Saga kirkjunnar

Okkur er sagt að  muna eftir því sem á undan hefur gerst

Fimmta Mósebók 32:7

Minnstu fyrri tíða, hyggið að árum liðinna alda! Spyr föður þinn, að hann megi fræða þig, gamalmenni þín, að þau megi segja þér frá! Guð annast lýð sinn

Sálmarnir 77:11

Ég víðfrægi stórvirki Drottins, ég vil minnast furðuverka þinna frá fyrri tíðum,

Sálmarnir 143:5

Ég minnist fornra daga, íhuga allar gjörðir þínar, ígrunda verk handa þinna.

Lúkasarguðspjall 17:32

Minnist konu Lots.

„Þegar Jesús talaði til kirkjunnar í Efesus sagði Hann við hana: Minnst þú því, úr hvaða hæð þú hefur hrapað (Opb 2:5).

Orðið „hrapað“ á grísku merkir „að reika frá“ og gefur í skyn að þeir ættu að líta til baka og skoða hvar kirkjan var stödd 50 árum áður.

Kirkjan – Saga hennar

Vandamálið er: Við viljum kraft frumkirkjunnar án þess að greiða þann kostnað sem hún greiddi.

Ein af forsendunum fyrir gegnumbroti og sigri er að finna í Opinberunarbókinni.

Opinberunarbókin 12:11

Og þeir hafa sigrað hann fyrir blóð lambsins og fyrir orð vitnisburðar síns, og eigi var þeim lífið svo kært, að þeim ægði dauði.

Þetta er spámannlegt um endatímakirkjuna.

Og eigi var þeim lífið svo kært, að þeim ægði dauði

Frumkirkjan var fædd í dauða og ólst upp við ofsóknir

• Stefán var grýttur til dauða.
• Jakobus var hálshöggvinn.
• Páll var einnig hálshöggvinn.
• Þúsundir gengu til dauða í hringleikahúsunum.

Andi kristinna manna í frumkirkjunni var sem andi lifandi píslarvotta

Rómverjabréfið 14:8

Ef vér lifum, lifum vér Drottni, og ef vér deyjum, deyjum vér Drottni. Hvort sem vér þess vegna lifum eða deyjum, þá erum vér Drottins.

Fyrra Korintubréf 15:31

Svo sannarlega, bræður, sem ég get hrósað mér af yður í Kristi Jesú, Drottni vorum: Á degi hverjum vofir dauðinn yfir mér.

Filippíbréfið 1:21

Því að lífið er mér Kristur og dauðinn ávinningur.

Þeir voru ekki eigin eign

Líf þeirra var ekki þeirra eigið

Eignir þeirra tilheyrðu ekki þeim sjálfum.

Þeir voru reiðubúnir að gefa allt fyrir Jesú. Þeir lifðu ekki lengur fyrir sjálfa sig.

Jesús sagði við kirkjuna í Smyrnu

“Þér munuð þrenginga hafa í tíu daga.”

Opinberunarbókin 2:10

Kvíð þú ekki því, sem þú átt að líða. Sjá, djöfullinn mun varpa nokkrum yðar í fangelsi, til þess að yðar verði freistað, og þér munuð þrenging hafa í tíu daga. Vertu trúr allt til dauða, og ég mun gefa þér kórónu lífsins.

Rómverski keisarinn Díókletían lýsti yfir stríði gegn kirkjunni á Smyrnu tímabilinu, sem stóð í 10 ár, gríðarlegur fjöldi kristna urðu píslarvættir.

Andi frumkirkjunnar var andi sjálfsafneitunar, andi krossins

Síðara Tímóteusarbréf 2:12

Ef vér stöndum stöðugir, þá munum vér og með honum ríkja. Ef vér afneitum honum, þá mun hann og afneita oss.

Guð er að reisa upp nýja tegund kirkju, kirkju sem mun klæðast þjónustulund og sjálfsafneitun

Hebreabréfið 12:1 & 3-4

-1-Fyrst vér erum umkringdir slíkum fjölda votta, léttum þá af oss allri byrði og viðloðandi synd og þreytum þolgóðir skeið það, sem vér eigum framundan.

-3- Virðið hann fyrir yður, sem þolað hefur slíkan fjandskap gegn sér af syndurum, til þess að þér þreytist ekki og látið hugfallast. -4- Í baráttu yðar við syndina hafið þér ekki enn þá staðið í gegn, svo að blóð hafi runnið.

Saga kirkjunnar er saga sjálfsafneitunar, fórnar og dauða

Filippíbréfið 2:5-9

Verið með sama hugarfari sem Jesús Kristur var. -6- Hann var í Guðs mynd. En hann fór ekki með það sem feng sinn að vera Guði líkur. -7- Hann svipti sig öllu, tók á sig þjóns mynd og varð mönnum líkur. -8- Hann kom fram sem maður, lægði sjálfan sig og varð hlýðinn allt til dauða, já, dauðans á krossi. -9- Fyrir því hefur og Guð hátt upp hafið hann og gefið honum nafnið, sem hverju nafni er æðra,

Við lifum í samfélagi þar sem allir vilja láta þjóna sér. Við eigum réttindi, við skiljum réttindi okkar og stöndum með sjálfum okkur. Heilar nýjar kynslóðir ungs fólks hafa verið aldir upp við húmaníska hugmyndafræði þess að standa með sjálfum sér. Sálfræði hefur komið í stað almennrar skynsemi og Orðs Guðs.

Nú er ólöglegt að aga börn sín með vendinum. Þessir nýaldar “velgjörðarmenn” með gráður í sálfræði, sem hafa smeygt sér inn í stjórnsýsluna, hafa heilaþvegið heila kynslóð. Afleiðingin er lögleysa og óreiða.

Hræðileg skortur á góðri framkomu ungs fólks í dag er einkenni um skort á aga, raunverulegri kennslu og framkvæmd á því hvað sé rétt og rangt.

Rómverjabréfið 15:1-3

Skylt er oss, hinum styrku, að bera veikleika hinna óstyrku og hugsa ekki um sjálfa oss. -2- Sérhver af oss hugsi um náungann og það sem honum er gott og til uppbyggingar. -3- Kristur hugsaði ekki um sjálfan sig, heldur eins og ritað er: Lastyrði þeirra, sem löstuðu þig, lentu á mér.

Hefur þú einhvern tíma velt fyrir þér af hverju Jesús talaði aldrei gegn þrælahaldi á sínum tíma? Páll postuli hvatti þræla til að þjóna húsbændum sínum af trúmennsku.

