.

Ótti var ekki hluti af lífi Hans.

Getur þú treyst Guði fyrir lífi þínu? Algjör undirgefni er forsenda þess að ganga í andanum með Drottni. Ef við sem kristnir menn lifum lífi sem er aðskilið frá Drottni, lífi sem við höfum sjálf í fastri stjórn, þá glötum við tilgangi og ástæðu tilveru okkar, að vera sameinuð Drottni, sem er tré lífsins.

Hugur Drottins er tré lífsins.

Vilji Drottins er tré lífsins.

Tilfinningar Drottins eru tré lífsins.

Tilfinningar Hans og/eða kærleikur gefur okkur kraft. Vilji Hans gefur okkur öryggi. Hugur Hans vekur okkur til lífs. Þegar við göngum í einingu við Hann, þá fyrst göngum við inn í hið raunverulega líf sem Guð ætlaði okkur.

Jóhannesarguðspjall 5:40

en þér viljið ekki koma til mín og öðlast lífið.

Orðskviðirnir 3:13, 17-18, 22-25

-13- Sæll er sá maður, sem öðlast hefir speki, sá maður, sem hyggindi hlotnast.

-17- Vegir hennar eru yndislegir vegir og allar götur hennar velgengni. -18- Hún er lífstré þeim, sem grípa hana, og sæll er hver sá, er heldur fast í hana.

-22- þá munu þær verða líf sálu þinni og prýði fyrir háls þinn. -23- Þá muntu ganga óhultur veg þinn og eigi drepa við fæti. -24- Þegar þú leggst til hvíldar, þarft þú ekki að hræðast, og hvílist þú, mun svefninn verða vær. -25- Þú þarft ekki að óttast skyndilega hræðslu, né eyðilegging hinna óguðlegu, þegar hún dynur yfir.

Ef við höldum boðorð hans, mun Hann dvelja í okkur. En hver eru boðorð Hans? Einfaldlega boðorð kærleikans.

Jóhannesarguðspjall 15:12

Þetta er mitt boðorð, að þér elskið hver annan, eins og ég hef elskað yður.

Ef við erum í Honum, þá verður kærleikur hans í oss, og við göngum með Honum í andanum, stöðugt nærð og styrkt af tré lífsins.

Opinberunarbókin 22:14

Sælir eru þeir, sem þvo skikkjur sínar (fylgja boðorðum Hans – KJV). Þeir fá aðgang að lífsins tré og mega ganga um hliðin inn í borgina.

Guð blessi þig!