Jesús boðaði aldrei að ríkisvöldum skyldi steypt með valdi. Hann hvatti okkur einfaldlega til að sýna eiginleika Guðs ríkis í allri auðmýkt, blíðlyndi og kærleika. Hann vissi að aðeins kærleikurinn getur sigrað hið illa.

Rómverjabréfið 12:21

Lát ekki hið vonda yfirbuga þig, heldur sigra þú illt með góðu.

Rómverjabréfið 13:1-2

Sérhver maður hlýði þeim yfirvöldum, sem hann er undirgefinn. Því ekki er neitt yfirvald til nema frá Guði, og þau sem til eru, þau eru skipuð af Guði. -2- Sá sem veitir yfirvöldunum mótstöðu, hann veitir Guðs tilskipun mótstöðu, og þeir sem veita mótstöðu munu fá dóm sinn.

Títusarbréf 2:9

Áminn þræla, að þeir séu undirgefnir húsbændum sínum og í öllu geðþekkir, ekki svörulir,

Skipanir Páls til húsbænda voru:

Kólossubréfið 4:1

Þér sem eigið þræla, veitið þeim það sem rétt er og sanngjarnt og vitið, að einnig þér eigið Drottin á himni.

Það eru hinir hógværu sem að lokum erfa jörðina, og þegar við verðum eins og lömb mun ljónið ganga með lambinu.

Saga frumkirkjunnar er saga þess að leggja líf sitt niður, taka upp krossinn og þjóna öllu mannkyni með kærleika.

Guð blessi þig!

Sjöundi stólpi viskunnar “Hræsnislaus”

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Þetta er sjöundi og síðasti stólpi viskunnar, þessir stólpar eru innri eiginleikar sem gera þig hæfan til að taka við vísdómi Guðs og þær eru grunnurinn sem sannur vísdómur byggir á.

Þeir innri guðlegu eiginleikar sem hafa verið þróaðir innra með þér ákvarða stöðu þína og sæti í ríki Guðs. Guð horfir ekki svo mikið á það sem við gerum, heldur horfir hann á hver við erum.

Síðara Pétursbréf 1:4-8

Með því hefur hann veitt oss hin dýrmætu og háleitu fyrirheit, til þess að þér fyrir þau skylduð verða hluttakendur í guðlegu eðli, er þér hafið komist undan spillingunni í heiminum, sem girndin veldur. -5- Leggið þess vegna alla stund á að auðsýna í trú yðar dyggð, í dyggðinni þekkingu, -6- í þekkingunni sjálfsögun, í sjálfsöguninni þolgæði, í þolgæðinu guðrækni, -7- í guðrækninni bróðurelsku og í bróðurelskunni kærleika. -8- Því ef þér hafið þetta til að bera og farið vaxandi í því, munuð þér ekki verða iðjulausir né ávaxtalausir í þekkingunni (Visku) á Drottni vorum Jesú Kristi.

Ef þessir eiginleikar eru til staðar í þér munt þú raunverulega læra að þekkja Drottinn og þar að auki munt þú verða líkari honum, því þetta eru hans eiginleikar hans eða það sem Guð er.

Gríska orðið fyrir hræsni er *anupokritos* (505), sem þýðir bókstaflega leikari; þykjast; að vera tvöfaldur.

Farísearnir höfðu gert þetta að listformi

Lúkasarguðspjall 12:1

Fólk hafði nú flykkst að í tugum þúsunda, svo að nærri tróð hver annan undir. Jesús tók þá að tala, fyrst til lærisveina sinna: Varist súrdeig farísea, sem er hræsnin.

Matteusarguðspjall 23:28

Þannig eruð þér, sýnist hið ytra réttlátir í augum manna, en eruð hið innra fullir hræsni og ranglætis.

Við lifum í heimi plast eftirlíkinga, plast varð þekkt sem aukaefni, eitthvað sem líkir eftir hinu raunverulega. Í dag er erfitt að greina plast frá málmi, þetta er mynd eða skuggi samfélagsins sem við lifum í. Sjónvarpið mettar okkur með svokölluðum frægum einstaklingum sem eru sýndir sem frábærir menn, en fyrir flesta eru líf þeirra að innan hrörleg blekking, mynd af hræsni, leikur af leiklist.

Þegar við erum að leika berum við grímu

Drottinn opnaði einu sinni augun mín fyrir þessu á mjög myndrænan hátt. Þegar ég var að ganga niður götu í borginni sem ég bý, var allt í einu nær allir sem ég sá með grímu sem gerði þá mjög aðlaðandi. Gríman var haldin upp fyrir andlit þeirra með stiku eins og handfangi á botninum. Stundum slepptu þeir grímunni og mikið aflögð andlit komu í ljós. Ég hugsaði, drottinn, hvað er þetta og þá skyndilega man ég að á 16. til 18. öldinni héldu aðalsmenn veislur og komu með grímu sem var haldin yfir andlitinu með stiku.

Hræsnin er að bera grímu og þykjast vera eitthvað sem við erum ekki. Það sem var ógnvekjandi við þessa upplifun var þegar ég fór næst í kirkju til að predika, þá var næstum allur söfnuðurinn með svipaðar grímur, ekki bókstaflega, heldur í andlega heiminum, en hvað var undir grímunni???

Það sem kristnir menn átta sig ekki á er að þegar þeir eru að þykjast vera eitthvað sem þeir eru ekki, eru þeir að bera grímu sem er raunveruleg í andlega heiminum. Hræsnin er leiklist og þú byrjar í raun að taka upp falskan persónuleika.

Að leika hlutverk er hættulegt

Fyrir nokkrum árum gaf kona líf sitt til Drottins undir þjónustu minni. Þessi kona var í fullu starfi sem leikkona. Þegar hún gaf líf sitt til Drottins hófst barátta, hún byrjaði að skipta á milli mismunandi persónuleika, persónuleika sem hún hafði leikið út í ferli sínu sem leikkona. Þetta var ekki það sem almennt er þekkt sem margþætt persónuleikaröskun. Það sem ég fann var að þessir persónuleikar voru raunverulegar djöflalegar verur. Biblían segir okkur að hræsni sé synd, Lúkas 12:1. Hræsni er nefnd sem súrdeig, sem er synd. Sú synd opnar rás inn í líf manns þar sem djöfulegar verur geta ferðast inn í þann einstakling.

Þessi kona þurfti mikla frelsun áður en hennar raunverulega persóna byrjaði að koma fram. Margir frægir leikarar í dag viðurkenna að þeir viti ekki hverjir þeir eru. Þegar þú setur á þig annan persónuleika eða leikur út eitthvað sem þú ert ekki, opnar sú hræsni þig fyrir andlega heiminum þar sem þú getur orðið undir áhrifum þess sem þú þykist vera.

Matteusarguðspjall 23:28

Þannig eruð þér, sýnist hið ytra réttlátir í augum manna, en eruð hið innra fullir hræsni og ranglætis.

Okkur er sagt að íklæðast Jesú Kristi

Galatabréfið 3:27

Allir þér, sem eruð skírðir til samfélags við Krist, þér hafið íklæðst Kristi.

Kólossubréfið 3:10 & 14

-10- og íklæðst hinum nýja, sem endurnýjast til fullkominnar þekkingar og verður þannig mynd skapara síns.

-14- En íklæðist yfir allt þetta elskunni, sem er band algjörleikans.

Við erum beðin um að klæða okkur í Drottin Jesú, að klæða okkur í dyggðir Hans og karakter, því fræið Hans er innra með okkur, og þegar við beitum eða setjum á okkur þessa guðlegu eiginleika með vali, losum við það fræ sem er innra með okkur og verðum líkir Honum.

Þetta er andleg lögmál sem virkar bæði með ljósi og myrkri

Hvað hefur þetta með visku að gera?

Þegar þú berð grímu, þá virkar gríman sem sía, sem þýðir að allt sem kemur frá Guði til þín fer í gegnum síuna og kemur út á hinum endanum verulega skekkt og mengað út af falskri útgáfu af “þér”. Gríman mun spilla hreinleika þess sem Guð er að miðla. Við verðum að vera laus við hræsni, leiklist og þykjustu. Biblían kallar þennan feril helgun, að skilja okkur frá því sem spillir.

Jóhannesarguðspjall 17:17

Helga þá í sannleikanum. Þitt orð er sannleikur.

Stundum getur sannleikurinn skorið djúpt í þá vegu sem við lifum, en hlýðni við sannleikann hefur helgandi, hreinsandi áhrif.

Síðara Tímóteusarbréf 2:21

Sá sem fær sig hreinan gjört af slíku, mun verða ker til viðhafnar, helgað og hagfellt húsbóndanum, hæfilegt til sérhvers góðs verks.

Því fleiri hyljur eða grímur sem eru fjarlægðar, þeim mun skýrari verður aðgangur okkar að ríki Guðs. Þessar hyljur skyggja og hindra getu okkar til að sjá ríki Guðs.

Matteusarguðspjall 5:8

Sælir eru hjartahreinir, því að þeir munu Guð sjá.

Síðara Korintubréf 3:18

En allir vér, sem með óhjúpuðu andliti endurspeglum dýrð Drottins, ummyndumst til hinnar sömu myndar, frá dýrð til dýrðar. Þetta gjörir andi Drottins.

Gríska orðið fyrir “óhjúpuðu andliti” í þessu vers eru orðið anakalupto: G343, sem þýðir bókstaflega “andlit án hylju/grímu”.

Því fleiri grímur eða hyljur sem eru fjarlægðir, þeim mun skýrari verður sjón okkar inn í ríki Guðs. Að horfa á andlit Jesú verður æ skýrara, sem aftur gerir okkur kleift að taka við hans áhrifum og breytast í mynd hans, og verða þar með öflugri.

Þá höfum við lokið kennslu okkar á viskunni, ég vona að þær hafi hjálpað þér.

Guð blessi þig!

Sjötti stólpi viskunnar “Óhlutdræg”

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Gríska orðið fyrir hlutdrægni er: adiakritos sem þýðir óhlutdrægur eða að gera ekki greinarmun. Það kemur frá rót sem þýðir að vera tvílyndur.

Þessi eiginleiki er hluti af eðli Guðs, Guð er ekki tvílyndur og gerir ekki mannamun. Ávöxtur hlutdrægni er, hlutdræg hylli.

Postulasagan 10:34

Þá tók Pétur til máls og sagði: Sannlega skil ég nú, að Guð fer ekki í manngreinarálit.

Guð á ekki uppáhalds, en hann á þá sem finna hylli hjá honum

Þessi yfirlýsing er ekki mótsagnakennd, þar sem það eru umbun fyrir hlýðni, þrautseigju og einlæga hollustu við Guð. Kærleikur Guðs til okkar er stöðugur; en stig göngunnar okkar og nándar við hann er skilyrt.

Hlutdrægni sprettur upp úr tvennu ástandi mannsins.

1. Sjálfsvilji: Tilhneiging til þess sem við viljum.
2. Óvissa: Ruglingur og vanhæfni til að taka ákvörðun.

Þessi tvö skilyrði eða viðhorf geta valdið því að þú ruglar flæði visku Guðs til þín og þar af leiðandi í gegnum þig.

Hlutdrægni lærisveinanna

Markúsarguðspjall 10:46-49

Þeir komu til Jeríkó. Og þegar hann fór út úr borginni ásamt lærisveinum sínum og miklum mannfjölda, sat þar við veginn Bartímeus, sonur Tímeusar, blindur beiningamaður. -47- Þegar hann heyrði, að þar færi Jesús frá Nasaret, tók hann að hrópa: Sonur Davíðs, Jesús, miskunna þú mér! -48- Margir höstuðu á hann, að hann þegði, en hann hrópaði því meir: Sonur Davíðs, miskunna þú mér! -49- Jesús nam staðar og sagði: Kallið á hann. Þeir kalla á blinda manninn og segja við hann: Vertu hughraustur, statt upp, hann kallar á þig.

Hlutdrægni lærisveinanna hefði komið í veg fyrir að maðurinn fengi lækningu sína.

Ef þú ert óákveðinn í einhverju, muntu hafa tilhneigingu til að verða hlutdrægur gagnvart því sem gleður þig.

Við verðum að hafa ástríðu fyrir hreinleika sálarinnar sem hindrar ekki flæði viskunnar í gegnum okkur

Tvílyndi

Jakobsbréfið 1:5-8

Ef einhvern yðar brestur visku, þá biðji hann Guð, sem gefur öllum örlátlega og átölulaust, og honum mun gefast. -6- En hann biðji í trú, án þess að efast. Sá sem efast er líkur sjávaröldu, er rís og hrekst fyrir vindi. -7- Sá maður, tvílyndur og reikull á öllum vegum sínum, má eigi ætla, -8- að hann fái nokkuð hjá Drottni.

Tvílyndi; merkir að vera með tvær skoðanir, sem leiðir til óstöðugleika í öllum okkar háttum.

Að heyra og framkvæma er vegabréf til andlegrar vaxtar

Ritningarnar, orð Guðs, eru óhlutdrægar, þær breytast aldrei og eru staðall okkar um sannleika og hegðun. Hlýðni okkar við ritningarnar og Orð Drottins til okkar er eina leiðin til stöðugleika sem við höfum; það má ekki vera tvílyndi í þessu. Viskan kemur frá Guði, Orði hans og eðli hans.

Orðskviðirnir 4:5

Afla þér visku, afla þér hygginda! Gleym eigi og vík eigi frá orðum munns míns!

Orð Guðs er æðsta valdið í lífi okkar og við megum ekki hika eða verða tvílynd varðandi kröfur Guðs til okkar eins og þær eru skráðar í Orði hans.

Orðskviðirnir 4:25-27

Augu þín líti beint fram og augnalok þín horfi beint fram undan þér. -26- Gjör braut fóta þinna slétta, og allir vegir þínir séu staðfastir. -27- Vík hvorki til hægri né vinstri, haltu fæti þínum burt frá illu.

Orð Guðs er sannleikur, víktu ekki frá því!

Orðskviðirnir 1:1-3 & 7

Orðskviðir Salómons Davíðssonar, Ísraels konungs, -2- til þess að menn kynnist visku og aga, læri að skilja skynsamleg orð, -3- til þess að menn fái viturlegan aga, réttlæti, réttvísi og ráðvendni,

-7- Ótti Drottins er upphaf þekkingar, visku og aga fyrirlíta afglapar einir.

Ótti Drottins: er upphaf viskunnar. Þessum ótta fylgir skilningur á því að Guð gerir ekki mannamun; sannleikur er sannleikur, rétt er rétt og rangt er rangt og afleiðingar óhlýðni eiga við alla. Þú getur ekki verið tvílyndur gagnvart Orði Guðs.

Tvílyndi og trú

Jakobsbréfið 1:6-8

En hann biðji í trú, án þess að efast. Sá sem efast er líkur sjávaröldu, er rís og hrekst fyrir vindi. -7- Sá maður, tvílyndur og reikull á öllum vegum sínum, má eigi ætla, -8- að hann fái nokkuð hjá Drottni.

Trú skrifast sem áhætta: Þetta er mótsögn; oft þegar þú hlýðir Guði og ferð í trú ertu að taka áhættu, ekki í þeim skilningi að Guð hafi rangt fyrir sér eða muni bregðast þér þegar þú hlýðir honum, heldur er áhættan í huganum þínum. Barátta geisar í hinum náttúrulega huga okkar þegar maður byrjar að fylgja Drottni í trú.

Ég átti vin snemma á áttunda áratugnum sem var sannur maður trúarinnar á Guð. Einn daginn, þegar hann var að predika fjarri heimili sínu, dvaldi hann á hótelherbergi sem hafði sundlaug rétt fyrir utan dyrnar. Hann hafði verið að undirbúa sig allan daginn fyrir kvöldsamkomuna og var mjög ákafur. Hann horfði stöðugt á laugina og hugsaði að ef Pétur gekk á vatninu, þá gæti hann það líka. Loks, um 20 mínútum áður en hann þurfti að fara á fundinn, gekk hann beint út úr hótelinu og inn í laugina. Á botni laugarinnar, í jakkafötum og með bindi, sagði hann: „Drottinn, hvað er ég að gera hérna?“ Drottinn svaraði: „Þótt ég meti áhættuna sem þú tókst, sagði ég þér ekki að ganga á vatninu.“

Það verður alltaf einhver þáttur áhættu í göngu okkar með Drottni, áhættan við að gera rétt. Trú krefst hlýðni við orð Drottins, en barátta mun geysa í huga okkar og vilja. Hins vegar, þegar þú hefur ákveðið að hlýða, er tvílyndi ekki valkostur. Ferlið að heyra og hlýða er lærdómsferli; ef við gerum mistök, þýðir það ekki endalok heimsins – sólin mun samt rísa á morgun. Að heyra og hlýða er vandasamt, en Drottinn veit fyrirfram hvernig það fer. Ef þú gerir mistök hefur Drottinn þegar gert ráðstafanir og það mun ekki breyta örlögum þínum. Að vera stöðugur í Guði er mikilvægur eiginleiki.

Markúsarguðspjall 11:23-24

Sannlega segi ég yður: Hver sem segir við fjall þetta: Lyft þér upp, og steyp þér í hafið, og efar ekki í hjarta sínu, heldur trúir, að svo fari sem hann mælir, honum mun verða að því. -24- Fyrir því segi ég yður: Hvers sem þér biðjið í bæn yðar, þá trúið, að þér hafið öðlast það, og yður mun það veitast.

Að efast í hjarta þínu er að efast með ímyndunum þínum, þar er baráttan. Hins vegar þarftu að halda fast við það sem þú trúir að Guð hafi gefið þér og hefja lærdómsferli til að læra að gera rétt.

Það er betra að trúa og ekki fá en að efast og ekki fá. Prófanir og mistök eru hluti af lærdómsferlinu og þú lærir meira af mistökum þínum en þegar þú gerir rétt.

Guð vill uppræta tvílyndi úr okkur, þar sem það mun alltaf leiða til áhættuleysis í lífi okkar, það mun alltaf spila inn á ótta okkar og óöryggi og koma óstöðugleika inn í líf okkar og fjölskyldur.

Hæfnin til að taka ákvarðanir í allri auðmýkt er merki um þroska. Að lokum munt þú gera rétt oftar en rangt, og ef þú ert við það að gera stór mistök af allri einlægni verður þú að treysta Guði til að taka stjórnina. Ég er ekki að tala um að vera hvatvís, heldur að hafa trú og kjark til að treysta Guði.

Viskan sem kemur að ofan er án hlutdrægni, hún byggir á óbreytanlegu orði Guðs.

Guð blessi þig!

Fimmti stólpi viskunnar “Full miskunnar og góðra ávaxta”

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Sönn viska ber góðan ávöxt; ekki illdeilur, heldur þægindi, gleði og frið.

Full miskunnar (gríska 1656. *eleos*, meðaumkun [mannleg eða guðleg, sérstaklega virk]:—(+ blíð) miskunn. Bókstaflega virk meðaumkun með áherslu á að vera virk).

Það er ekki bara tilfinning meðaumkunar, heldur er það tilfinning með aðgerð. Þegar einhver er í vandræðum, gerir miskunn eitthvað til að létta á aðstæðunum, hvort sem viðkomandi ber ábyrgð á þeim eða ekki. Ef einhver lendir í vandræðum vegna mistaka, syndar, vanrækslu eða hvað sem það er, þá hjálpar þú; þú dæmir ekki, þú gagnrýnir ekki – þú hjálpar.

Ef þú ert svona, opnar þú hjarta Guðs gagnvart þér.

Þú dregur til þín velþóknun Guðs, þetta er andleg lögmál.

SVONA VIRKAR ÞETTA

Í tjaldbúð Móse, í því helgasta allra, finnum við sáttmálsörkina, og inni í þessari örk var eftirfarandi:

Manna:

Sem talar um samfélag, einingu.

Afrit af lögmálinu, boðorðunum tíu:

Þetta talar til samvisku okkar.

Stafur Arons sem blómstraði:

Sem talar til um innsæi, opinberun og viska.

Á örkinni var lok og kerúbar gættu hennar.

Örkin er mynd af Jesú.

Kólossubréfið 2:3

En í honum eru allir fjársjóðir spekinnar og þekkingarinnar fólgnir.

Í Jesú sem er táknmynd arkarinnar fjársjóður spekinnar.

Örkin hafði lok og það sem við þurfum að vita er hvernig á að taka lokið af til að fá aðgang að fjársjóðnum inni í henni: Visku, opinberun, samfélagi og lífi.

Lokið á örkinni var kallað NÁÐARSÆTIÐ

Önnur Mósebók 25:16-17 & 20

Og þú skalt leggja niður í örkina sáttmálið, er ég mun fá þér í hendur. -17- Þú skalt og gjöra lok af skíru gulli. Skal það vera hálf þriðja alin á lengd og hálf önnur alin á breidd.

-20- En kerúbarnir skulu breiða út vængina uppi yfir, svo að þeir hylji lokið með vængjum sínum, og andlit þeirra snúa hvort í mót öðru; að lokinu skulu andlit kerúbanna snúa.

Hvernig tekur þú nú lokið af örkinni og færð aðgang að fjársjóðnum?

Síðara Korintubréf 4:1

Með því að vér höfum þessa þjónustu á hendi fyrir miskunn Guðs, þá látum vér ekki hugfallast

Guð hefur kallað okkur öll til að vera þjónar hins nýja sáttmála, en við getum það ekki á eigin forsendum; við þurfum miskunn, virka hjálp frá Guði.

Í Jesú (örkinni) erum við fullkomin, Hann hefur allt sem við þurfum. Í SINNI MISKUNN mun Hann hjálpa þér að fá það sem þú þarft til að uppfylla þinn tilgang og köllun.

Lykillinn: Fyrst þarftu að sýna miskunn

Matteusarguðspjall 5:7

Sælir eru miskunnsamir, því að þeim mun miskunnað verða.

Við þurfum visku, innsýn í hið sanna eðli hluta, en til að fá þessa visku þarftu að sýna miskunn.

Ég var að þjónusta einstakling sem var í svo miklum vandræðum að það virtist ómögulegt að hjálpa honum. Alvarleg synd hafði valdið því að þessi einstaklingur var svo flæktur í gripum óvinarins að það virtist vonlaust. Ég horfði á þennan einstakling og fann svo mikla samúð og miskunn fyrir honum; viðhorf mitt til hans breyttist algjörlega, ég fann yfirþyrmandi miskunn gagnvart honum. Þegar þetta gerðist, kom lokið eins og á örkinni af, og ég vissi allt um þennan einstakling. Ég vissi hvað hafði byrjað vandamálið þegar hann var barn, ég sá inn í hans ættfræði sem hafði djúpar rætur í satanisma og hvernig þeir höfðu verið vígðir til Lúsífers sem börn. Með þessari þekkingu og visku gat ég rifið niður festu óvinarins og leyst einstaklinginn. Sælir eru miskunnsamir, því þeir munu hljóta miskunn (virka hjálp frá Guði).

GUÐ GEFUR ÞÉR VISKU, GÁFUR, GETU, ÞEGAR ÞÚ SÝNIR MISKUNN

Jesaja 58:6

Nei, sú fasta, sem mér líkar, er að leysa fjötra rangsleitninnar, láta rakna bönd oksins, gefa frjálsa hina hrjáðu og sundurbrjóta sérhvert ok,

Miskunnsemi

Jesaja 58:7

það er, að þú miðlir hinum hungruðu af brauði þínu, hýsir bágstadda, hælislausa menn, og ef þú sér klæðlausan mann, að þú þá klæðir hann og firrist eigi þann, sem er hold þitt og blóð.

ÞÁ MUN GUÐ SÁ MISKUNN TIL ÞÍN OG OPNA FJÁRSJÓÐINA SÍNA

Jesaja 58:8-9

Þá skal ljós þitt bruna fram sem morgunroði og sár þitt gróa bráðlega, þá mun réttlæti þitt fara fyrir þér, dýrð Drottins fylgja á eftir þér. -9- Þá munt þú kalla á Drottin, og hann mun svara, þú munt hrópa á hjálp og hann segja: Hér er ég! Ef þú hættir allri undirokun, hæðnisbendingum og illmælum,

Að benda fingri; Dæma í stað þess að sýna miskunn

Jesaja 58:10-12

ef þú réttir hinum hungraða brauð þitt og seður þann, sem bágt á, þá mun ljós þitt renna upp í myrkrinu og niðdimman í kringum þig verða sem hábjartur dagur. -11- Þá mun Drottinn stöðugt leiða þig og seðja þig, þótt þú sért staddur á vatnslausum stöðum, og styrkja bein þín, og þá munt þú verða sem vökvaður aldingarður og sem uppsprettulind, er aldrei þrýtur. -12- Þá munu afkomendur þínir byggja upp hinar fornu borgarrústir, og þú munt reisa að nýju múrveggina, er legið hafa við velli marga mannsaldra, og þá munt þú nefndur verða múrskarða-fyllir, farbrauta-bætir.

Viskan kemur frá Guði til þess sem er fullur af miskunn og góðum ávöxtum

Matteusarguðspjall 9:36

En er hann sá mannfjöldann, kenndi hann í brjósti um þá, því þeir voru hrjáðir og umkomulausir eins og sauðir, er engan hirði hafa.

Þessi tilfinning samúðar kallaði fram ótrúlegt kraftaverk.

Matteusarguðspjall 20:34

Jesús kenndi í brjósti um þá og snart augu þeirra. Jafnskjótt fengu þeir sjónina og fylgdu honum.

Andlegur kraftur þarf að flæða í rás; ef rásin er ekki opin getur hún ekki flætt

Að sýna miskunn, virka samúð og raunverulega ást opnar rásina fyrir flæði Guðs. Sterk löngun og samúð kallar oft fram gjöf trúarinnar og opnar okkur fyrir þá visku sem þarf fyrir verkefnið og sjálfkrafa munu góðir ávextir fylgja.

Síðara Korintubréf 4:1

Með því að vér höfum þessa þjónustu á hendi fyrir miskunn Guðs, þá látum vér ekki hugfallast

Guð blessi þig!

Fjórði stólpi viskunnar “Sáttgjörn”

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

SÁTTGJÖRN: Gríska orðið fyrir „sáttgjörn“ kemur frá Strong’s G2095 og G3982; gott til sannfæringar, það er, (óbeint) samvinnufúst: – einfalt að færa rök fyrir.

Í einföldu máli þýðir þessi setning: Auðvelt að nálgast eða auðvelt að tala við vegna þess að viðkomandi er blíður og opinn. Viðkomandi er opinn og á auðvelt með að taka/veita leiðsögn.

Fyrst og fremst er þetta afstaða gagnvart Guði

Guð vill fólk sem er auðvelt að vinna með, fólk sem mun ekki rífast við hann.

Hlýðni er eitt af því sem Guð krefst mest af okkur

Í fyrri Samúelsbók 15. kafla sagði Guð við konunginn Sál að útrýma Amalekítunum ásamt öllu þeirra fé. Sál sigraði Amalekítana en fékk þá góða hugmynd að halda hluta af fénu til að fórna Guði.

Það virtist vera góð hugmynd, mjög rökrétt fyrir Sál

Fyrri Samúelsbók 15:9-14 & 22-23

Þó þyrmdi Sál og fólkið Agag og bestu sauðunum og nautunum, öldu og feitu skepnunum, og öllu því, sem vænt var, og vildu ekki bannfæra það. En allt það af fénaðinum, sem var lélegt og rýrt, bannfærðu þeir. -10- Þá kom orð Drottins til Samúels svohljóðandi: -11- Mig iðrar þess, að ég gjörði Sál að konungi, því að hann hefir snúið baki við mér og eigi framkvæmt boð mín. Þá reiddist Samúel og hrópaði til Drottins alla nóttina. -12- Og Samúel lagði snemma af stað næsta morgun til þess að hitta Sál. Og Samúel var sagt svo frá: Sál er kominn til Karmel, og sjá, hann hefir reist sér minnismerki. Því næst sneri hann við og hélt áfram og er farinn ofan til Gilgal. -13- Þegar Samúel kom til Sáls, mælti Sál til hans: Blessaður sért þú af Drottni, ég hefi framkvæmt boð Drottins. -14- En Samúel mælti: Hvaða sauðajarmur er það þá, sem ómar í eyru mér, og hvaða nautaöskur er það, sem ég heyri?

-22- Samúel mælti: Hefir þá Drottinn eins mikla velþóknun á brennifórnum og sláturfórnum eins og á hlýðni við boð sín? Nei, hlýðni er betri en fórn, gaumgæfni betri en feiti hrútanna. -23- Þrjóska er ekki betri en galdrasynd, og þvermóðska er ekki betri en hjáguðadýrkun og húsgoð. Af því að þú hefir hafnað skipun Drottins, þá hefir hann og hafnað þér og svipt þig konungdómi.

GUÐ VILDI SKILYRÐISLAUSA HLÝÐNI

Guð vill fólk sem er auðvelt að gefa skipanir, auðvelt að vinna með, auðvelt að færa rök fyrir. Sál var stöðugt drifinn áfram af ótta sem gerði honum erfitt fyrir að hlýða Guði.

ABRAHAM AFTUR Á MÓTI: Var auðvelt að vinna með og varð hann þannig vinur Guðs og Guð deildi speki sinni með honum.

Það er áhugavert að taka eftir því að þegar Guð talaði við Abraham um umskurn í Fyrstu Mósebók 17. kafla var Guð að gera sáttmála við Abraham og gaf umskurnina sem tákn til að innsigla hann.

Guð var mjög nákvæmur í leiðbeiningum sínum

Fyrsta Mósebók 17:10 & 12

-10- Þetta er minn sáttmáli, sem þér skuluð halda, milli mín og yðar og niðja þinna eftir þig: Allt karlkyn meðal yðar skal umskera.

-12- Átta daga gömul skal öll sveinbörn umskera meðal yðar, ættlið eftir ættlið, bæði þau, er heima eru fædd, og eins hin, sem keypt eru verði af einhverjum útlendingi, er eigi er af þínum ættlegg.

Sérstaklega á 8. degi: Abraham hefði getað haft þá afstöðu að minna en það sem Guð krafðist væri í lagi. Hann hefði getað sagt að 6. dagur væri þægilegri eða 7., það myndi ekki skipta máli. En Guð sagði 8. daginn og útskýrði ekki hvers vegna. Það sem Abraham vissi ekki var að blóðstorkuefni myndast ekki í blóði barns fyrr en á 8. degi; mörg börn hefðu getað blætt út ef þau hefðu verið umskorin fyrir þann dag.

Ég hef heyrt kristna segja: „Ég þarf að skilja áður en ég get hlýtt Guði,“ en ef það væri satt þyrfti ekki trú. Guð vill fólk sem er auðvelt að færa rök fyrir, sem mun hlýða honum án deilna, mótstöðu eða afsökunar. Það er alltaf viturlegt að hlýða, og til að geta hlýtt án þess að efast þarf þessi eiginleiki, þessi stoð eða grunnur að vera festur í hjörtum okkar. Það er alltaf viturlegt að hlýða Guði, jafnvel þótt þú skiljir ekki hvers vegna; það gæti bjargað lífi þínu á síðustu tímum.

Annað sjónarmið er hið mannlega sjónarmið

Sumt fólk er mjög erfitt að vinna með, það andmælir öllu og er ekki auðvelt að rökræða við. Ef þú getur ekki tekið við skipunum og hlýtt í veraldlega lífinu, munt þú eiga í miklum vandræðum með að hlýða Guði.

Orðskviðirnir 18:6

Varir heimskingjans valda deilum, og munnur hans kallar á högg.

Orðskviðirnir 13:1

Vitur sonur hlýðir umvöndun föður síns, en spottarinn sinnir engum átölum.

Faðir getur átt við hvern sem er yfir þér.

Vandamálið með lýðræði er að oft vill hver og einn vera höfðingi en ekki indíáni. Fólk Guðs þarf að læra að vinna saman. Guðsríkið er ekki lýðræði. Við þurfum öll að vinna undir einhvers konar valdi.

Uppreisn lokar þig frá visku Guðs og er form galdra þar sem hún leiðir til þess að einstaklingur reynir að stjórna til að ná sínu fram. Andi stjórnunar er form galdra (witchcaft).

Að vera „sáttgjarn eða sáttgjörn“ merkir að gera það sem þú ert beðinn um. Það er svo hressandi þegar auðvelt að tala við og vinna með manneskju.

EKKI DEILUGJARN: Auðvelt að vinna með, fólk sem þykist ekki vita allt og vera sérfræðingar í öllu. Sumt fólk er svo fast í skoðunum sínum að það er erfitt að vinna með þeim.

Við þurfum öll sanna auðmýkt með blíðum anda sem á aðvelt með að taka leiðsögn

Jóhannesarguðspjall 14:21

Sá sem hefur boðorð mín og heldur þau, hann er sá sem elskar mig. En sá sem elskar mig, mun elskaður verða af föður mínum, og ég mun elska hann og birta honum sjálfan mig.

Guð kenndi Abraham skilyrðislausa hlýðni, eftir það gat Hann orðið vinur hans og deilt visku sinni með honum.

Jóhannesarguðspjall 15:15

Ég kalla yður ekki framar þjóna, því þjónninn veit ekki, hvað herra hans gjörir. En ég kalla yður vini, því ég hef kunngjört yður allt, sem ég heyrði af föður mínum.

Hjartafarslegt ástand skilyrðislausrar hlýðni setur þig í stöðu til að taka á móti visku Guðs án þess að spilla hreinleika hennar. Þetta er stólpi sem þarf að vera á sínum stað.

Þú gætir spurt: Hvað ef ég er að vinna undir valdi sem er óhæft og heimskulegt? Þá ættir þú að yfirgefa teymið með réttu hugarfari, en vertu viss um að þú sért ekki vandamálið. Leitaðu Drottins og hlýddu honum.

Guð blessi þig!

Þriðji stólpi viskunnar “Ljúfleg”

Við höfum verið að vinna með Jakobsbréfið og Orðskviðina. Í 9. kafla í Orðskviðunum er talað um sjö súlur viskunnar og í Jakobsbréfi, 3. kafla, eru þessar sjö súlur taldar upp.

Við höfum komist að þeirri niðurstöðu að við þurfum hreinar hjartahvatir til að geta túlkað það sem Guð segir án þess að það litist af óhreinleika í hjarta okkar. Þessar sjö súlur eru innri hjartastöður sem þurfa að vera til staðar til að við getum heyrt og túlkað rétt það sem Guð er að segja okkur.

Innsýn inn í raunverulegt eðli hluta

Jakobsbréf 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Orðið „ljúfleg“ hér er mjög áhugavert orð á grísku; „epieikes“, það þýðir bókstaflega að passa eða vera viðeigandi. Eins og þegar maður segir „það er ekki viðeigandi að gera þetta“. Þýðendur notuðu þetta gamla enska orð til að skýra merkingu gríska orðsins.

Það kemur frá hugmyndinni um að reyna ekki að setja hringlaga prjón í ferkantað gat, það passar ekki. Það hefur þá merkingu að þvinga ekki fram aðstæður, vera mildur við þær, þetta mun ekki passa.

Báðir W.E. Vine og E. W. Bullinger, sem voru fræðimenn í grísku, segja að þetta orð hafi einnig þá merkingu að vera ekki staðfastur á bókstaf lögmálsins.

Að krefjast ekki réttar síns; að láta af rétti sínum í ljúflegum anda.

Ég er ekki að tala um að gera málamiðlanir á sannleikanum, heldur að vera vitur og sjá andann í málinu fremur en bókstafinn.

Sumir munu aldrei sjá þitt sjónarhorn, ekki reyna að þröngva þínum hringlaga prjóni í þeirra ferkantaða gat, það er ekki viturlegt; þegar öllu er á botninn hvolft getur alveg verið í myndinni að þú hafir rangt fyrir þér.

Að krefjast ekki bókstaf lögmálsins

Andi lögmálsins tekur alltaf mið af hvatanum. Skækjan sem faldi hebresku njósnarana og laug síðan að óvininum um það, fékk mikil laun þrátt fyrir að hafa brotið lögmálið.

Jósuabók 2:1-4

Jósúa Núnsson sendi tvo njósnarmenn leynilega frá Sittím og sagði: Farið og skoðið landið og Jeríkó! Þeir fóru og komu í hús portkonu einnar, er Rahab hét, og tóku sér þar gistingu. -2- Konunginum í Jeríkó var sagt: Sjá, hingað komu menn nokkrir í kveld af Ísraelsmönnum til þess að kanna landið. -3- Sendi þá konungurinn í Jeríkó til Rahab og lét segja henni: Sel fram mennina, sem til þín eru komnir, þá er komnir eru í hús þitt, því að þeir eru komnir til þess að kanna allt landið. -4- En konan tók mennina báða og leyndi þeim. Og hún sagði: Satt er það, menn komu til mín, en eigi vissi ég hvaðan þeir voru. (Hún var ekki heiðarleg)

Er rangt að ljúga? Já, en ef þú lýgur til að bjarga lífi, þá yfirbugar hvatinn bókstafinn í lögmálinu og andi lögmálsins sigrar.

Andstæða þessa orðs, ljúfleg, er að vera þrætugjarn

Lítum á þetta í lífi Ísaks:

Fyrsta Mósebók 26:18-20

Og Ísak lét aftur grafa upp brunnana, sem þeir höfðu grafið á dögum Abrahams föður hans og Filistar höfðu aftur byrgt eftir dauða Abrahams, og gaf þeim hin sömu heiti sem faðir hans hafði gefið þeim. 19- Þrælar Ísaks grófu í dalnum og fundu þar brunn lifandi vatns. -20- En fjárhirðar í Gerar deildu við fjárhirða Ísaks og sögðu: Vér eigum vatnið. Og hann nefndi brunninn Esek, af því að þeir höfðu þráttað við hann.

Þessir brunnar tilheyrðu Ísaki með réttu, en þegar hann gróf þá upp á nýjan leik, deildu hirðar Gerar við hann um brunninn. Ísak nefndi brunninn Esek, sem á hebresku þýðir „deila“.

Ísak gaf hann frá sér, fullkomið dæmi um orðið „ljúfleg“ sem við erum að rannsaka

Fyrsta Mósebók 26:21-22

Þá grófu þeir annan brunn, en deildu einnig um hann, og hann nefndi hann Sitna. -22- Eftir það fór hann þaðan og gróf enn brunn. En um hann deildu þeir ekki, og hann nefndi hann Rehóbót og sagði: Nú hefir Drottinn rýmkað um oss, svo að vér megum vaxa í landinu.

Var Ísak vitur þegar hann neitaði að krefjast réttar síns? Já, því að þá gat Guð unnið fyrir hann og veitt honum miklu meira en það sem hann missti.

Fyrirmyndin í Jesú

Jesaja 53:7

Hann var hrjáður, en hann lítillætti sig og lauk eigi upp munni sínum. Eins og lamb, sem leitt er til slátrunar, og eins og sauður þegir fyrir þeim, er klippa hann, lauk hann eigi upp munni sínum. Hinir hógværu erfa alltaf.

Að þrýsta á að setja hringlaga prjón í ferkantað gat er alltaf ÓVITURLEGT, það passar ekki.

Foreldrar gera þetta oft við börnin sín, og það er mjög óviturlegt. Sumar foreldrar eiga eitt barn sem er mjög námsfúst og annað barn sem er mjög listrænt eða skapandi.

Þrýstu ekki á listrænt, skapandi barn að fara á starfsvettvang þar sem það passar ekki. Starfsferill barnsins ætti að fylgja þeim hæfileikum og gjöfum sem Guð gaf því.

Stundum vilja foreldrar lifa lífi sínu aftur í gegnum börnin sín, oft vegna þess að þeir misstu af einhverju sem þeir vildu gera, en að þrýsta þeim inn á starfsferil sem Guð ætlaði þeim aldrei til að fullnægja eigingjörnum óuppfylltum metnaði þínum er EKKI VIÐEIGANDI.

Viskan sem kemur að ofan kemur í gegnum ker sem hefur dáið sjálfu sér; er ekki að fara að krefjast þess sem það vill. AÐ LÁTA AF RÉTTI OKKAR er grundvallaratriði sannrar kristni.

Orðskviðirnir 13:10

Með hroka vekja menn aðeins þrætur, en hjá ráðþægnum mönnum er viska.

Aðeins af hroka, vanhæfni til að gefa eftir og sleppa, heldur deilan áfram, en fyrir þá ráðvitu er sönn viska að gefa eftir.

Ráðvitur á hebresku „ya’ats:H3289. Að taka ráðlegginum Guðs er viska.

Lesandi athugi að þegar við tölum um að gefa eftir, þá erum við EKKI að tala um að gefa eftir fyrir djöflinum, við erum í andlegu stríði sem við verðum að berjast, en stríð okkar er aldrei við fólk.

Efesusbréfið 6:12

Því að baráttan, sem vér eigum í, er ekki við menn af holdi og blóði, heldur við tignirnar og völdin, við heimsdrottna þessa myrkurs, við andaverur vonskunnar í himingeimnum.

Lítum á hvað bók viskunnar segir

Orðskviðirnir 15:1

Mjúklegt andsvar stöðvar bræði, en meiðandi orð vekur reiði.

Orðskviðirnir 18:6

Varir heimskingjans valda deilum, og munnur hans kallar á högg.

Að leiða til deilu, og þú ert heimskur; Guð segir það.

Orðskviðirnir 25:15

Með þolinmæði verður höfðingja talið hughvarf, og mjúk tunga mylur bein.

Orðskviðirnir 26:17

Sá, sem kemst í æsing út af deilu, sem honum kemur ekki við, hann er eins og sá, sem tekur um eyrun á hundi, er hleypur fram hjá.

Ekki skipta þér af illdeilum: Forðastu þær. Hugsaðu um þín mál.

Jakobsbréf 3:17

Sú speki kemur ekki að ofan, heldur er hún jarðnesk, andlaus, djöfulleg.-16- Því hvar sem ofsi og eigingirni er, þar er óstjórn og hvers kyns böl.

Ljúfleg: Það sem passar þvingar ekki hluti.

Hvað gerði Davíð konung mikinn?

Síðari Samúelsbók 22:36

Þú gafst mér skjöld hjálpræðis þíns, og lítillæti þitt gjörði mig mikinn.

Skoðum þessa andstæðu í lífi Davíðs. Hann var stríðsmaður og kunni að berjast við óvini sína. En það var hógværð hans sem gerði hann stóran. Guð hafði smurt hann sem konung fyrir Samúel, og Sá hafði verið hafnað af Guði.

Nú stóð Davíð frammi fyrir tímabili þar sem Guð prófaði innri eiginleika hans

Sál reyndi að drepa hann, þrátt fyrir að Davíð hefði verið útvalinn sem konungur. Guð lét Davíð lenda í aðstæðum þar sem innri eiginleikar hans yrðu prófaðir. Hann var í aðstöðu til að drepa Sál en valdi að gera það ekki, þar sem hann vissi að það væri ekki rétt að gera það.

Hógværð hans gerði hann stóran í augum Guðs og manna.

Fyrri Samúelsbók 24:4-6

Þá sögðu menn Davíðs við hann: Nú er dagurinn kominn, sá er Drottinn talaði um við þig: Sjá, ég mun gefa óvin þinn í hendur þér, svo að þú getir við hann gjört það, er þér vel líkar. Og Davíð stóð upp og sneið leynilega lafið af skikkju Sáls. -5- En eftir á sló samviskan Davíð, að hann hafði sniðið lafið af skikkju Sáls. -6- Og hann sagði við menn sína: Drottinn láti það vera fjarri mér, að ég gjöri slíkt við herra minn, Drottins smurða, að ég leggi hönd á hann, því að Drottins smurði er hann.

Það var ekki viðeigandi fyrir Davíð að drepa Sál; þessi innri eiginleiki Davíðs gerði hann mikinn í augum Guðs og manna.

Þess vegna gat hann sagt: Þín mildi hefur gert mig mikinn

Þessi andstæða er sýnd í Sálmi 18.

Sálmarnir 18:35

Hann sem æfir hendur mínar til hernaðar, svo að armar mínir benda eirbogann.

Guð kenndi Davíð að heyja stríð, en það var mildi hans sem gerði hann mikinn

Ég lærði fyrir löngu síðan: Ef þú berst til að réttlæta sjálfan þig, þá hættir Guð að starfa fyrir þig. Ef þú reynir að sanna að þú hafir rétt fyrir þér, mun Guð ekki réttlæta þig; hann mun láta þig vera með þínum eigin ráðum.

ÁGREININGUR: Þú verður að forðast hann.

Jakobsbréf 3:14-16

En ef þér hafið beiskan ofsa og eigingirni í hjarta yðar, þá stærið yður ekki og ljúgið ekki gegn sannleikanum.
(Ef þú ert með ofsa og eigingirni í hjarta kemur þín viska ekki að ofan heldur að neðan frá Helju) -15- Sú speki kemur ekki að ofan, heldur er hún jarðnesk, andlaus, djöfulleg. -16- Því hvar sem ofsi og eigingirni er, þar er óstjórn og hvers kyns böl.

Þetta mengar visku Guðs þegar hún kemur til þín. Þú túlkar hana í ljósi ástands þíns eigin hjarta.

Jakobsbréf 3:14-16

Auðmýkið yður fyrir Drottni og hann mun upphefja yður.

Þessi stoð sem er ein af undirstöðum viskunnar verður að vera lögð í líf þitt.

Guð blessi þig!